السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
كثير منا عند التخرج من الثانوي لايعرف اين رغبته الا بعد مايدخل جامعه وياخذ التخصص ومن ثم يندم على التخصص الي دخل فيه وانا قد صار لي الشي هذا تخرجت من الثانوي سئلت وش التخصص الي مجاله كبير في سوق العمل بحثت لقيت الحاسب الالي طبعا فكرت فيها المعاهد والكليات الي تستخرج شهادات الحاسب لقيت انها كثيره فكرت فيها قلت صعبه بعد سنه او سنتين راح اشوف اعداد هائله في تخصص الحاسب بحثت لقيت الكهرباء لها مجال كبير ودخلت قسم الكهرباء قبل تخرجي بي ترم ندمت اني دخلت الكهرباء المهم في اخر تررم طبقت في مؤسسة قبل ماخلص التطبيق بي اسبوع طلبني مدير قسم الكهرباء رحت(ذهبت) له قال ليا انت اداري ناجح جدا ليه مادخلت الاداراه استغربت منه قلت كيف عرفت اني اداري وانا بعيد عنك طبعا هو في مبنى وانا في مبنى ثاني قالي انت في كم مبنى رحت قلت له LC1و2و3 قال لي كل الي رحت لهم قالو ليا انه اداري وكلهم نفس الكلام قالو ليا بالحرف الواحد انا عشان كذا طلبتك ومتحير ليه دخلت الكهرباء ومادخلت قسم الاداره قلت الحمدالله على كل شي هذي غلطتي اني دخلت قسم مو رغبتي دخلت الي اشوفه في مجال العمل متوفر قال لي لو قدمت عندنا راح اخذك اداري بدال كهربائي قلت له مو مشكله زبط الاوارق من الحين ضحك وقال الله يوفقك المهم عد المحاظره الطويله ابي منكم الي درس بعد الثانوي في تخصص ومامشي معاه يقول ليا وش التخصص الي درسه وش كان مجاله
كثير منا كان وده يدرس في قسم الكهرباء مثلا يجد اكتفاء ويغير القسم طبعا الكلام هذا اول الحين سنه تحضريه ويختار القسم بعدين يمكن الموضوع ملخبط شوي كتبته ابو سريع سريع مابي احد يغلط الغلط الي وقعت فيه والسلام عليكم ورحمة الله وبركاته

مو معقوله ولا احد مر عليه

هـــــــذا الحيـــآه .. يتخرجون ومآعندهم هـدف

ويوقعون . في الاشاء الي هم مآيبونهآ ..

شوف وانا آخوٍك الوآحد يدخل فـ تخصص . مطلوب في سوق العمَلَ

مثل الحـآسب الاليَ .. الحاسب الالي مطلوب جدآ جدآ ..

تروح اي شركٍه . يصك راتبك 5000 ..

والكهربـآء جيده .. يآخوك مافي تخصص الا ومنه فايده

بس في تخصصاتَ تحصلهآ مدسوسهَ محد يدري عنهآ ..

على العمومَ الله يوفقـك . وان شاء الله تحصل الوظيفه الزينــه

تخرجت بنسيه عاااليه جدااا تدخلني اي قسم


دخلت قسم مسيره ولست مخيره سبحاان الله الى الأن افكرر ليه ما دخلت القسم الي اناا حاابته واستغررب ..!!


لكن ربي كااتب لي هالقسم ...


وأتمناا لو تعااااد السنين حتى أختااارواغير ...


لأن الى الأن لم اجد نفسي صراااحه ولم اصل لطمووحي ...



الله يكتب لناا الخير يااارب...

انا مريت بنفس حآلتك تقريباً

تخرجت من الثانوية - علمي بتقدير إمتياز
طبعاً كان في بالي أيام الثانوي اني أدرس في جامعة الملك عبدالعزيز لكن مآعمري فكرت وقررت إش التخصص
اللي حـ أختار أكمل مسيرتي التعليمية فيه ..

