السلام عليكم ورحمة الله وبركاته

ان اختبرت مقابلة شخصية في يوم الثلاثاء يوم24 شهر4 1432 هجري

كنت ماني مستعد نفسيا ولا جسديا ولا ثقافيا وكنت مضغوط بدوام حاولت اغير الموعد ما قدرت

غبت عن العمل ورحت اختبر مقابلة كانت حتى الثقة بنفس عندي غير كاملة

دخلت مدينة تدريب الأمن العام بظهران شافني العسكري قالي ويش عندك قلتله اختبار مقابلة

شخصية قالي لازم بدلة ومن الله كان عندي بدلة رياضة بس مبهدلة وحالته حالة وقصيرة لبسته

قلت بمشي حالي لبست بدلة الرياضة ودخلت مدينة التدريب شفت زحمة شباب قاعدين يختبروا

قلت شكله سالفة بتطول ثلاث ساعات واكثر جانه العسكري عطانه اوراق عبينا رقم الطلب والأسم

انتظرت ساعة ونص لين ما ناده العسكري عليي وجا دوري دخلت الغرفة شفت اكثر من 8 عساكر

قاعدين على المكتب دخلت الغرفة سئلت العسكري وين اروح اشرلي عند العسكري هذا رحت عند

العسكري قام يزمر قالي مش هذا العسكري الثاني رحت عند العسكري الثاني قالي من وين قلتله اصلي من الأحساء ساكن بالدمام شاف بطاقتي قالي مكتوب انت من الدمام انت كم عمرك قلتله 21 قالي عمرك 21 وماتدري انت من وين قلتله ان من الدمام واصلي من الأحساء لانه الوالد اصله من الأحساء بعدين سئلني انت وين شغال قلتله ان حاليا شغال سكرتي بجامعة الدمام قالي بسئلك كم سؤال

السؤال الأول ويش الأفضل الامام يخطب قبل صلاة الجمعة ولا بعده ؟؟؟؟؟؟
جاوبته على حسب الشيخ بس الأفضل بعد صلاة الجمعة

قالي اقرأ التشهد الأول ؟؟؟؟؟؟؟؟؟؟؟؟؟؟؟

التشهد تبعنا الي عرفته ما عرفت التشهد حق السنة

لف راسه وقالي ما بطالع فيك حتى تجاوب صح لانه في ناس اذا طالعت فيهم يرتبكوا قلتله ان مرتبك قال لا بس اشان تجاوب صح بلف راسي بعدين
قلتله بسم الله وبالله وخير الأسماء لله اشهد ان لا اله الا الله وحده لا شريك له واشهد ان محمدعبده ورسوله السلام عليك ايه النبي ورحمة الله وبركاته السلام علينا وعلى عباد الله الصالحين قالي متأكد هذا التشهد قلتله نعم

بعدين خرفت

قلتله هذا التشهد الأول تلف راسك يمين تقول السلام عليكم وبعدين تلف راسك يسارتقول وعليكم السلام قام يسخرعليي ويضحك

سئلني سؤال ثاني ماهي عاصمة السودان؟؟؟؟؟؟؟؟
نسيت ا لعاصمة جاوبته الصومال قالي السودان مدينة وصومال مدينة ثانية

بعدين سئلني سؤال ثاني ايش عاصمة تركيا ؟؟؟ ما عرفت قالي عاصمة تركيا عاصمة شهورة ما تعرفها حطلي الدرجات ورحت للعسكري الثاني سئلني كم درجت اختبارك القياس جاوبته 55 قالي درجت القياس زفت شاف الكتاب حقي كله شخابيط معبيه بسرعه قالي ايش هشخابيط قلتله عبيته بسرعة هذا من العجلة اخر شي رحت لاخر عسكري قالي النتيجة عبرالانترنت بعد شهر وخلصت الاختبار

بس ما كنت مرتبك كنت ماني مرتاح نفسيا كنت مضغوط بالعمل وثقافيا يعني عندي معلومات وعارف انهم بيسئلوني اسئله دينيه وعن العواصم بس نسيت بعض العواصم العربية وقلت ان حافظه وما رجعته وماعرفت اجاوب قريت بعض الأسئلة بلانترنت وكنت عارف بجي ومارجعته حتى الثقة بالنفس كانت غير كاملة ما كنت مرتبك بس لاني ماني مستعد نفسيا ولا ثقافيا رحت مثل المفهي وجاوبت اجووبة غبية على اختبار المقابلة بس الأسئلة كانت سهلة بس حساسة وتلخبطني من الأسئلة الي تلخبطني

