31-03-2011, 06:12 PM
|
 |
عضو متواصل
|
|
تاريخ التسجيل: Jun 2010
المشاركات: 60
معدل تقييم المستوى: 30
|
|
السلام عليكم
بتكلم لك عن جانب واحد اللي هو عن المخارط لانها من تخصصي
إذا بتخلي عندك مكينه وحده اللي هي حقت الهوبات ما تكلف عليك لانه سعرها رخيص
أما المكاين الثانيه حقت الخراطه مكلفه بعض الشيء ولكن ربحها مضمون إذا إتفقت مع ورش تقول لهم إذا عندكم توضيب مكينه و و و اي شيء يحتاج للمخرطه اتصلو عليه وترسل سيارتك للورشه هذي وتأخذ القطع وتصلحها وترجعها لهم
قبل اسبوع كنت بمخرطه بالطايف بما اني من سكان الطايف لقيت عنده مكائن خراطه المانيه جالس اسولف معه اقوله كيف جودة المكائن اللي نزلت بالسوق البكستانيه والصينيه قال كلها خايسه تعطيك مقاسات ماهي مزبوطه قلت طيب الالمانيه مكلفه يعني مخرطتك هذي ما شاء الله الوحده ممكن 200 الف قالي تدري وهي على حالتها الراهنه هذي جاني في 300 الف ولا بعت ..!! قددديمه المخرطه قديمه بمعنى الكلمه
السوق هالحين ما فيه الا مكائن بكستانيه وصينيه ولكن الالماني جودته ما يختلف فيها اثنين ولكن اسعارها نار وهي تستاهل بصراحه
إذا عندك رأس مال تمام يعني فوق 300 قبل لا تبدأ خذ فكره عن المخارط اللي بالطايف وكيف طريقتها
شوف مخارط العتيبي والخليج وذا النون
والله يرزقنا ويرزقك
|
العرض العادي
