السلام عليكم ورحمة الله وبركاته


بدون مقدمات وكلام فاضي بأدخل في الموضوع



ليش إذا صار حادث ولا حريقة نشوف الناس يتجمعون كنهم يشوفون فيلم
و المشكلة إن بعضهم يصورون



مرة كنت رايح الجبيل مع واحد ونشوف زحمة والسير يمشي بصعوبة عرفنا إنه حادث والسيارة كانت في التراب يعني ماكانت معطلة السير لكن الشعب هم إللي مسوين الزحمة
ونشوف الناس يصفطون سياراتهم وينزلون يتفرجون الغريب إن السيارات إللي صافطة كانت حول الثلاثين سيارة
وخويي يقولي شرايك ننزل نطالع
لكني ما رضيت


يوم كنت صغير أذكر كان فيه حريقة في بيت جيرانا وكانت الساعة ثلاث أو أربع الفجر وطليت من الدريشة أطالع (سعودي ملقوف ) وأشوف الناس متجمعين وموقفين سياراتهم في نص الشارع وقاعدين يتفرجون المشكلة إنهم كانوا مسكرين الشارع يعني إذا جات سيارة اسعاف ولا مطافي ما راح يقدرون يوصلون للبيت


يقولون من عاشر قوماً أربعين يوماً صار منهم
مرة كنت طالع من المدرسة وأشوف المرور مسكرين الشارع إللي يودي طريق الجبيل >>> إللي من الدمام بيعرف مدرستي
والمرور كانوا مسكرين الشارع ولا خلوا السيارات يمشون يعني بالعربي معطلين العالم
لأن أبومتعب كان رايح الجبيل
شوي ويجيني مصري مايدري شسالفة يقولي : هوة فيه إيه


حتى أنا أحياناً تجيني حالة اللقافة
قبل أسبوعين شفت الإسعاف في الكلية وكان فيه واحد مريض مدري وش فيه شكله اغمى عليه
عاد بغيت أسأل الشباب الموجودين أقولهم شسالفة بس قلت روح غرفتك وعن اللقافة



أسئلة
كم مرة شفت حادث ووقفت تتفرج ؟؟
هل مرة واجهت مشكلة بسبب اللقافة ؟؟
مرة بغينا نتهاوش بسبب لقافة أخوي

سؤال للنقاش
كيف يمكن القضاء على هذه الظاهرة ؟؟

الي يوقفون ويتفرجون مو لقافه
هذولي كلهم عاطلين هههههههههههههههههههههههههههههههههههههههههههههههههه هههههههه

بحكم اني بنت اذا مرينا علي تجمهر.. اخواني يتصرقعون ويبعدوننا عن التجمهر قدر الامكان
لأننا بعد نخاف
بس اذا كانو لحالهم لا والله يصفطون السياره ويتجمهرون بس والله مش باب اللقافه من باب الفزعه

انا عني لو حصل ما احب اتفرج لأني على قناعه انه تصرف غير حضاري

إلا وربي لقااااااافة وهبااااالة كمان
أنا أستغرب منهم إش هالتصرفات
لما يشوفوا حادث كأنهم شايفين منظر جمااااالي
الله يستر علينا
بالنسبة للحل مافيـــــه إلا الركااااااادة والسنع
وعن اللقاااااافة والطفقـــة اللي مال أمها داعي

الحب لولا عيونك

هذي صدقني ماهي لقافه

يا أنها حب الاستطلاع


أو اي شخص يوقف عشان حادث يبي يساعد المصابين

او التطمئن على حاله المصابين

وهذا انا وانت سويناها

تذكر ولا لا

اما اذا كنت انت ملقوف فهذا شي ثاني
خخخخخخخخ


تقبل مروري

********>> انواااع اللقافه مشاركه مرتين :o

بس والله تذكرت موقف يبين الأثار المترتبه على هالتصرفات...

مره كنا بزواج ووحده من المعازيم اغمى عليها وهي قاعده عالطاوله وطاحت عالأرض..
وتجمهرو جمهره الله لا يوريكم بنتها المسكينه اضنت جهودها وهي تحاول تبعدهم بدووون فايده المره مسيكينه انكتم نفسها من كثر ما كانو محوطينها وباليااااالله ابعدوهم عشان يطلعونها للإسعاف والله الظاهر انها ماتت من قلة الاكسجين

بكل بساطه لانهم ملاااااااقيف

والله حرام عليكم ظلمتونا كلنا

وربي الكعبة ان هالشعب لحبه للخير يحب يفزع بكل شي صحيح لو قلتلي

لو ان الاسعاف عندنا يأدي الغرض كان اقلك انها لقافه لكن والله المصاب يتألم

وصاحبنا لسٌاعه مالبس لبسه عشان كذا تلقى الفزعه دوم الدوم بهالشعب الطيب

احترامي لوجهة نظرك محل تقديري ولكن لابد من تقبل الآراء الأخرى مهما كان

تحيتي ,,,

سبحان الله هالحين الفزعه والمساعده صارت لقافه
وبعدين شفتو اللى كلهم صافين ودهم يصلحوون شي بس افرض مثلا واحد طايح من حادث وجاء ساعده وصار فيه شلل مين يتحمل المسؤليه يقولون اهله واخوانه وش دخلك وهو وده يساعده واللى مريت من عند محطه وشفت حريقه ومعك طفايه حريق بسيارتك حق السيارات بالله عليك وش تسوي تتفرج اكيد تبي تساعد وكلن يساعد على اللى يقدر عليه < كل هذا صار لقافه

يعطيك العافيه