استفسار عن شركة زين

المشتاق66 · #1 (**permalink**) 18-11-2007, 02:44 PM

السلام عليكم ورحمة الله وبركاته :بالأمس جاني اتصال من شركة توظيف واسألوني هل لي رغبة في العمل لدئ شركة زين وقلت ماعندي مشكلة وسألوني عن اللغة الانجليزية وقلت لهم صراحة ماأجيدها نهائياً وقالوا لي انهم بيرسلون اوراقي للشركة والشركة راح يتصلون علي بعد فترة وسألة المتصل , قلت له انت وش علاقتك قال حنا الشركة الي ماسكه التوظيف في زين , وندرس اوراقك وبعدين نرسلها للشركة , طبعا انا خريج دبلوم محاسبة من كلية التقنية وحبيت اعرف هل الشركة مميزاتها زينة على اسمهاوكيف رواتبها للي عنده خبر .وادعولي ولجميع المسلمين بالتوفيقطبعا انا قدمت عليهم من خلال الاعلان الي في الموقع

dode · #2 (**permalink**) 18-11-2007, 06:55 PM

كيف قدمت عليهم؟؟؟؟؟؟؟؟؟؟؟؟؟؟

كدلك عاطل · #3 (**permalink**) 18-11-2007, 11:14 PM

انا مثلك مقدم على الحلول الممتازة في العليا قبل اسيوعين والى الان ما اتصلوا مع العلم اني خريج محاسبة تقنية وخبرة اللة يسمعنا خير ويوفقك ..............

المشتاق66 · #4 (**permalink**) 19-11-2007, 12:02 AM

اخويdode تقديمي كان عن طريق ايميل موضوع في المنتدى واشكرك على مرورك انت وكدلك عاطل .

شخص عادي · #5 (**permalink**) 19-11-2007, 06:37 AM

اخوي كدلك او المشتاق ياليت تدلونا على مكانها بالعليا انا تعبت من الفرفره وانا ادورها هههههههههه افزعو لنا الله يجزاكم بالخير

حلمي وظيفة · #6 (**permalink**) 19-11-2007, 12:51 PM

اقتباس:

المشاركة الأصلية كتبت بواسطة شخص عادي

اخوي كدلك او المشتاق ياليت تدلونا على مكانها بالعليا انا تعبت من الفرفره وانا ادورها هههههههههه افزعو لنا الله يجزاكم بالخير

الموقع : طريق الملك فهد تقاطع العروبة وانت جاي من الجنوب الى الشمال تسيد مع الاشارة بتلقى عمارة كبيرة اسمها البستان فيها تحت اسواق الجزيرة
هي في نفس العمارة اعتقد في الدور الثاني .......................................

دعواتك

بس الافضل تقدم في مركز الملك فهد للتوظيف في المعذر لانهم طالبين دبلوم اي تخصص والعقد مباشرة مع mtc الاتصالات الكويتية

الموقع : خريص اذا جاء مستشفى العسكري على يدك اليمين وانت ماسك الخدمة بيجيك نصف دوار
يؤدي الى المعذر والى فندق ماريوت .........********
انت روح جهة المعذر يمين تسيد تجيك اشارة على طول روح معها تمشي تقريبا 2 كيلو بيجي على يدك اليمين ( مركز الملك فهد للتوظيف )

شخص عادي · #7 (**permalink**) 19-11-2007, 01:28 PM

الله يجزاك بالخير

لو تدري ساعتين وانا جالس بمكتب انتظر هالمدير يجي اخرتها قال لي احنا مشغلين لابراج
ام تي سي بس ماعندنا التقديم وزحلقني على مبنى جمب الصندوق الاسود ورجعت للبيت
يوم ما حصلتها وقبل لا اكتب ردي جاني اخوي الكبير بعد ما سالته قال لي شوف
اطلع مع طريق الملك عبد الله باتجاه الغرب تقاطع العليا ولف يمين كأنك تبي سوق العويس وطيبة امش لين يجيك لوحة الحلول المتكاملة وقدم اوراقك هناك

صراحة صرت محتار لكن برمي اوراقي هنا وهناك وعلى العموم الله يجزاكم بالخير

وعسى استفاد صاحب الموضوع والاخوة الزوار

مساعد مهندس عاطل · #8 (**permalink**) 19-11-2007, 08:12 PM

قد تستفيد من المعلومات على الرابط
https://www.btalah.com/showthread.*****..104#post349104
أو الرابط
https://www.btalah.com/t22825.html
وبالتوووووووفيق للجميع

رهف · #9 (**permalink**) 19-11-2007, 09:56 PM

مرحبا اخواني

اتمنى من كل قلبي لكم التوفيق

ولكن لدي فقط استفسار بسيط هذه الوظائف والتقديم لزين واللي كتبوه في

المنتدى خاص بالرجال اود ان اعرف كيف ارسل اوراقي لهم وافظل ان ارسلها بنفسي

لاطمئن انها وصلت واذا كان بالامكان ايميلهم وفاكسهم

اكون شاكره

لكم الف تحيه