الاشتراك و الاشراف على معارض

جامعيةطموحه · #1 (**permalink**) 31-03-2011, 04:32 PM

بسم الله الرحمن الرحيم
السلام عليكم و رحمة الله و بركاته
انا من عشاق الاشتراك في المعارض النسائية و زيارتها
مع اني اطلع في آخر الوقت ما لقيت حتى نصف راس المال لكن استمتع بوجودي و مشاركتي
اكيد فيه بنات كثير مثلي كذا
كتبت هذا الموضوع اسئل فيه اللي عندهم خبره في المعارض و إدارتها
حابه اعمل معرض و اشرف عليه بنفسي
من حجز القاعة و ترتيب طاولات و كل شيء يخص الاشراف على المعارض
وش هي الصعوبات اللي تواجها وشهي محاسن و مساوء الاشراف
و ايش ممكن يتطلب من المشرفه نفسها

هذا بالنسبة للأشراف على المعارض

و عندي فكره يمكن تكون غريبة بس خطرت في بالي من يوم اشتركت في معرض
و لا قيت انه اغلب المشاركات بالمعرض ينقصهم صرف 100ريال 500 ريال ايش يسوون
تقوم المحتاجة للصرف تدور على المشاركات تطلب منهم فكة =صرف
قلت ليه ما اشارك في احد المعارض بحيث يكون نشاطي الصرف
و يكون لي نسبة كل وحدة تصرف من عندي تدفع 5 أو 10 ريال
الفكرة جاتني من يوم شفت حاجة المشاركات لهذا الشي
و اكيد بيكون الربح اكيد كبير كون الاقبال كبير
لكن ابي مشورتكم و هل هذا الشغل صحيح و لا فيه خلاف
هي مجرد نسبه تاخذينها من اللي تبي تصرف يعني ما فيها شي
انتظر ردكم على السؤالين لا عدمتكم
و بالتوفيق للجميع ان شاء الله

لا يغرك صغر سني · #2 (**permalink**) 31-03-2011, 04:59 PM

موفق بإذن الله ... لك مني أجمل تحية .

جامعيةطموحه · #3 (**permalink**) 31-03-2011, 08:04 PM

شكرا لك ع ب
up
up
up
up

سلطانة العز · #4 (**permalink**) 31-03-2011, 09:17 PM

اقتباس:

المشاركة الأصلية كتبت بواسطة جامعيةطموحه

و يكون لي نسبة كل وحدة تصرف من عندي تدفع 5 أو 10 ريال

فكره جدا حلوه الاشتراك بالمعارض
بس هالنقطه مافهمتها !! قصدك اللي تجي تصرف من عندك تعطيك مثلا 5 او 10 ؟؟

جامعيةطموحه · #5 (**permalink**) 31-03-2011, 09:45 PM

ايه نعم هذا قصدي
وش رايك بالفكرة عادي تنفيذها و إذا عندك اضافات على الفكرة قولي لي

للصمت حكاية · #6 (**permalink**) 31-03-2011, 10:31 PM

أتوقع والله أعلم أنه مايصير تأخذين من اللي صرفت عندك
لأنها ماأشترت منك شي ولا نقصت منك شي
بل أخذت نفس مالها "فكه" وأنتي أخذتي الورقة الواحدة
وهو نفس المبلغ
فـ ايش المقابل اللي بتعطينها اياه عشان تأخذين 5 أو 10..!
بس "فكيتي" لها فلوسها .. وانتهى

