تعقيد وقلة حياء ياوزارة الشئون الاجتماعية

السلام عليكم ورحمة الله وبركاته


انت شف مقدار الراتب حتي تعرف ان الشغله كلها تعقيد في تعقيد يعني اذا جبت لهم ان الراتب فوق 3000

قالو انت ماتستحق التاهيل وسحبو منك التاهيل يعني مااحد يروح لهم الا الي راتبه اقل من ثلاثه الاف

من يوم شفت انهم كل يوم في لجنه ولجان منعقده ولجان رايحه ولجان جايه وانا غاسلن يدي منهم

نسال الله من فضله



دمتم بود

اخواني ويشهد علي الله انكم غالين على قلبي
لاني لم اذكره في موضوعي

ابغى اذكرلكم ماحصل معي بالتفصيل الممل لاني لم اذكره في موضوعي الي نزلته لكم

انا اول ماذهبت

1 \ التاهيل الشامل حسب ماقال المسئول في وزارة الشئون الاجتماعيه على جميع المعاقين التوجه الى التاهيل الشامل لقد تم ارسال التعاميم الى جميع الفروع هذا كلام المسئول في وزارة الشئون الاجتماعيه في برنامج مناورات

طيب ياحلو جينا للتاهيل الشامل وقابلت مديرهم شوف وش ردهم لي
قالو والله ماوصلنا اي تعميم قلت طيب والحل انا اطمر من ادارة الى ادارة والله تعبت مين الجهه المسئوله
قال روح الى ادارة المتابعه بالشئون الاجتماعيه يمكن تحصل الزبده عندهم قلت اوكي

شغلت سيارتي وذهبت الى ادارة المتابعه قابلت المدير ابغى استفسر بخصوص اعفاء التاشيرات الخاصه للمعاقين
قالي والله ماعندنا اي علم قلت ماوصلكم تعميم من الوزارة قال لا والله ما وصلنا شي
والله سالفه قلت يابن الحلال المسئول الي بوزارة الشئون الاجتماعيه صرح وقال تم تعميم جميع الفروع وانت تقولي ما وصلنا شي
قالي روح الى فرع وزارة العمل وخذ معك شهادة تعريف بخصوص ذوي الاحتياجات الخاصه قلت مايخالف اديني الخطاب
اخذت الخطاب وذهبت الى مكتب العمل قابلت الموظف وخبرته هل وصلكم شي بخصوص اعفاء عن رسوم التاشيرات للمعاق لا
الصراحه ارتفع ضغطي شلت حالي ورحت للمدير العام وبلغته بخصوص هذا الامر
قالي نعم وصلنا ولكن انت اول حاله تجينا لازم تروح للاحوال المدنيه وتعدل بالبطاقه انك معاق قلت موجوده بكرت العائله عندي عطني غيرها اعطاني نموذج طلبات وقمت بعرضه لكم
والطلبات لازم تجيب خطاب تعريف من العمل طيب اذا كان الشخص غير موظف وش يسوي ؟
قالي لازم تسدد المخالفات المروريه ياعيني طيب القسائم وصلت حتى الان 2500 ريال من وين السدد ؟
قالي لازم يكون عندك طفل على الاقل
ولازم تكون الزوجه تدرس او موظفه


يالله سترك هذا عشان 2000 ريال

والمصيبه مكتب الاستقدام راح يمصك مص اقل شي ياخذ منك 7000 ريال او 8000 ريال

والله حبيت اوضح معاناتي
وبالختااام اقول ياوزارة الشئون الاجتماعيه

حكم القوي على الضعيف

ألم يفكر القوي بشعور الضعيف ..؟ عندما تنهل على رأسه زخات من الذم والتذمر ...؟

بلا ولكن لاحساس عند مثل هؤلاء الاشخاص ... الماديون بطبعهم .......

ايش هالتعقيد كلة والله ماتسوي علينا

حسبي الله ونعم الوكيل فيهم كانهم لعوزانا معاهم

طيب انا بنت ماتزوجت ايش الشروط بالضبط لللي

مافهمت انا اقدر اخذ او لا

الله يخارجنا