..بسم الله الرحمن الرحيم،،والصلاة والسلام على اشرف الأنبياء والمرسلين،،

تخرجت بتاريخ 1427ه..كان يومي تاريخي..بالنسبة لي ..عندما تخرجت من الكلية..توقعت انه سوف يكون اسعد يوم بحياتي،،
ولكن العكس هو الصحيح..كانت أسواء الأياام في حياتي..اسبوع كامل دموعي لم تجف...لا اعلم ماسبب ردة فعلي هذه...أهو بكاء على اجمل أيام حياتي..وفراق ..صديقاتي حيث اننا من محافضات مختلفه..أم خوف من المستقبل المجهول،،
ماهي إلا أيام وتقدم زوجي الأن لي ،،وكانت شروطي..ان يكون طموح..تخيلوا..شرط واحد فقط...لآن من لديه الهمه العالية يستطيع ان يحقق..كل شيء..وبعد شهر من الخطبه وافقت..وعدا أسبوع ..وعملت التحاليل التي للزواج..
وكان يوم أسود أخر بحياتي..المهم عدا على خير..يوم عقد القران كان يوم التقديم في الديوان..الصباح ذهبت بملفي
وقدمته على الديوان..هذا قبل مايكون التقديم على الأنترنت..وفي المساء عقدت ..لحظات مدمره..توقعت أنني سوف أشعر بالسعاده..ولكن العكس هو الصحيح..غضب وحزن..وبكاء ..المهم عدا اليوم على خير..باقي على زواجي سنه..وهنا
بدأت الحياه البيتوتيه..كم هيا ممله..فذهبت الى المدارس الخاصه والبنوك وكل مكان..لاحياة لمن تنادي...مالي حظ بأي مكان..المهم .يوم ما دخلت علي امي..وقالت لي انها كلمت فلانه من الجماعه وماسكه منصب في مستشفى كبير في تبوك
انه يمكن تدبر لك وظيفه...وقتها كان معي الحاسب الألي...توقعت وظيفه مكتبية أي شيء..أن شاء الله مشرفه على المستخدمات..المهم عملت فيا طيب...ولقتلي وظيفه في المطبخ..مع العاملات ..موزعة طعام..على المرضى.
آآآه بكالوريوس فيزياء ..وحاسب الي..موزعة طعام..قلت يابنت كل الناس بدأت من الصفر ..ولا تستحقري شيء
كنت اجلس مع العاملات في غرفة خاصه بنا في المطبخ..وكان دوامي فترتين..صباحي ومسائي..وكان مديري سوداني
توفى الله يرحمه..وكان المشرف علينا ..شخص سعودي ..طبعاً..مخلي علينا وحده فلبينيه ..تنقله احنا ايش نسوي اول بأول..طبعاً..كنا نلف الخبز بأكياس..ونمسح الصحون بعد ما تنغسل ..وهكذا...كانت ايام ممله وطويله..بس الحمد لله..
الراتب كان 800 ريال...احسن من لا شيء...المضحك المبكي...ان صديقه لي ...من أيام الثانوي...نسبتها كانت 70..
ودخلت التمريض عن طريق..بنت عمي. .واسطه يعني ...هيا ممرظه ..راتبها 7000 الاف في نفس المستشفى..
وانا عامله في المطبخ..الحمدلله على كل حال ....بعد سنه تزوجت،،
(تعبت وانا اكتب بالعربي) بتحول عامي..تعريفي للزواج أيام حلوه وأيام وحشه...والحب هو الأساس والقناعه بالشخص الأخر من الطرفين..بعد سنه زواج ربي رزقني ببنوته حلوه..طبعاً..كنت كل 6 أشهر أخذ جوله على المدارس الخاصه
والمستوصفات احط ملفي عندهم..المهم ..دخلت مستوصف خاص مديره سعودي...ومحاسب مصري...المصري هو اللي يوظف,,السعودي بالإسم فقط..والمصريين هما اللي ماسكين كل شيء..بعد المقابله الشخصيه...قال ادق عليكم إذا فيه توظيف بعد اسبوع دقوا...ويافرحتي ...بالوظيفه..إستقبال للنساء فقط...الحمدلله..والراتب 1800 ريال..أحسن من لاشيء
طبعاً...إخوانا وأخواتنا العرب...يالله على المعامله انا السعوديه الوحيده بالمستوصف...شوفي المعامله..الدكاتره..انواع
التكبر..والممرضات الله المستعان...انحلال خلقي فضيع..فكنت اشغل وقتي الفاضي..بقراءة القران الحمدلله...وطبعاً..
دوامي كان فترتين...فيه ممرظه مصريه الله يهديها..انواع الحقد على السعوديات...المريضات من جد حالات تقطع القلب..تنفخ..وتتأفف ..ماادري على ايش...وانا تبي تمسك عليا ممسك بأي ثمن..بس المثل يقول امشي عدل يحتار عدوك
فيك...ونسيت اقولكم تسوي الغللط..وتحطه براسي...وماشيه على المثل ضربني وابتكى .و.سبقني واشتكى..شهرين
وانا ماسكه..وظيفتي ..بجد ..بعدها جت واسطه..سعوديه زوجها يعرف واحد يعرف المدير ..مو السعودي اللي وظفني..
لا المدير المصري..المهم قالوا هاذي تساعدك...وماقصرت علمتها الشغل على اصوله بعد اسبوع..داومت السبت..الا والمحاسب المصري يناديني لمكتبه..ويديني ورقة فصلي..أساساً ماكتبت عقد عشان يفصلوني رسمي..قلت احتاج لسبب
ايش السبب..انا انسانه واثقه من نفسي ايش السالفه..رحت دقيت على المدير السعودي..قال والله مافي أي سبب يفصلك
بس انا أواجه ضغوط...من المصريين..انا هنا بكيت بكاء مو طبيعي,,وقفلت المهم ..دق على المحاسب..وقال اصرف لها راتب شهر كامل..وقال مع بداية الشهر الميلادي تأخذي راتبك..المهم...تخيلوا السعودي عارف انه ظالمني..بس عشان المصريين يمشوا شغله...فصلني..آآآه وفعلاً..اخذت راتب شهر وانا ماداومت...الحمدلله على كل حال صدمه نفسيه
خلتني اكره جميع الوظائف اللي فيها إختلاط..أو مديرك رجل...أحس فيها إستغلال واضح..المهم بعدها بسنه ربي رزقني
ببنتي الثانية والحمدلله..على كل حال كل يوم أدعي ربي..ان الله يوفقني...ويرزقني الرزق الحلال..واللي تقولي ليش ماتأخذي تعاقد..اصلاً..كل ماأروح مكتب الإشراف التربوي..تقابلني وحده..تقول مافي وظائف من قلكم إشاعه وهكذا
ماندري كيف تجي الوظائف ..وكيف تروح,,,الحمدلله على كل حال..آآآآه ياقلبي ..وربي كتبت قصتي لكم من الطفش والضيقه..اللي فيني...احس نفسي..اكون شيء مميز..نفسي اكون مشاريع خاصه...بس المشاريع لو أخذتي قرض او أي شيء لازم يكون لك ضامن..وانا كل اللي حوليا ..منتفين...من الأخر..آآآه...ابي احقق امنياتي ابي..أحس بمتعة العمل
ابي احس اني إنسانه الكل يفتخر فيني...ابي اهلي وزوجي..وبناتي يفتخروا فيني..آآه..من جد ..عذاب..
بس الحمدلله على كل حال..