الله يسعد مساكم شباب وشابات
اللي ابغاه منكم انكم تساعدوني في اني استقر بوظيفة تناسبني انا ومؤهلاتي , كل يوم وانا بشركة واخيرا استقريت بشركة وليت ما رحت لها هذي قصتي واقروها وحسبوا نفسكم مكاني:

اتصلت احدى الشركات المتعاقدة مع البنوك علي وانا بمدينة ابها
وقالت لي تعال نسوي لك مقابلة لان شهاداتك حلوه ونحتاج مثلك
وقلتلهم خلاص انا بكره عندكم
سافرت من ابها للرياض على اساس ان الوظيفة براتب 3000 ثلاثة اشهر و3800 بعد الثلاثة الشهور الاولى حسب كلامهم لي وان الدوام خمس ساعات يوميا
سافرت للرياض واليوم الثاني رحت لهم واجروا معاي مقابلة قالوا انت نحتاجك في قسم الـIT وراح يكون دوامك من8 إلى 5 العصر (يعني تسع ساعات) وراتبك راح يكون 2100 شامل البدلات (علما ان معاي خمس شهادات في علوم الحاسب الآلي ) رحت وداومت لي الان ثلاثة ايام وانا كل يوم احس اني بموت من القهر === اكيد بتقولون ليه ؟
لأن القسم اللي انا فيه كله هنود وباكستان والمدير باكستاني راتبه 38000 والهندي راتبه 17000 وانا 2100 شامل البدلات
مع اني اعرف ناس بالمتوسط رواتبهم بأماكن اخرى 5000 تقريبا
طبعا بتقولون لي طيب وش مجلسك ؟ اقولكم انتظر وظيفة بما اني صرت بالرياض وبنفس الوقت احاول اطور نفس اما اني قاعد علشان الراتب !! بيت ابوي ابرك لي من كذا

انا ابي ردودكم على موقفي بس والقهر اللي اشوفه كل يوم علما بأن شهاداتي راح اذكرها بالأسفل



شهادة الكلية التقنية ( حاسب آلي - دعم فني ) بتقدير جيد
شهادة تدريب من الكلية لمدة ثلاث شهور بتقدير ممتاز
شهادة CCNA1 من اكاديمية سيسكو الاميركية
شهادة ICDL الرخصة الدولية لقيادة الحاسب الآلي
شهادة شكر وتقدير على أفضل مشروع تخرج بالكلية التقنية حيث كان المشروع (التحكم بالأجهزة عن طريق الشبكات السلكية واللاسلكية)


هذا اللي عندي وانتظر اقتراحتكم وشكرا

مالك الا الصبر يمكن انت لقيت والله غيرك يتمنى يلقى وظيفه لو بالف
الله كريم يعوضك بأفضل منها وييسر امرك

الله يوفققك اخوي وشهاداتك قويه وبرضوا مبين ان عندك خبره

بس ياليت ترسل لي سيرتك الذاتيه كامله على الخاص وابشر براتب احسن من الي

يستلمونها اصحاب المتوسطه زي ما تقول بس لعلمك لو صار شي الوظيفه راح يكون

مقرها مدينه جدة

اتمنى لكـ التوفيق


تحياتي

والله رأيي
إنك تصبر على وظيفتك..مهما كان
عصفور باليد ولا عشرة على الشجرة
ودوّر لك وظيفة غيرها مو مشكلة
بس إنك تسيب الوظيفة وتجلس بالبيت صعبـة

مشكورين حبايبي على المرور والكلام الحلو اللي صدر منكم , انا ما راح اسوي شيء الا اني ادور لين القى مكان يناسب لي وبالنسبة لك أخوي ولد جده يا ريت ترسلي ايميلك على الخاص لانني ما اقدر اراسلك على الخاص ( ما وصلت العدد المطلوب من المشاركات ) وما تقصر حبيبي