كيف تتصرف بفلوسك براتبك

كيف تقسمها ولمن الاولويه فيها

وهل تؤمن بان القرش الابيض ينفع لليوم الاسود كفاناه الله

هل تعطي احد منها

هل تحس ان راتب الضمان فادك بمشروع تجاري وتضاعف

اخواني واخواتي

ياليت كلا يدلي بدلوه لتعم الفائده وتطرح البركه باموالنا

فربما لو كتبت افدت غيرك بفكرك النير وتصبح كما قال الدال على الخير كفاعله

وتصبح هذه الكلمه وقف خيري حتى بعد مماتك بعد عمر طويل ان شاء الله

وصلو على سيدنا محمد

انا من سجلت في الضمان ظليت ادور لي على جمعيه اشترك فيها والحمدلله لقيت لي جمعيه بمبلغ 500 ريال شهريا وقررت بملبغ الجمعيه اروح الحج ان شاءالله اما باقي المبلغ مصروف لي وبعد مااخلص الجمعيه ان شاءالله بفكر في غيرها لاني بهاذي الطريقه راح اقدر ادخر القرش الابيض لليوم الاسود

بالنسبة ليْ , الحمدلله ربْ العـآلمين إرضى بالقليل تجني الكثير رآضيه و شآكره مع إنو ما يكفي بس لآزم الوآحد يحمد ويشكر الله عز وجل الحمدلله كمـآ ينبغي لجلال وجهه وعظيم سلطـآنه ..
ولقوله تعالي : {وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ .. }

المبلغ مخصصه منه صدقة كل شهر بأي مبلغ كـآنْ ف والله انه بركة في الرزق , سبحـآن الله اذا تصدقت يجني رزق ما حسبت عليه ,
غير كذآ قد مأ أقدر أسعد أهلي بهالمبلغ أشتري لأمي لأخوآنيْ إللي خـآطرهم فيه , سبحـآن الله آنـآ سمعت شيخ يقول من أرآد أن يبـآرك الله في رزقه و لو بعد حينْ أن يبرّ امه وإن لم توجد الخـآله فهي بمثـآبة الأم وآنظر مالرزق الذي سيأتيك من ورآئهـآ بعد الله سبحـآنه ,

والأطفـآل أحبـآب الله لو تعطيهم ريال أو حـلآوه هذآ بحد ذآته شيء كبير أنه يوجد باب بالجنة لمفرحين الأطفال < ودي أتـآكد من هالمعلومة لأني سمعتها من وحده مدري صحيح او لأ ..

وبصرآحه ما أقدر أجمع مـآ عمري جمعت تخلص ع طول , الحمدلله ع كل حـآل ..

جزآك الله خير يـآ صـآحبْ الموضوع ورفع الله قدركْ

وحيدة اهلها الله يبارك لك بمالك ويزيدك رجاحه في العقل فيما فعلتي

حمدا كثيرا فعلا كلامك صحيح فالبر يزيد بالرزق

انا فتحت لي حساب ادخار وصرت احط فيه مبلغ معين من كل شهر لكي اجده في الظروف القاسية لاسمح الله

اولا مشكوره اختي شموخ على هالموضوع اللي بصراحه أعتبره إنه افضل مشروع في هالحياه الصعبه

ولا فكرت فيه تصدقين بسبب حاجتي للمبلغ وخوفي ان يجي اخر الشهر ولا اقدر اوفي التزاماتي العائليه

بس من بعد ماشفت ردود الخوااااااات ( وحيدة أهلها & حمدا كثيرا يالله ) ومع حاجتهن الماسه للمبلغ

أكثر مني فعزمت بأذن الله تعالى إنه أبتداء من هذا الشهر إن أبدأ بمشروع خيري لعله يكون لنا ذخرا

يوم لا ينفع مالا ولا بنون إلا من أت الله بقلب سليم .

والشكر كل الشكر لك اختي على هالموضوع الأكثر من رائع والله يجعله في موازين حسناتك

السلام عليكم ورحمه الله وبركاته
مسساء الخير
انا بقول لكم كيف اصرف راتب الضمان بتفاصيل جزء بسيط لي ابوي الله يحفظه
وجزء لي امى عشان الجمعيه والباقي بالقوه يكفي مصروفي الشخصي لي وسله الغذائيه
اشتري فيها هدايا لي عيال اخوانى ولازم اتصدق بمبلغ بسيط عشره عشرين خمسين على حساب الا اقدر عليه ويوفر معاي وربي الحمد الله سترها معاي مع الراتبين وزياده وكذا والحمد الله ماشي الاموره تمام التمام

شيهانة نجد/عين العقل ماشاءالله عليك
سعود العنزي ياليت تعطي الاخوان والاخوات لمحه عن مشروعك عشان الفايده تعم وجعل مشروعك ينجح وجعله في موازين حسناتك

كبريا/الله يبارك لك ماخليتي لك الا الاحسان من راتبك وراح تلقين فيه الفرج باذن الله

ياليت الباقي يكتب عن راتبه لان من جد استفدنا من بعض الله يبارك لكم

اتمنى اللي يقرأالموضوع الرد للفائده

بسم الله الرحمن الرحيم
والله اعطي ابوي وامي كو كل مره واعطي اخوني وتصدق
وفكر اكفال يتم
مشكوره على طرح الموضوع