السلام عليكم ورحمة الله وبركاته :

أسعد الله اوقاتم بالخيرات...

أنا كنت موظف في شركه والآن انتقلت إلى العمل الحكومي وكانت الشركه مسجله في نظام التأمينات الإجتماعيه وأنا مسجل ولدي رقم إشتراك في التأمينات..

سؤالي:

أنا ألحين أبي أستلم حقوقي كيف أستلمها وش المطلوب؟

ومشكورين ,,,,

اللي عنده خلفيه يرد مشكورا

السلام عليكم


حبيبي انا موظف شركة مثلك بس للحين ماتعينت بالحكومه ادعيلي انتظر ان شاء الله داخل مسابقة وظيفية حقت ديوان المظالم ومتفائل فيها خير


اول شي حبيبي ان كان خدمتك في الشركة اكثر من خمس سنوات فتقدر انك تنسا منها وبعد مايوصل عمرك 60 ( ان شاء الله بطاعة الرحمن ) تاخذ 1500 شهريا من التأمينات الأجتماعية وان كان خدمتك اقل من 5 سنوات تقدر تشتري الباقي لك منهم لين ماتوصل الخمسة ويصير تاخذ راتبيين ونت متقاعد من التأمينات بحكم انك كنت موظف شركة وتاخذ راتب تقاعدك حق الوطيفة الحكومية


هذا خيار والخيار الثاني والأفضل لك وهذا الي انا بسويه ان شاء الله


انك تسوي حاجه اسمها ظم خدمات تروح للتأمينات الأجتماعيىة وتعبي استماره وترسل لدييوان الخدمة ويرسلونها لمعاشات التقاعد وتظم خدمتك

يعني مثلا لو اشتغلت سنتيين بالشركة كنك كنت تشتغلها بالحكومه

التقاعد في سلم الموظفيين العام 35 سنه خدمة او 60 ايهم اقرب

هذا طبعا عشان تستلم اخر راتب كامل اساسي يعني ينقص بدل المواصلات بس هذا في سلم الموظفيين العام اتكلم

طبعا تقدر تتقاعد مبكر من 20 سنه الحد الأدني

المهم نرجع لمثالنا انت اشتغلت سنتيين في الشركة واشتغلت في الحكومه

يعني يبقالك 33 سنه تتقاعد نظاميا او 60 سنه ايهم اقرب وتاخذ اخر راتب كامل

او تتقاعد بعد 18 سنه تقاعد مبكر

طبعا راح يفرق معاك لمن تتقاعد الراتب ونت ظام خدماتك عن اذا ماضميتها

هذا والله اعلم اتمنى اني فدتك

روح للتامينات الجتماعية تلقى عندهم كتيب موظحيين فيه طريقت ضم الخدمات وحاطيين امثله في لشخض ضم خدماته من قطاع خاص لقطاع حكومي والعكس وشوف وش ازينلك وابحث بالنت

اخوك هاوي بلاوي ( محاسب )

كيف اعرف حقوقي بشركه بعد الاستقاله ..........هل مكتب العمل يعرف حقوقي او التامينات ...لي 9 سنوات بشركه وماني عارف كيف اعرف حقوقي بالهلله ....