السلام عليكم ورحمة الله وبركاته

شخباركم عساكم بخير

[bor=FF0000]
انا قصتي قصه واللي مايستحمل يقراها يطلع لانو قصه مؤثره جدا ولازم اقولها انا من الناس

اللي طيب وعلى نياتي وحنون بالحيل ماحب المشاكل وماحب العصبيه طبيعتي كذا لكن من المكان

اللي عايش فيه صعبه بالمره وانا والله ضاقت بي الدنيا وكرهت حياتي كلها صحيح لكل انسان

عنده طموح كبير ولازم يحققه انا كانت عندي طموح اكمل دراستي واقل شئ احصل على دبلوم

ولا بالكالريوس ولا ماجستير لكن ابوي واخواني هم السبب في ضياعي واول من يحاسب عليها

هم اهلي لانو ضيعوا مستقبلي اخواني قالو لي تخرج واوعدوني وعود وهميه انو يوظفوني والى

الان مافي شئ ضايع تخرجت على انو يوظفوني نسبتي حلوه الحمدالله 86.24 التقدير جيدجدا

عندي 3 اخوان اكبر مني اثنين متزوجين والثالث في شهر 7 ان شاء الله المهم قبلوني كليه التقنيه

ورفض ابوي اروح اودي اوراقي لهم وهاوشني وقالي دراسه لا يعني لا قالي قدم على شركات

مؤسسات بنوك ولا كليات عسكرية قلتله كليات عسكرية مايقبلوني بسبب طولي 150 وقال الا

يقبلونك قلتله مايقبلوني الطول اخر شئ 165 قالي الا يقبلون المهم قدمت على شركات مؤسسات

بنوك وكلهم رفضوني بسبب ماعندي خبره قلتلهم وضفوني طيب مشان احصل على خبره وكلهم

يقولون عندك غيرنا تحصل خبره كل مارحت مكان لقيته مسكر بوجهي بعد مافقدت الامل في

الشركات ومؤسسات والبنوك وكليات عسكرية كمان وقبلوني الخطوط الجوية العربيه السعودية

ووقف في وجهي اخواني بحجه انها بعيده حاولت اقنعهم لكن مافي فايده كلمت ابوي وقالي انت

صغير وبعيد وبعد ما حنيت عليه هاوشني وقالي انت ماتفهم لا تروح فاهم وتركتها واتصلو مرتين

مشان احظر اوراقي لهم لانو الاولوية لي لكن ابوي وقف في وجهي وراحت علي واخواني

يوعدوني وعود وهميه والى الان ماوضفوني اخوي الاول كلن ماقلتله شئ قالي شمال الرياض

ولا شرق بعيد يعني انقلع مانيب موديك واخوي الثاني كل ماقلتله عن وظيفه مدنيه ايقول ماتصلح

لك واخوي الثالث كل ماقلتله قالي برى الرياض لا تحلم تطلع ويعصب علي بعدها جات وظيفه

عسكرية اللي هي الامن العام وكلمت اللواء وعصب علي يمكن احد يتذكره بسبب طولي وسكره

في وجهي قلت يمكن خيره وكلمت اخوي الثاني عن سلاح الاشاره وقالي شهر4 يفتح التقديم راح

ولا شفت شئ وفي شهر 2 فتحو تقديم ملفات في تبوك المظلات وقلت لابوي وعصب علي قال بعيد

وش يوديك بعيد قلت الناس راحت ماقالت شئ ماوقفت الا علي وعصب علي شب نار علي

ابوي سحب مني الجوال والسياره ومايخليني اطلع من البيت والله يا اخوان اني اقولها وانا ابكي

اذا شافني برى البيت والله يعصب علي لين اقول بس وانا مانيب من الناس اللي يحب العصبيه

وكل يوم يسئل عني ويهاوشني على كل كبيره وصغيره ويدور علي اي زله والله يا اخوان واقسم

بالذي رفع سبع سمؤات وانزل سبع اراضين اني مقدر ارد على ابوي خايف لانو انا الوحيد اللي

دايم مجروح اقسم بالله يا اخوان اني يوم اجي انام اني ابكي قهر في كل شئ احسني محروم من

من كل شئ حتى الضحكه والله اقولها وانا ابكي قهر حارمني مايخليني اطلع واستانس مثلي مثل

الشباب الثانين واذا طلعت عصب علي ويمكن توصل للطق ومايروح اي سالفه الا اني اكون فيها

ويوم اطلع للبقاله اشوف شباب اقول ياليتني ماوعيت على هالدنيا استغفر الله
[/bor][bor=00FF00]
لكن والله شئ قهر

ابوي واخواني هم سبب في ضياعي وضياع الوظائف علي بتجون وتقولون اهم ارى بمصلحتي

انا زهقت من حياتي كرهت كل شئ اخواني كل ماقلتلهم شئ قالوا يا اما بعيده ولا ماتصلح لي

