كل ما تريد معرفته عن نظام دورة الامن العام موضوع مهم جميع المقبولين دخول

مصرقع الشرقية · #1 (**permalink**) 31-03-2011, 04:11 PM

[align=center]

السلام عليكم ورحمة الله وبركاته

إن شاء الله العموم بخير

زي ما وعدتكم اني راح انزل شرح كامل عن دورة الامن العام

طبعا انا بخص مدينه تدريب الامن العام بالمنطقة الشرقية وباقي المدن نفس نظامنا تقريبا

اول شي الف مبروووووك للي نقبل والي ما نقبل ان شاء الله انها خيرة له

هالموضوع بشرح لكم كل شي فيه عن الدورة والأغراض الي تجيبونها معكم

بسم الله الرحمن الرحيم

انا اخوكم من خريجي الدفعه الاخيرة بالمنطقة الشرقية تخصص اعمال مرور

الـــ 45 يوم
اخذناها 40 يوم فقط
كانت مليئة بالتعب والمشقة ولاكن تعب وشقاء يستحق التضحية
اليوم الاول
كان يوم لن ينسى
التحضير الساعه 7 ص
جمعونا كلنا وتم التوزيع كلن على فصيله بفصيل
الفصيل مكون من 42 طالب
وبعد التوزيع " خلوني اتكلم بالعامــية احسن ودينا غراضنا للسكن وهو عبارة عن حضائر كل فصيل بحضيرة
الأسرة دورين يعني انت وواحد فوقكـ تحط غراضك تحت سريركـ
بالعاده اول ليله هناك ما تنام تروح كلها هواجيس
يدق البروقي وهو عبارة عن جرس ملعون يستقبل باليوم الواحد مئة الف شتمه وشتمه
من الطلبه
يدق قبل صلاة الفجر بساعه تقريباً
تروح تتوضئ وتتهيئه لصلاة الفجر تصليها وبعدها هروله على الريق خمس الى سبعة اشواط
بعدها تمارين عسكرية مشاة وغيرها
ومن ثم تروحون تفطرون بالميز وهو صالة الطعام
وبعدها تاخذون حصه تمارين وبعدين تاخذون راحه فسحه فيه بوفيه هناك بكل مدينه
ترجعون حصه ثالثه وبعدها راحه اللين صلاة الظهر
صلاة الظهر بالنسبة لمنطقة الشرقية تكون
بالصالة الرياضية وهي عباااااااااارة عن فرن توجد به ثلاث مراوح صغيرة وثنين منها خربانه
بعد الصلاة تصليبه وراه الغداء بالميز
راحه اللين صلاة العصر تصلونها بالفرن وبعد صلاة العصر حصه رياضية هروله وتمارين رياضية
صلاة المغرب وراء الصلاة تعشون بالميز وبعدعا صلاة العشاء والذهاب الى السكن
هذا الجدول التقريبي للــ45
بعد اسبوعين من الفترة هاذي تجيكم زيارات من الاهالي
وهي الفترة الوحيده اللي تقدر تزبن فيها الدخان
توصي على دخان واذا جابوه تدفنه وراء البوفيه لان راح يكون فيه تفتيش بعد كل زيارة
نهاية الـ45 اجازة عشرة ايام
..
اسبوع ويبداء التعليم عندكم
الفرد الاساسي
حصه الفجر وبعدها الفطور وبعد الفطور تحضر للتعليم اللين صلاة الظهر ويرجع نفس الروتين لكـ
تحضر بعدها يوم الجمعه 3 ونص العصر
تمارين وغيرها
تطلع يوم الاربعاء بعد صلاة الظهر
راح يكون فيه تشديد للمنظبطين
واللي يبزوط ممكن انها تجي على راسه وينحجز ما يطلع الاربعاء مع زملاه

يجيكم رمضان
تصحون قبل صلاة الفجر بساعتين تتسحرون وتصلون
وتنامون اللين الساعه 9 الصباح
ما فيه تمارين ولاجزوات
تفطرون وبعدها فسحه اللين صلاة العشاء والتراويح
الحصة تاخذونها بعد التراويح حصه بسيييطه لبعد حد
الاجازة 25 يوم
اللين 15 شوال
فترة ويجيكم الحج
تروحون 26/11 لمكه باصات توديكم
الاسبوع الاول ما فيه شي عندكم غير التكاميل
بدايت شهر 12 استلامات 3 ساعات باليوم
قبل عرفه بيوم الاستلام 6 ساعات والراحه 6 ساعات
يعني تعاف الدنيا فيها
لكن فله ووناسه وتفرك من المعسكر
اخر يوم للمهمه رابع ايام العيد اجازة 15 يوم
نسيت
قبل لا تمشون لمكه بيومين تقريبا تستلمون راتب اساسي عبارة عن اربع رواتب
اذكر جانا تقريبا 14266 الف
على البنك طبعا
بعد الاجازة
تعليم التخصص
اسبوعين تستلمون السلاح وتكون تمارينكم عليه في حصة الفجر بس
بعدها بشهرين تقريبا تروحون مشروع رماية
فترة وتروحون مشروع مسير طويل
تطلعون برة المدينه مشاه تقريبا 5 كيلو
بعد ما تنهون التعليم من التخصص
تبدا عندكم الاختبارات
بعد الاختارات
البروفات
تاخذ ثلاث اسابيع او اكثر
بعدها
حفل التخرج
وصلى الله وباركـ على محمد