لاأفتي طبعاً لكن هذا مجرد توقع
وأنتي أسألي وشوفي وان شاءالله يجي اللي يفيدك ^_^

وبالتوفيق ..
لأن فكرة الأشراف على المعارض ممتازة .. وتُظهر أبداع المشرفة

تاجرة المسك · #7 (**permalink**) 31-03-2011, 10:50 PM

موفقه ان شاء الله

االعمل في المعارض جدا راااائع يكفي المتعه اللي فيه وغم انو في ربح كبير كمان

لكن اختي فكرة الصرف اللي تقولي عليها ترى واااااضح انها ربا مية بالميه

لأنك تبدلي المال بالمال و تاخذي زيادة عليه
وياليت تتأكدي من مفتي شرعي قبل كل شي

وربنا يوفقك ان شاء الله .. وعندي سؤال انتي من اي مدينة ؟؟

سلطانة العز · #8 (**permalink**) 31-03-2011, 11:20 PM

فعلا يااخت جامعيه انا اعتقد والله اعلم انها ربا واضحه لانك تاخذي مبلغ بدون وجه حق فالافضل انك تستفسري عن هالنقطه من شيخ حتى تتاكدي انك ماتاكلي مال حرام والله يوفقك.. ان شاء الله اكون افتدك
بالتووفيق

تباشيرالصباح · #9 (**permalink**) 01-04-2011, 12:18 AM

ياقلبي مادخلت مزاجي اللي يصير
اسالي مفتي احسن لك ...
الحلال بين والحرام بين
والله يوفقك ياليت والله تحصل لي شغلة ترتيب
معارض على الاقل منها رياضه ومنها قتل للفراغ
حتى لو من دون فلوس ويكون عمل جماعي ووناسه هه
الله يوفقك يارب ويرزقنا واياك

جامعيةطموحه · #10 (**permalink**) 01-04-2011, 02:36 PM

[align=center]
مساء الخير و جمعة مباركة على الكل
شكرا لكل من رد على موضوعي و اتحفني بمشاركته
انا ان شاء الله راح اسئل مفتي عن مسئلة الصرف و ان لقيت الشغله حرام راح الغي الفكره من بالي
و بالنسبة للإشراف على المعارض هي تجربة جدا رائعة و ممتعة نفسي اخوض هذي التجربة
لكن اتوقع انها تحتاج وحدة تكون قيادية و قادرة على التنظيم و تكون صادقة اولا و اخيرا مع المشاركات اللي تتعامل معهم
عن تجربه انا شاركت في معرضين فقط
الاول كان لمدة يوم واحد فقط و ما علمنا عن المعرض إلا قبله بيوم و شاركت فيه مع ان المعروضات اللي بعرضها قليل كون الفتره قصيرة و كان اجار الركن ب150 ريال و لله الحمد كانت المشرفة على المعرض منظمة الطاولات على عدد المشاركات ما نقصت و لا طاوله و كان تعاملها راقي مع البنات
بينما اشتركت بعدها باسبوعين في معرض آخر كان لنا الخيار نحن المشاركات ان اردنا يوم أو أردنا تمديدها لمدة يومين و أجار الركن 200 ريال جيت للمعرض على الوقت لقيت العالم حوسه اللي حاجزه لها طاولتين و هي اساسا مشاركة بطاوله وحدة و الكل اخد ركنه جيت ادور لي طاوله ما لقت سألت المشرفه قالت لي انا مش مسؤوله عن الطاولات انا فقط للي يبي يحجز ركن يجي يحجز عندي
طيب وين المسؤوله ؟ قالت ما ادري عنها انا اتصل فيها و ما ترد
المشكله اني متصله من قبل اسبوع و اسمي موجود من ضمن المشاركات بس الحمد لله اني ما دفعت لهم اجار الركن
قلت خلاص ما ني مشاركة دام هذا نظامهم
بعد عناء لقيت صاحبة لي الله يجزاها خير قالت لي ما تطلعين و انتي ما شاركتي بالمعرض جايه و متعنيه و تعبانه على الشغلات اللي سويتيها و في الاخير تطلعين بدون مشاركه
اقسمت لي طاولتها جزء لي و جزء لها و دفعت نصف الاجار لها الله يجزاها خير و يبيض وجهها
هذا مثالين لمشرفات على معارض
يعني مش اي وحده تكون مشرفه على معرض لازم يكون عندها استعداد و تفرغ
و اكيد الشغله مربحة و ممتعة في آن واحد
ادري طولت لكن اتمنى اني افدتكم
وتنوروني بمشورتكم و اقتراحاتكم
[/align]