السلام عليكم ورحمة الله وبركاته


بدون مقدمات وكلام فاضي بأدخل في الموضوع



ليش إذا صار حادث ولا حريقة نشوف الناس يتجمعون كنهم يشوفون فيلم
و المشكلة إن بعضهم يصورون



مرة كنت رايح الجبيل مع واحد ونشوف زحمة والسير يمشي بصعوبة عرفنا إنه حادث والسيارة كانت في التراب يعني ماكانت معطلة السير لكن الشعب هم إللي مسوين الزحمة
ونشوف الناس يصفطون سياراتهم وينزلون يتفرجون الغريب إن السيارات إللي صافطة كانت حول الثلاثين سيارة
وخويي يقولي شرايك ننزل نطالع
لكني ما رضيت


يوم كنت صغير أذكر كان فيه حريقة في بيت جيرانا وكانت الساعة ثلاث أو أربع الفجر وطليت من الدريشة أطالع (سعودي ملقوف ) وأشوف الناس متجمعين وموقفين سياراتهم في نص الشارع وقاعدين يتفرجون المشكلة إنهم كانوا مسكرين الشارع يعني إذا جات سيارة اسعاف ولا مطافي ما راح يقدرون يوصلون للبيت


يقولون من عاشر قوماً أربعين يوماً صار منهم
مرة كنت طالع من المدرسة وأشوف المرور مسكرين الشارع إللي يودي طريق الجبيل >>> إللي من الدمام بيعرف مدرستي
والمرور كانوا مسكرين الشارع ولا خلوا السيارات يمشون يعني بالعربي معطلين العالم
لأن أبومتعب كان رايح الجبيل
شوي ويجيني مصري مايدري شسالفة يقولي : هوة فيه إيه


حتى أنا أحياناً تجيني حالة اللقافة
قبل أسبوعين شفت الإسعاف في الكلية وكان فيه واحد مريض مدري وش فيه شكله اغمى عليه
عاد بغيت أسأل الشباب الموجودين أقولهم شسالفة بس قلت روح غرفتك وعن اللقافة



أسئلة
كم مرة شفت حادث ووقفت تتفرج ؟؟
هل مرة واجهت مشكلة بسبب اللقافة ؟؟
مرة بغينا نتهاوش بسبب لقافة أخوي

سؤال للنقاش
كيف يمكن القضاء على هذه الظاهرة ؟؟