بدايت الدورة كانت
7/7/1431
نهايتها كانت في
23/4/1432
9 اشهر تقريبا
راح تحصل الكلمة الشينه راح تشوف الظلم
لاكن من صـــبر نال

الحين هالأغراض لازم تجيبها معك واذا اعطوك ورقه طلبات في
المقابله الشخصيه قطعها وجيب الي اقولك

ملف اخضر صور بطاقة الاحوال عشان البنك

فلينه كم قصير داخلي جيبوا 6

شرراريب لون ابيض جيبوا 45 في نوع خفيف 12 حبه بـ5

سروال قصير قطني 6

فرشه ومعجون ادوات حلاقة

بنطلون اخضر 2

فلينه بيضا كم قصير وليست طويل زي مايقولون 4

قبوع 2

حذاء رياضه حق هروله وانصحكم بشدة يكون اصلي وفي
نوع ممتاز ورخيص اسمه تيربو

صابون

بجامه نوم لون ازرق مايحتاج بس بيكلمونكم عليها اول يومين

منشفه

بودرة

ملايه ومخده وبيت مخدة لووون البيض لازم يكون لون ابيض
والي يبي يوفر لا يجيب لأنهم يوزعون

عطوور كثرووووو

بخاخ ركسونا 3

الله يكرمكم نعول

ونصيحه كثروا من مراهم المفاصل الركب والفكس والباندول
بتحتاجونها بقوووووه

بس هذي اهم الاغراض الباقي الي مكتوب بالورقة لاتجيبونه

ويبيلكم تجيبون معكم مبلغ لا يقل عن 400

ان شاء الله اني ما اكون قصرت معكم وما ابي الا دعواتكم

وانا ما نزلت هالموضوع الأ لأني كنت من قبل نفسكم ومحتاج احد يعلمني

والموضوع ما اضن انه بيثبت بس انتوا تقدرون تثبتونه بردودكم عشان الكل يستفيد

اي سؤال العموم يسأل هنا وانا برد عليه رسايل على الخاص مافي امل ارد

بالتوفيق للجميع

[/align]

❤»طبعى كذا«❤ · #2 (**permalink**) 31-03-2011, 04:13 PM

[motr]
[motr1]بــاركـ الــلــه فـيـكـ عـلـى الـطـرح الـمـفـيـد[/motr1]
[/motr]

جهنقير · #3 (**permalink**) 31-03-2011, 05:24 PM

الله يعطيك الف عاااافية والله افدتني كثير ومشكووووور

ذبحتنا البطالة · #4 (**permalink**) 31-03-2011, 06:55 PM

جزاك الله كثير استفدت من موضوع الاكثر من رائع

حبايب قلبي · #5 (**permalink**) 31-03-2011, 07:20 PM

شـكرا لك وبارك الله فيك... لك مني أجمل تحية .

غرشوووب · #6 (**permalink**) 31-03-2011, 07:36 PM

يـــــــ ع ـــــطيك الـــ ع ــــــافيه ع ـــلى هـ الشــــرح الــــــوافي

هوهود · #7 (**permalink**) 31-03-2011, 07:37 PM

موضوعك وافي وانت وافي وبيض الله وجهك .

هنوي قمر · #8 (**permalink**) 31-03-2011, 07:48 PM

يـــــــ ع ـــــطيك الـــ ع ــــــافيه ع ـــلى هـ الشــــرح الــــــوافي

جريح السنين · #9 (**permalink**) 31-03-2011, 08:12 PM

[ALIGN=CENTER][TABLE1="width:100%;background-imagerl('https://www.btalah.com/mwaextraedit2/backgrounds/54.gif');background-colorhite;"][CELL="filter:;"][ALIGN=center]

ا
الف الف الف مبروووووووك

الله يعطيكَ العافية
وجزآك الله خيروجعله في ميزآن حسناتك َ

ربي لك َ الحمد والشكر على كل حآل.
عسى ربي يوفقك أن شآء لله ويسر أمرك
أسأل الله لك التوفيق وعقبآل الوظيفة عند أهلك يآرب

لوسمحت يآخوي نقدر نطرح عليك بعض الاسئلة أذا ماعليك أمر يآخوي..
واذا ماتقدر سلامت عمرك ـ
وتقبل مروري
تحياتي لك ...
أخوك/ جريح السنين.

[/ALIGN][/CELL][/TABLE1][/ALIGN]