اجل بالله وش الفايده من بالحياة وابوي كل ماقلتله وظيفه عسكرية ايقولي بعيده ولا توك صغير

يا ناس عمررررري 21 تعرفون وش معنى 21 يعني كبير لا يغرك اني صغير ابي اطلع ابي

اقدم مثلي مثل غيري حتى لو المريخ ابي ابني مستقبلي كافي اني محروم من الطلعات وكافي انهم

يعصبون علي وكافي سحب الجوال مني والسياره قعدت بلا هدف ومالي كلمه عندهم هذا مستقبلي

وهم يمشوني على كيفهم انا وش ذنبي يوم يضيع عمري هدر وسببها ابوي واخواني مشان اخواني

جلسو 4 سنوات عاطلين وما كانو مهتمين في الوظائف الدنيا صعبه وانا اعرف طريقي ومستقبلي

لكن تعبت اقول كل يوم تصلح الحال مجبور اني اسوي اشياء ماحد يتوقعها لان ضاقت علي الدنيا

زهقت ودي اسوي شئ في هالدنيا بس مو قادر دايم دمعتي على خدي
[/bor][bor=FFFF00]
يوم السبت فيه تقديم على

سلاح المدرعات وانا فكرت اني اطلع مع اي واحد من الرياض لتبوك بليل ابي اطلع اروح اقدم

مع الناس وش تفرق يعني بيني وبينهم لكن والله خايف اطلع وابوي يهاوش امي واقسم بالله يا

اخواني انو ماحد يدري اني فكرت اطلع من البيت بليل مشان اقدم لانو ابوي عارف رده بيرفض

وبيقول الطول لكن مافيني حيل اصبر اكثر من كذا ابي اهرب اسوي اي شئ بس

ما اجلس على كذا وهاذي قصتي كلها
[/bor]

[gdwl]
ملاحظه:

اللي من الرياض ويبي يروح يقدم على سلاح المدرعات بتبوك يرسل لي رساله ونحدد

وقت انا وياه
[/gdwl]

الله يعينك ولاي ابووه واهله مو طايقينه يجلس بلبيت

يقوولووله روووووووووووووووح ياا خي فاارق توضف اي شي
لاوهو مايبي غير وظيفه اللى في رااسه حارس امن ولا عسكري يبي

والله لو عندي وقالو لي كذا والله لاطلع وما ارجع الا وانا متوظف لكن ضيعوني ياناس

عجبي للاب والاخوان

كل اب يتمنى يشوف ولده في احسن الوظايف

ويتفاخرون فيه ويفرحون انهم طلعو جيل صالح وسوو رجال

وهم يحرمونه من هالشيء

اتمنى انه الله يصلحهم

ماراح أقدم لك نصايح ولا بأعلمك بمصلحتك
لكن مشكلتك اﻷولى هو أنت
أعذرني على هالكلام..
لكن ضعف شخصيتك وحساسيتك الزايدة
هي اللي مخربة عليك..!
ياعزيزي أبد بأصلاح نفسك بالاول
وأثبت وجودك بكل مكان .. بالبيت وبرا البيت
لا تسمح ﻷحد يتدخل بحياتك دآمك ماسويت شي غلط..
كلنا نتقبل الرأي والنصيحه..بس توصل للتدخل وقيادة حياتي
لاترضاه على نفسك .
ماهي دعوه للتمرد على الاهل..لكن أبني شخصيتك
حتى يحترمك من حولك ..

تحياتي

وعليكم السلام ورحمة الله وبركاته
الله يعينك وهذا أبوك وش ودك نقول
لكن ممكن يخاف عليك وهذا حق للوالدين
طيب حاول انك تفهمه قلة انا ماني صغير
وانا رجال ابي اصرف على نفسي وابي اتزوج وابي ابني بيت
وانت بعد عمر طويل مابدوم لي من هذا الكلام
واسئال الله بأن يهديه

طيب انا وش ذنبي بالاخير بتضرر انا ابوي عصبي يعني تتوقع اي شئ يجيك واخواني يعصبون علي واوعدوني

وعود وهميه ولا شفت شئ والسبب انو يشب علي علطول كيف تتعامل معه وهو حارمني من كل شئ

واخرتها قررت اطلع اروح اقدم وما علي من احد

دق على شيخ وفهمه الوضع وهو بيقتييييييك

واظن لو رحت لشيخ بيقولك لاتسمع كلام ابووووووووك

ياخي لو جتني الخطوط السعوديه والله ثم والله لو يفرشني فرش الوييييييييييييييييل

اني لاروووووووووح بعض الشيبان ترا منجد عقولهم متحجره


والله انا الحمد لله ابوووووي يقول اقلب وجهك وبالعكس بعض الاحين اذا في تقديم

يطردني من البيت عشان اروح اقدم

ههههههههههههه

الله يفرج همك ويهدي ابوك واخوانك