وين الشباب اللي مقدمين على الرابعة وش الاخبار كيف الامور ومن اللي سوا الكشف يارب سهل

مسؤول المظالم مشكور والله يوفقك ووالديك ويعطيكم الصحه والعافيه وطولة العمر ،

ياشباب وربي محد ميت قهر وحسره مثلي تجاوزت الأختبار والمقابله ووصلت لإجادة الحاسب وبعدها طلع رئيس الديوان السابق وقال أنه فيه قرار بتوظيف كل من تجاوز الأختبار والمقابله الشخصيه أنتظرنا الدفعه 1و2و3 ولاطلع أسمي ولاشي طيب ليش تعلقونا وتلعبون علينا!!!

أنا عاطل سنين طويله وحالتي النفسيه مايعلم فيها إلا الله وزادت سوء بسبب الديوان وصرت مانام وأتصل على شؤون الموظفين مايردون بس أبغى أستفسر لكن حسبي الله ونعم الوكيل

والله يااخوان انتم صراحة محملين ديوان المظالم كل المظالم . يااخوان ديوان المظالم وديوان الخراط ورئيسة وكل الدوائر والمؤسسات الحكومية وكل المسؤولين هم مجرد موظفين ليس في يدهم حل ولا ربط الا الجانب التنفيذي فقط ,, وكل مؤسسات البلد تدار من فوق هام السحب , وهذا الكلام معد يخفي على احد الا انتم صراحة احسكم مغيبين عن الواقع,,, ولله ولله العظيم اي مسؤول في البلد مجرد موظف لايهش ولا ينش كل الامور تأتي من فوق من الطبقة البرهامية ,, وهذة الطبقة البرهامية بما انها تمتلك السلطة والثروة فية ترسم السياسة في البلد ,, والسياسة في البلد هي جوع كلبك يتبعك بكل بساطة . خلونا من الكلام الفاضي بلا حقيل بلا بقيل هؤلاء لايهشون ولا ينشون وبتلفون واحد من تلك الطبقة للحقيل يغيرون الاحكام القضائية ويعطلونها ,, هذا الواقع الي الشعب عارفة بس يحاولو يدور عن شماعة اخرى يرمي عليها كل المصائب عندما عجز عن مواجة نفسة بالحقيقة المرة .
تشكرات

ولا زلنا ننتظر إتصال المباشرهـ ..

السلام عليكم ورحمة الله

يا اخوان انا طلع اسمي ورحت لهم
وطابقو شهاداتي واخذو الصور
وعطوني ورقت فحص للمستشفى وقالو جب لنا من البنك ورقة تحويل راتب
علموني يا اخوان بالله
بكرة بجيب هذي الورقتين وش يصير بعدها
وهل خلاص اعتبر نفسي موظف ؟؟؟\

ارجو الافاده

صباح الخير
ممكن تعطوني أرقام ديوان المظالم

إذا فيه امكانية تعطوني عدة أرقام

مباشر أو سنترال

اللي سلم اوراقه كم يقعد علشان يجي اتصال المباشره ..!!
+
اذا دقو عليه ومارد هل تطير الوظيفه ولا يدقون عليه مره ثانيه

السلام عليكم يا أخواني الأعزاء
الجمعة الماضية قابلت الوالد في منزله وله صديق مسؤول في المظالم بالدمام وتحدث معه بخصوص المرتبة السادسة وأننا انهينا الفحص الطبي وأنهم وعدونا خير وللأسف طلعت الأسماء وليس فيها معظم الشباب .. وأضاف والدي حفظه الله أن الحقيل سبب إزالته هو كثر المظلومين اللي يدعون عليه .. ضحك الشيخ وقال لا فيه شيء ثاني ذكره كان سبب في إعفاءه " لا تحرجوني بذكر السبب " ونحن يقصد نفسه الشيخ رفعنا خطاب للرياض على أساس أنهم يوظفونكم وخصوصاً فيه نقص في الموظفين للسادسة فأجابتهم الرياض بأن ليس لهم " بند " يوظفكم وأن الموافقة لا بد وأن تكون من المقام السامي لإصدار ميزانية تخص رواتب الموظفين على السادسة عشان يقدروا يوظفونا .. والنصار من أهل الدمام وكان زميلاً للشيخ وأخبره النصار بأنه قابل الملك وأبلغ الملك حفظه الله بالأمر وقاله الملك أبو متعب بالحرف الواحد " هذه شغلتك " يعني دبر لهم وظايف وقال أبو متعب من جهتي ما عندي مشكلة بأسرع وقت .. ونحن " الشيخ " قاعدين نتابع معهم بأسرع وقت وفيه أمل كبير بالله ..

والله يا شباب طلعت من عند الوالد وأنا مبسوط ورجع الأمل " علماً بأن أملي بالله قوي ولا ينقطع بإذنه تعالى "

حاولت أكتب لكم يوم السبت ولكن الموقع معطل مش راضي يفتح معي .. ع العموم ربنا يرزقنا جميعاً وأكثروا من الاستغفار

لو به جديد من جهة الشيخ أبشرواااااااااااا لأني مثلي مثلكم ننتظر الفرج بإذن الله

بالتوفيق للجميع

السلام عليكم

انا يااخوان كنت متابع لهذا الموضوع من اول مافتح بصمت بس بعد رؤيت اخواني المتوترين والحالات النفسية الصعبة انا بقول خبر للمقبولين مش من عندي الخبر قاله لي شخص يعمل في ديوان المظالم بحكم اني من المقبولين نهائياٌ على المرتبة السادسة ان شاء الله قال لي: المباشره ان شاء الله راح تكون في اول الشهر القادم او نصفه يعني ان شاء الله الاتصال راح يكون الاسبوع هذا والعلم عند الله


هذا مالدي . ولا يجيني احد مطفي النور ويقول وش مصادرك او يلف ويدور ويقعد يدعي علي

صدق من صدق وابى من ابى

بالتوفيق