المهم بعد التخرج نسبتي كانت ماشاء الله عاليه وتدخلني الكلية اللي أبغآهآ
جاء موعد التقديم وأنا لسى ماقررت على أي كلية حقدم .. أبويه قال أدرسي طب وإلا علوم طبية

وماما لمن أسألها تقول اللي يريحك سويه وتوكلي على الله هذي حياتك انتي

المهم يوم التقديم أخذت أوراقي وأخذت ماما معاية وروحت للجامعة .. أخذت استمارة الترشيح وعبيت بياناتي
لين عند الكلية المرغوبة والتخصص المطلوب .. وقتها أبويه دق على جوالي قال لي لو تسجلي طب وانتي براحتك

أنا مالي رغبة في الطب نهائياً لأني ما أبغى وظيفة فيهآ اختلاط برجآل وكذا لأني حاطة في بالي اني آخرتها حكون زوجة وأم ومردي لبيتي وهو مكاني الصحيح .. طبعاً هذا السبب اللي مخليني رافضة كلية الطب والتخصصات الصحية ..
المهم قلت نزولاً عند رغبة أبويه حـ أسجل في كلية الطب .. ماما جنبي جالسة وقاعدة تقرأ الإستمارة واستغربت اني أخترت طب بس ماعلقت أبداً ..
اخترت طب بشري - علوم طبية تطبيقية ( تقنية طبية) الرغبة الثالثة اخترت كلية العلوم ..

بعد شهر ونص نزل اسمي في جريدة عكاظ انقبلت في كلية الطب ( طب بشري )
سلمت أمري لله وروحت للجامعة وكملت باقي الإجراءات وأستلمت بطاقتي وانتهى الأمر
بدينا أول أسبوع دراسة .. دخل علينا دكتور أنا هنا انصعقت .. طبعاً قبل لا يدخل قال تغطوا يابناتي في محاضرة
الدكتور عندنا في القاعة وانا كذا> .. الله يذكرة بالخير الدكتور عبدالرحمن الأهدل ..
من يومها الوضع ماعجبني نهائياً .!!!
طيب جانا الشي اللي أقوى من كذا روحنآ الأنوتيمي ( المشرحة) وريحة الفورمالدهيد فاقعة في المكان وغير الأشياء اللي تخوف وتقرف .. أنا هنآ صابتني الصدمة القوية .. لدرجة تجيني تهيآت وأشياء غريبة من اللي شفته في المشرحة وأصلاً الدكتورة كانت قوية مرره لدرجة تقول امسكي كل حاجة وجيبوا فطوركم وكلوا هنآ وععععع
انتهى الأسبوع الأول ودخلت في الأسبوع الثاني وأنا ماني مرتاحة أداوم كأني رايحة للهلاك مش للجامعة
وبالأخير قلت لأهلي مارح اكمل في كلية الطب لو ايش يسير .. حاولوا من هنا من هنا مافي فايدة ..
بعدها كلمت دكتوره ربي يسعدها لدرجة اني بكيت قدامها وقلت لها أرجوكي ساعديني بأي طريقة أبغى أحول لكلية العلوم مني قادرة أتحمل الوضع نهائياً وما أبغى تروح عليه السنه .. وساعدتني الله يعطيها العافية يارب دكتورة ريم العمودي ..
الأسبوع الثالث داومت في كلية العلوم فررررق كبير عن كلية الطب وكنت مرتاحة نفسياً الحمدلله ..و بعد سنه ونص تخصصت فيزياء بحته وكنت مبسوطه مرره في التخصص ..
وأنا الآن متخرجة ومالقيت وظيفة

وانتهت فصول حكاية منتهى الذوق مع الجامعة ..


نصيحتي للطلاب والطالبات قبل التخرج من الثانوية ابدؤا فكروا بالتخصص المناسب وحددوا الهدف واسعوا لتحقيقة عشان ماتحتاروا بعد التخرج
وربنا يوفق الجميع يآرب

قلنالك فيزياء بحته



دعوآتكم لي بالإبتعاث شهر شعبان ان شاء الله ويارب أخويه مايغير رآيه
عاد لين أطلع بعثه بكتب لكم قصتي <<برآ


آسفة طووولت عليكم

[align=right]كنت آبغى علم آلآجتمآع <~ آحبه جدآ بسسس آلآهل رآفضين ,,

وآلوآلد يبغآني آدخل آنقلششش ,, وبصرآحه آنآ بجهه وآلآنقلششش بجهه ,,

ودخلت قسسسم وتحسفت ليومك آلحين آني دخلته ,,[/align]