والله تعبت من كثر المراجعات حتى سيارة ما عندي ابوي تعب معي يارايح يا جاي موديني من مكان الى مكان حرام ما يقبلوني علشان كم سؤال مو علشاني على الأقل علشان ابوي الي تعب معي بس اسلوب العسكري كان مره طيب واحسه وده يمشي الكل بس عليك تساعده حتى يساعدك وتمشي حالك

كلمت واحد من شباب يعرف ناس شغالين في الأمن العام يمكن يقدريتوسطلي يمكن لا
يقول بحاول مجرد محاولة ما يوعدني بشي

ما تطلع النتيجة الا في 23 شهر 5 شصبرني شهر علشان اعرف نتيجتي والله مشوار

وشرايكم يا شباب في اختباري في أمل يقبلوووني؟؟؟؟؟؟؟؟؟؟
على ماذا يعتمدوا باختبار المقابلة الشخصية على الاجوووبة ولا كيف؟؟؟؟
ياليت احد يسئل عسكري اختبارالمقابلة فيه نجاح ورسوب؟؟؟؟؟؟؟؟ ولابس تحديد مستوى؟؟؟؟

حاس اني خبصت بلاختبار

ارجوكم في امل يقبلوني ويش رايكم بعد الي صار ؟؟؟ ياليت يقبلوني مو علشاني علشان ابوي الي تعب معي ووقف معي علشان فرحه لمن قبلوني قبول مبدئي ياليت يقبلونووني يارب

ارجووكم مساعدة

ااسف على الاطااالة

لاياخوي نشاله انك تدخل الدورة عادي هم بس كذا يلعبون باعصابك يشوفونك انت تقدر تسيطر عليها
الله يوفقك لاتمام اختبارك بعدين بالقصيم عندنا حنا اول شي دخلت قالوا رح على الميزان الطول وقاال اوقف على الخط هذا في خط تاقف علية قبل الجنة وقال اقرا سورة الحمد بصوت مرتفع وبترتيل قريتها ورتلتها وقال خذ الورقة هذي اقراها
مكتوب فيها(وَقُاٌلَ مِحَمُدَ لاًًبٍيُة...الخ)بالحركات هذي الي اربكتني الله يرجهم وبعدها قال جب الورقة وقعد يمليها علي
المهم يارجال الله يوفق الجميع

يحول

حتى التشهد في الصلاة مخالفينا فيه

مــوفق

ياعيال لا احد يغلط على الرجال
هو شيعي وانت سني والرجال ما سبك ولا سب السني
والله والله اني سني لا احد يفكر غلط
الله يوفقك ان شاء الله وعقبال الدوره

[align=center]
وعليكم السلام ورحمة الله وبركاته

أشكر أخوي العزيز عآطل الحارثي.


يآخوي عشوووق بأذن الله أنت مقبووول ولاتشيل هم أنشأءلله راح تكون بالدورة .
ثاني شيء أنت غلطة لية تحط كلمة زي هذي سني ومدري وشو..!!
كلنا هنا أخوان. ولا أحد يغلط هو ما غلط عليكم .

ويآخوآن لمعلوميتكم أنا سني وأحترم الشعي لية كذا كلنا سعوديين وابونا أدم وامنا حواء.
كلنا في هذا الوطن الغالي السعوديه لافرق بينا الا بالتقوى.

ربنا واحد اللي بيحاسبك هو نفسه سبحانة وتعالى بحاسبة وبيحاسب كل واحد فيكم ,

وعلى فكرة اللي يتكلم كذا يقول شعي وسني اقسم بالله ماعنده ثقافه دينية ولا أجتماعية ولا حاضارية.
وتعرفون ان فيه شيعه أقسم بالله والله يشهد على كلامي
أنهم ماسكين مراكز راقية وبالحرس الوطني وفي جميع القطاعات العسكرية
وانا اللي شايفهم بنفسي ومحترمين وينحطوون على الراس والكل يحترمهم سواء سني او شيعي.

لاتخلوون الاشياء هذا تسبب بينكم شحنا
حنا في السعودية مانعرف هالاشياء حنا أخوان سعوديين و بس.

ومسألة خونه ومعرف وشو هذي المفروووض ماتقولها تكون أرقى من كذا
لأن اللي بيخون والله العظيم يخون نفسة مايخون أحد.

ولاتخلون المشاكل اللي تصير بره تسبب مشاكل بينكم .
لأنكم ماتعرفون وش وضع كل بلد.
ولان بطريقتكم تسببون الفرقه والمشاحنة في مابينكم.

ارجوا ان الكلام يكون واضح .

أرجوا من الادارة أغلاق الموضوع لعدم التمادي.


!

يغلق
[/align]

جرح السنين والله انك ملك
الله يوفقك ان شاء الله
يـــــــغـــــــــلـــــــــق