معاد اقبل حل وسط ياني اشتكي واخذ حقي او احرق هالشهاده

ماهدت نفسي · #1 (**permalink**) 09-04-2011, 10:13 PM

السلام عليكم ورحمة الله وبركاته
انا خريجه معهد تقني تخصص دعم فني معدلي 4.26 دورت وظيفه لين تعبت وبعد تقريب سنتين لقيت وظيفه بالحسره مدريه حاسب وبراتب 1500 قلت مو مشكله اهم شي اني ماجلس كذا
اليوم رحت ع اساس اداوم لقيت المؤسسه منزله قرار انه خريجات الدبلوم مايدرسون الا بشرط انهاتكون عندهاخبرت سنتين في مجال التدريس يعني محد وظفني ع تخصصي وغيركذا يقفلونها في وجيه الدبلوم اذا الدبلوم ماينفع ليش تخرجون دبلوم بالله عليكم موظلم هذاغير الي بنفصلون من عملهم ياناس تكفون ابي احد يساعدني ابي اشتكي على المؤسسه او عطوني رقم صحفي في جريده الرياض حلفت اني مسكت اه بس
اذا فيه غلط في الاملاء لاتلوموني من القهر لي يومين مانمت

بكالورياحاسب · #2 (**permalink**) 09-04-2011, 10:46 PM

طيب ,,,انا احس بالظلم بعد من بنات الدبلوم
اخذوا اماكنا
انا بكالوريوس خمس سنوات ,,وماتوظفت باي شي ,,,حتى المعاهد اللي تقولين عليها يتصلون علي
ويقولون تعالي وبنعطيك خبر وماعاد يردون
وقسم بالله رحت لوظيفة في شركة طالبين مبرمجات ,,,وكنت مبسوطه مره بيقبلوني لان المتوظفات عندهم كلهم دبلوم تقنية
تخيلي وافقوا على بنت الدبلوم وانا البكالوريوس رفضوني
يعني معقوله هي افضل مني انا دارسيه زياده عليها 3 سنوات!!!!!!
غير انو دراستنا مره صعبه
و شهاداتي ا لثانيه مالها فايده
بدلك على اسم الشركة اتوقع بيقبلونك عادي
حطموني

بكالورياحاسب · #3 (**permalink**) 09-04-2011, 10:48 PM

جيت ارسل ,,بس انتي ملغية الرسائل

فهد بطالة · #4 (**permalink**) 09-04-2011, 11:05 PM

بكالورياحاسب قدمي على مستشفى الحرس

وانصحك تقبلين كبداية براتب 3000 شرط يكون في تخصصك وبعد سنتين خبرة ممكن تنقلين لوظائف افضل

ايضا قدمي للتدريب في المؤسسة وقدمي للاعادة وتوكلي على الله

رياض الأحباب · #5 (**permalink**) 10-04-2011, 12:51 AM

اقتباس:

المشاركة الأصلية كتبت بواسطة بكالورياحاسب

طيب ,,,انا احس بالظلم بعد من بنات الدبلوم
اخذوا اماكنا
انا بكالوريوس خمس سنوات ,,وماتوظفت باي شي ,,,حتى المعاهد اللي تقولين عليها يتصلون علي
ويقولون تعالي وبنعطيك خبر وماعاد يردون
وقسم بالله رحت لوظيفة في شركة طالبين مبرمجات ,,,وكنت مبسوطه مره بيقبلوني لان المتوظفات عندهم كلهم دبلوم تقنية
تخيلي وافقوا على بنت الدبلوم وانا البكالوريوس رفضوني
يعني معقوله هي افضل مني انا دارسيه زياده عليها 3 سنوات!!!!!!
غير انو دراستنا مره صعبه
و شهاداتي ا لثانيه مالها فايده
بدلك على اسم الشركة اتوقع بيقبلونك عادي
حطموني

البكالوريوس أخذو حقهم في الوظائف الحكومية بستمرار حتى المتخرجين جدد

وبعض الاحيان يظلمون في الوظائف الحكومية خاصتاً اللي ما عنده واسطه

تلقون ثانويه متوظف رسمي يستلم 6500 وجامعي حاطينه بعقد وبند يستلم 2300 ظلم

والدبلومات حدهم قطاع خاص واللي معاه واسطه يصير حكومي

ما اقول إلا حسبنا الله ونعم والوكيل

والله لو في نظام وتنظيم وترتيب في الوظائف بشكل حضاري وشفافيه

والله ما صار عندنا عاطل

حسبنا الله ونعم الوكيل

صعبة المناال · #6 (**permalink**) 10-04-2011, 01:05 AM

بكالوريا حاسب أنا معي دبلوم برمجه من معهد الادارة وقدمت اظن على نفس المكان اللي قدمتي عليه ورفضوني

مو شرط حتى كل الدبلوم ياخذونهم وزي ماقال اخوي رياض الاحباب انتم في مجال بالحكومي

لكن حنا لنا الله

لا واسطات ولا حتى خاص يقبل فينا الا مع خبره يلا الحمد لله بكل الاحوال

ماهدت نفسي · #7 (**permalink**) 10-04-2011, 01:50 AM

شكلها خطه معتمده انه الدبلوم يقولون نبي بكلويوس والعكس مع البكلويوس حسبنا الله ونعم الوكيل وش نسوي ياربيه

ماهدت نفسي · #8 (**permalink**) 10-04-2011, 07:44 PM

وين الناس محد يرد

محمد اليابسي · #9 (**permalink**) 10-04-2011, 08:31 PM

ياجماعة الخير .. خلونآ من هالكلآم حرق وما حرق

البنت مالهآ الآ بيتهآ .. الآ المحتآجه << هذآ الي وصى فيـه ديننآ ..

من ناحية الرجآل الله يعيننآ ع الي يبي يجينآ ..