ابشركم فتحت محل الخضار والفواكه بس بسال كم سوال

ماجيدود · #1 (**permalink**) 06-04-2011, 05:54 AM

السلام عليكم ورحمة الله

الحمدلله ابشركم اني فتحت محل بحي اشبيليا بالرياض للخضار والفواكه والتمور بعد ان شالله

زينت الديكور واللوحه والمكيف وباقي الثلاجه ماتسمح الميزانيه حاليا اني اجيبها بخليها بعدين لارزقني الله

عندي كم سؤال ياشباب قبل اجيب البضاعه

اول شي الي محيرني تسعيرة البضاعه تسعيرة الخضار كم

يعني كم ازيد من سعر الجمله الي اشتريه يوميا عشان يصير سعري زي المحلات

انا مالي اي خبره ولا عمري شريت خضار دايم الوالد هو الي يشري

هذا اول سؤال لاني ماني فاهم شي

السؤال الثاني انا بشتغل بالمحل بنفسي ومتعود على الكرف يعني عادي

ابي منكم طريقه اني اجمعه بين شغلتين الي هي المحل والحلقه او العزيزيه

يعني قالو اني اقدر اني اشتري من هناك وابيع بنفس الوقت واكسب ثم اخذ الباقي للمحل

لاكن مافهمت الطريقه ابدا

ارجو المساعده ياشباب لاني على شفى حفره وماني فاهم شي

بهالحاجتين مع انهن اهم شي بالمشروع زي ماتعرفون

بختصار _ طريقة التسعير كم ازيد عن سعر الجمله الي اشتري فيه على كل نوع

و طريقة اني اتكسب من العزيزيه قبل لا اجي المحل

وشكرا لكم

لصمتي تناهيد · #2 (**permalink**) 06-04-2011, 06:21 AM

ماعندي خبره بـ هالمجال بس بعطيك اقتراحي ...

لو ترووح وتشوووف محلات الخضره بكم تبيع يكون احسن وبكذا تعرف السعر

لا تفتح المحل الا وانت فااهم الشغله حتى ماتتعب وتطفش من البدايه ..

واسئلتك الباقيه بإذن الله اللي هنا يفيدوونك ..

وربي يوفقك ويرزقك ..

حبيب الماما · #3 (**permalink**) 06-04-2011, 06:25 AM

عسى الله يفتحها عليك ويرزقك

ممكن حل · #4 (**permalink**) 06-04-2011, 06:47 AM

ما عندي خبرة في هالأشياء بس حبيت أسلم واقلك

أحجزلي 2 كيلو تفاح +2 كيلو موز + 3 كيلوو برتكاان > شيبابنا البرتكان هع (( البرتقال )) !

هههههههههههه

أمزح يالغ ــآلي

بأذن الله الشباب يفيدونك
وأتمنى لك التوفيق في هالمشروع

ماجيدود · #5 (**permalink**) 06-04-2011, 08:48 AM

هههههههههههه

مشكورين ماقصرتو على الردود فديتكم

المشكله ياصقيقي لصمتي تناهيد ان الخضروات والفواكه كل يوم سعر

انا ابي اعرف لاشريت بالجمله بكم ابيع

رحت انا قبل شوي العزيزيه ولقيت جرم الطماط او الطماطم زي مايسمونه الكشخات لقيته بعشر ريال وفيه ارخص واغلى بريال ريالين

الجرم طبعا حوالي 12 كيلو يقولون

على العموم ياليت احد يجي يفيدنا لاشريت الجمله كم ازيد او كم يزيدون المحلات بالعاده

مابي اكون ارخص ولا اغلى ابي وسط

الروقي العتيبي · #6 (**permalink**) 06-04-2011, 09:33 AM

اخوي ادخل ع الرابط هذا
ان شاء لله يفيدك
http://www.ardco.com.sa/index.php?op...id=130&lang=ar

ماجيدود · #7 (**permalink**) 06-04-2011, 09:56 AM

دخلت يابعد راسي بس مافهمت
ماستفدت من ناحية سؤالي الي هو لا شرو المحلات بالجمله كم يزيدون ويبيعون للناس

مثلا العشره كيلو بالجمله ب 10 ريال بكم نبيع الكيلو بعد ماناخذ جمله

يعني كم يزيدون بالعاده على راس المال

خااااالد · #8 (**permalink**) 06-04-2011, 11:02 AM

اقتباس:

المشاركة الأصلية كتبت بواسطة ماجيدود

دخلت يابعد راسي بس مافهمت
ماستفدت من ناحية سؤالي الي هو لا شرو المحلات بالجمله كم يزيدون ويبيعون للناس

مثلا العشره كيلو بالجمله ب 10 ريال بكم نبيع الكيلو بعد ماناخذ جمله

يعني كم يزيدون بالعاده على راس المال

بسم الله وعلى بركة الله

بالنسبة للبيع في المحل

- اشتري لك صحون فلينيه (لكيلو واحد فقط ).
- وزع الطماطم بهذه الصحون على شكل صحون لكيلو واحد فقط
- حط على كل صحن سعر (5 ريالات ).
- قم بترتيبها بشكل منظم داخل المحل وابشر بالخير .

وكذلك الفاصوليا والباميه وغيرها من الخضار ، ايضا يمكنك تنظيم الفواكه بهذا الشكل .

ترى لو تحط كل اسعار المحل بخمسة ريلات للكيلو الواحد بتكسب الخير ان شاء الله

مثال ( الطماطم ) : الكرتون الكبير أو الجرم كما يسميه البعض ( بــ10 ريال ) 12 كيلو ، ربحه يساوي 60 - 10= 50 ريال . الحمدلله خير وبركه .يعني 500%

اتمنى لك التوفيق والرزق الحلال.