مشروع بدون وجع راس ابي استشارتكم

قيس العتيبي · #1 (**permalink**) 02-04-2011, 09:45 AM

أذكر ان البنك الاهلي قبل سنوات عمل محفظة لعملاءه بأسم محفظة استثمارية
بخصوص الأسهم
سمعت ان أقل مبلغ هو 5000 وهم من يقوم بالإستثمار فيها
فبودي ان استفسر اكثر منكم عن المحفظة وهل تنصحوني فيها
وكذالك ماهي صناديق الإستثمار وهل هي امنه وماهو الحد الادنى للإستثمار فيها
يعني كم ادفع تقريبا
ابي شي استثمر فيه ماحب اجازف بمشاريع وتخطيط وموقع وعماله الخ
اشوف الاستثمار افضل ولاتزيدون فوق ال15 الف لان هذا حدي
انا بستثمر من 5 الاف الى 15 الف وابي نصيحتكم
وجزاكم الله خير

مضيعه برقعها · #2 (**permalink**) 02-04-2011, 01:37 PM

اخ قيس لازم نتعب عشان ننال المجد والرفعه

ونكافح عشان رزقنا واللي ماياكل مرتها ماياكل حلوتها

وين همت الشباب فيك لازم همه وعزيمه ولاتدور على السهله لان الكايده احلى

من وجهت نظري ابعد عن البنوك واشتغل شغله تطلع لك ذهب

والله يوفقك ويوفق الجميع

ياسر السمحان · #3 (**permalink**) 02-04-2011, 02:56 PM

انصحك تبحث عن تجارب الناس مع الصناديق الاستثماريه

هذا اولا

ثانيا يقولون الصناديق الاستثماريه جيده للمبالغ الكبيره

ثالثا انتبه فيه صناديق استثماريه فيها شبهات وفيه صناديق لا

رابعا الي اعرفه انه فيه صناديق بالراجحي رأس المال محمي بنسبة 90%

ابحث عن كل الي قلت لك وقرر بالاخير

اسليمان · #4 (**permalink**) 02-04-2011, 03:08 PM

الله يوفقك

k7ilan · #5 (**permalink**) 02-04-2011, 07:21 PM

انصحك اخوي قيس تاخذ ورقة وتكتب فيها جميع اسماء البنوك
وتضع تحت كل اسم بنك فراغ وتكتب الأسئلة اللي تبغى تسألها

وتتصل على خدمة العملاء في كل بنك وتستفسر منهم استفسار كامل

وانا بصراحه مثلك ماعندي أي خبره عن الصناديق الإستثمارية بس عندي الرغبه فيها
وعلى ما أسمع انو لازم تدخل بـ مبلغ كبير عشان تربح ربح كثير

وحاول تدخل الصندوق اللي يضمن لك حماية رأس المال على الأقل 90%
يعني تضمن من مبلغ 5000 ريال مايروح إلا 500 ريال فقط لاسمح الله عند الخسارة

اتصل على البنوك واحد واحد ودون البيانات كاملة
وأهم شي حماية رأس المال

وبالتوفيق لك

قيس العتيبي · #6 (**permalink**) 02-04-2011, 08:55 PM

اقتباس:

المشاركة الأصلية كتبت بواسطة مضيعه برقعها

اخ قيس لازم نتعب عشان ننال المجد والرفعه

ونكافح عشان رزقنا واللي ماياكل مرتها ماياكل حلوتها

وين همت الشباب فيك لازم همه وعزيمه ولاتدور على السهله لان الكايده احلى

من وجهت نظري ابعد عن البنوك واشتغل شغله تطلع لك ذهب

والله يوفقك ويوفق الجميع

ياااختي العزيزة حاولت كثير وهاذي تبي راس مال جيد
وتبي موقع وعماله وتسويق ورسومات حكومية
مافي الا مشاريع خدميه صغيرة زي بقاله وبوفيه الخ وهذا مو طموح
انا افكر بالإستثمار وبمبلغ بسيط بالبداية

قيس العتيبي · #7 (**permalink**) 02-04-2011, 08:57 PM

اقتباس:

المشاركة الأصلية كتبت بواسطة ياسر السمحان

انصحك تبحث عن تجارب الناس مع الصناديق الاستثماريه

هذا اولا

ثانيا يقولون الصناديق الاستثماريه جيده للمبالغ الكبيره

ثالثا انتبه فيه صناديق استثماريه فيها شبهات وفيه صناديق لا

رابعا الي اعرفه انه فيه صناديق بالراجحي رأس المال محمي بنسبة 90%

ابحث عن كل الي قلت لك وقرر بالاخير

حلو وعشان كذا اشوف اكثر فائدة من المشاريع الاخرى
سبق درست مشاريع ورحت مكاتب خدمات عامه وماجابت الا وجع الراس
اشوف الاستثمار حلو وخاصه اني اشتغل بقطاع خاص وغير متفرغ
وبيض الله وجهك ومن عندة معلومات يفيدنا اكثر

