خلها على ربك بس
اول شي الله يسعدك على هالصبح
والله ضحكتني قصة المصري هوه في ايه ميت ضحك
بس بقول لك قصه
عاد صدق والا لا تصدق
مره العصريه طلعت انا وخويي مسوي شيبان على بالنا بندور لنا على بن ( قهوه ) خولاني مدري هراري المهم
وصلنا عند الاشاره اشارة مخرج 6 الدايري الشمالي
الا ونشوف زحمه تحتنا وش السالفه ما ندري المهم واحد وقف على جنب عند الاشاره ( والله العظيم قدام الاشاره والي فكه من الحوادث ان الاشاره كانت مولعه للي مقابلنا يعني ما يجون يمنا ) والا لو يجون يمنا كان صدموووووه ينزلونه تحت الكبري المهم بما اني سعودي ولازم استفيد من خبرات الاخرين الي تفيدني في هذا المجال << اعجبتني فكرته اعجابا شديد وقررت اوقف قدامه عشان اذا جا واحد مسرع يصدمه قبلي
ونزلت اشوف وش القصه لقيت سياره طاحت من فوق الاشاره على الشارع تحت طاحت فوق تريله وبما اني سريع بديهه _ ما شالله علي _ حللت الحادث بسرعه في ثواني وحركت ما امداني ادعس الا والاشاره خضراء للي قدامي بس قبل امشي اشوف وراي في ناااس بالهبل واقفه وتحلل الحادث على بالهم بيستضيفونهم في العربيه كـ شهود عيان
آسف على الاطاله بس ذي قصه وحده من بين ( 00.00.000)
ويقولون : قالوا لقصيمي اترك عنك اللقافه ونعطيك نص مليون قال والنص الثاني لمين
واحب اختم بـكلمه << حركات صح
المهم يا اخوان ترون حب الاستطلاع غريزه في النفس البشريه ولكنها تتفاوت من غريزه في نفس البشريه
كالغريزة التي في نفس الرسول صلى الله عليه وسلم فقد روي عنه انه رأى الناس مجتمعين فسال ما ذاك باخبروه انه ( صائم ) فقال الرسول صلى الله عنه وسلم : ( ليس من امبر امصيام في امسفر ) الحديث المشهور اهـ .
ولكن احس ان الغريزه بدت تزيد شويه في عصرنا
الله يحسن الحال
والسلام

لاوربي ماهي لقافه هي فزعه وحب الخير

مو لقافه بالعكس هذي مساعده الناس توقف عند الحادث تبغا تعرف اذا كان الناس المصابين من قرايبهم ولا لا ؟؟

وبعدين يوقفون عشان يقدمون المساعده وينزلون المصابين وينقذونهم لين ما يجي الاسعاف و الدفاع المدني
خبركم الاسعاف يجي قبل وقوع الحادث

في الحوادث اما تلاقي تجمهر وماله داعي
واما تلاقي واحد بيموت ومحد وقف له واسعفه

إذا كان الإسعاف موجود والشرطة أو المرور موجودين والدفاع المدني أيضاً موجود
أي فزعة نتكلم عنها لو تمشي بدون ما تعطل السير وتأخر الناس وتضيق الطريق على الإسعاف هذي أحسن فزعة تسويها

أما حب الاستطلاع في الحوادث ماراح يزيدك في شي وأولها العبرة
ياما ناس يشوفون الجثث مترامية أمامهم ومجرد ما يركب سيارته ما كأن شي صار

أنا في رأيي إنها أحد أنواع اللقافة وأحد أصناف الوعي المفقود

والحل .... الله يهديدنا لكل خير

يا شباب اختلفنا هل الجمهره ( فزعه أو لقافه ) صحيح أن الأغلبيه في الشعب السعودي ولله الحمد عاطفي ومحب للخير وكذلك النسبه مطابقه في اللقافه ايضاً وللأسف بس نقول اذا صار الحادث وما فيه الا أنت فهذه فزعه وأما اذا صار الحادث وقبلك موقفين عنده مليون فهذه لقافه

وجهات نظر مختلفة احترمها
بس وجهة نظري تقول ان هالصفة موجودة باي بني ادم مع انها ممكن تسبب تؤدي الى تاخير الاسعافات في الحوادث مثلاا

يا شباب هذي اعتبروها ردود على ردوكم الحلوه انا الي يقهرني الشبااااب الي يصورون لا هم يساعدون ولا يعطون مجال للناس يساعدون
شكرا لمروركم

هذا حال الشعب السعودي وش تبيهم يسوووووووووون ؟؟؟

أنا أولهم <<<<<<<<<< هههههههههههههههههههههههههه