بزنس مان · #8 (**permalink**) 02-04-2011, 09:32 PM

من كلام ناس كثير ابعد عنها

تحط 5000 وبعد سنه يقولون لك خسائر ويبقى 4500 الى أن يبقى رصيدك 0

خذ الـ 5000 وشغلها بنفسك أصرف

راعي الهوى · #9 (**permalink**) 02-04-2011, 09:57 PM

نصيحة ابعد عنها ترى انصب منهم مافيه

تعطيهم خمسين الف مثلا تجي بعد ستة شهور والاسهم مخضرة يقولك رصيدك عندنا 45 الف

يعني خسروك 5 الاف

بتقول كيف يخسرون ومن يديرها ناس محترفه ؟؟؟؟؟؟؟؟؟؟؟؟؟؟؟؟ صح ؟؟؟؟؟؟؟؟؟؟؟؟؟؟

انا اقولك كيف

يستخدمون مبلغك ال 50 الف ومبلغي انا ومبالغ الناس البسيطة في الاسهم الخسرانة حتى يرتفع السهم ويبيعون اسهم الملياردير الفلاني واسهم المدير حقهم وزي كذا

يعني مثلا انا ملياردير أو رئيس تنفيذي في البنك أو عندي نسبة تملك في نفس البنك الراجحي مثلا 20 %
ومضارب في سهم اللجين مثلا وراح نزل السهم
يقومون بشراء سهم اللجين بعد النزول حتى يرتفع علشان خاطر الملياردير هذا او الرئيس التنفيذي ويبيع اسهمه بمكسب وهكذا !!

ان شاء الله قدرت اوصلك المعلومة

مالقيتلي اسم · #10 (**permalink**) 02-04-2011, 10:01 PM

[align=center]
أخوي عندي لك مشروع روعه لو تسويه اضمن لك تصير أكبر تاجر

مشروع الألعاب ( محل ألعاب )

والله ياهو ذهب

رح الى شارع السويلم بالرياض فيه ألعاب بالجملة برخص التراب (أقصد الصغار اللي بريالين وطقتها)

خذلك بـ 200 ريال كتجربة

مثلاً تاخذ الدرزن بـ18 والا عشرين تلاقيها بالمحلات تنباع بـ 5 ريال

أنت بعها بثلاثة ريال خلك قنوع

تدري ليش قلت هالكلام ...

لأني أمس بعد صلاة الجمعة بعد ماطلعت من المسجد لقيت واحد يماني (رفع ضغطي) تخيل يبيع كل لعبة بعشرة ريال وربي مكذب عليكم

تخيل أنها طالعه عليها بريال ونص

تدري وش الغريب

الغريب به ناس تشتري زي الهبال تقول أول مرة يشوفون هالألعاب وهي تلاقيها عند أبو ريالين بريالين وثلاثة ريال وهذا يبيع الحبة بعشرة ريال والناس زي النمل عليه

والله ماتصدق

شي عجيب

أنا تمنيت أني أفتح محل

بس وين اللي يجلس به

أنت الحين ياطويل العمر رح للشارع اللي قلت لك عليه بالرياض وأدخل محلات الجملة وشفلك الألعاب الحلوة والجديدة واللي درزنها مايتعدى 20 يعني تطلع لك الحبة بريال و60 هللة تقريباً
وشفلك أي مكان سواءً مسجد بعد كل صلاة مغرب وعشاء أو مكان حول مطعم كبير وتعال شف الزباين

ياهو ذهبببببببببببببببببب

وشوي شوي تلاقي نفسك جامع لك آلاف الريالات ومدبّل الـ 5000 ريال عشر مرات وأكثر خلال فترة قصيرة جداً

وشوي شوي تفتح لك محل وتبيع فيه

وشوي شوي تكبّر محلك من الدخل الخيالي

وشوي شوي تنافس أكبر تجار الألعاب

وشوي شوي ماتدري إلا وأنت تاجر كبيييير بإذن الله

بس تكفى اذا سوّيت اللي قلت لك عليه أو أي أحد غيرك لاتنسى ((( أمّي ))) بدعوة من القلب لعل الله يشفيها ويعافيها ويقوّمها بالسلامة لأنها بالمستشفى وحالتها حالة ولاتنساني أنا وزوجتي وولدي من دعوة صادقة

تكفون اللي يفتح محل اللي قلتله عليه لاينسانا من الدعوة
[/align]