المشاركة الأصلية كتبت بواسطة ~ ند فرسان ~

لاتقول لنفسك وتعطي اوهام لعقلك انك مختلف عن الناس في كثير من الاطباع وانت تستحي,بمكانك ان تغير نفسك فقط ادعم حواسك وفكرك بانك انسان مثالي وابعد كل التفكير السلبي عنك .


وانصحك بشراء الكتب او زيارة المواقع المخصصة للكتب المجانية ,وشوف انت ويش الى ترتاح له .
وهذ مواضيع في المنتدى ابغاك تقراها:-


رسائل الى الذات ّّْ ْ جدا مهم
https://www.btalah.com/t281187.html

كيف تغير من عاداتك السيئة
( https://www.btalah.com/f34.html )

كيف تقوي شخصيتك
https://www.btalah.com/t266660.html

فكر بانك متميز
https://www.btalah.com/t278788.html

لاتثق بنفسك ان اردت النجاح
https://www.btalah.com/t243727.html

حلقات برنامج النفس والحياة . د - طارق الحبيب ( مرئي )
https://www.btalah.com/t246821.html

وان شاء الله راح تشوف تحسن كبير وحنا معك بس لاتقطعنا
والله يوفقك ,

المشاركة الأصلية كتبت بواسطة أحساس مترف

عادي ترى كل الناس كذا تستحي وأحيانا صعب تتأقلم
حاول أنه ما يبان عليك

بس مع الوقت والإحتكاك بالناس الله يرسل لك إلي يفهمك هذي مو سالفة مو ثقه أو خوف
هذي طبيعتك ممكن تكون هادي مع الناس الجدد وتخاف أنك تندمج معهم لأسبابك الخاصه

أنا كنت أخاف من أول يوم لي بأي مكان وأجلس فتره لين أتعود
حتى لو أحد كلمني تخيل ما أرد بس أتبسم وبتساامه واضح صفراء أو مستحيه أو تصرفيه

وأول يوم تطبيق تخيل أنهم حطوني أطبق بمدرسه متوسطه
ترى قبل أروح أقنعت نفسي أنه عادي
بس أنتبه مو عادي خخخ
شوف لا تتخيل كل شي يصير مثل ما تبي الدنيا مفاجئات يعني لو صار لك موقف أضحك
أو تبسم

لازم تواجه الحياة عشان تتعلم

المشاركة الأصلية كتبت بواسطة كبتن عتيبه

السؤال .. كم عمرك (:

المشاركة الأصلية كتبت بواسطة رحيلها مر

الله يكون بعونك اخوي ويفرج همك .. اخوي انت محتاااج تنمي ثقتتتتتك بنفسك فقط لااكثر ولا غير ..
بقولك شي حلوووو الانسان يكون اجتمااااعي طبعا ... لاكن مو يمكن يكون افضل كذا لك الواحد ميدري الخيره فين ..ادعي الله ان يسر لك الطريق اللي فيه خير لك...

المشاركة الأصلية كتبت بواسطة الغازي

و عليكم السلام و رحمة الله و بركاته

أفا !!!!! يا صاحبي توصل لدرجة إنك تنهي حياتك و على إيش هذا كله
الظاهر إنك جداً إنسان حساس و جداجداً إنسان عاطفي لازم تقوي قلبك شوي و تقسيه شويه إنت رجال ولكن خلك أرجل من كذا مافيك شيء هذي شخصيتك كذا لكن لابد إن كنت تبغى الشيء تروح له
حاول بقدر المستطاع إنك تتكيف مع جو الشباب تكلم معهم تعلم منهم لايهمك أسلوبهم الشبابي اللي إنت تشوفه قاسي هذي هي طبيعة الشباب و فيه اللي مثلك اللي يتأثرون من كلة و تنجرح قلوبهم بسرعه و من أقل كلمة و هذا مو عيب ولا كبيرة ... عادي تعرف على اللي بمثلك و قريب من طبعك ترى البشر كثير و الدنيا ما وقفت عند كلمة قالها لك أحد خلك أكبر من هالكلمة و خلك في أي موقف رجال و أرجل منهم كلهم
تعلم التجارة و البيع و الشراء لا تكون إنسان إنطوائي روح هنا و هناك لا تيأس و لا توقف و شوي و شوي مع الأيام تتعود و حط في بالك إنت منو ؟ و مين تكون ؟ و هل إنت أفضل و لا هم
يارجال ما عليك من هالدنيا أضحك و أتصاحب و عيش حياتك طالما إنه مو حرام و لا يغضب الله و رسول صلى الله عليه و سلم و عود نفسك على إنك راح تسمع كلمه مو حلوه أو كلمه تجرحك
كيف يوم إنك في يوم راح تتزوج و تكون أب و زوج ذو مسئولية ؟

نصيحتي لك جرب و لمدة معينه خلنا نقول شهر إنك تماشيهم طالما إنهم ما يعصون الله أو ما يمشون في الغلط أمشي معهم و تحمل و تعود و تجرأ و تمرجل أكثر و أكثر و إن شفت نفسك ما عاد تقدر تستمر دور على اللي يكون قريب من طبعك و ماشيه طالما إنه مثلك يصلي

عسى ربي يوفقك و يسعد قليبك
و كثر من أكل التمر و أنا أخوك

و اعذرني إن كان كلامي ما عجبك

المشاركة الأصلية كتبت بواسطة P.fragrance

امم ادخل نادي رياضي راح تتغير نفسيتك للافضل ويروح عنك الخجل
وحاول تكون انسان اجتماعي اكثر
يعني الحين اكيد تعرف اصدقاء كثير لك بس ماتخرج معاهم
حاول تخرج معاهم مره ومرتين الين تتعود وترى هم بشر مثلك وبعضهم اسوء من حالتك لكن زرع الثقه بنفسه وماهمه رأي الناس فيه
انت الان تركز على نظرة الناس لك وكل فعل قبل ماتسويه تخاف من ردة فعلهم لك فاترك التفكير هذا وازرع الثقه بنفسك فهم بشر مثلك سوى انهم واثقين بانفسهم ولاينتظر ردة فعل الاخرين كي يقيم نفسه بل فاهم نفسه وواثق ومايهتم براي الاخرين مهما كان
نظم لك جدول من الان مثلا فالصباح تروح النادي فالعصر تروح ملعب حيكم لو كان فيه فالمساء تخرج مع اصحابك او يسهرو معاك اهم شي يكون جدولك اجتماعي خاالص
وموفق خير اخوي

المشاركة الأصلية كتبت بواسطة فووووفي

تعوذ من الشيطان الرجيم

استمر على الادعيه والاذكار

التحق بدار تحفيظ القران

سبحان الله القران يعطيك طلاقه في اللسان والالتحاق بدور تحفيظ القران

تشرح الصدر

واذا ماعندك مشكله راجع عند دكتور نفسي

مافيها شئ يمكن حالتك يبي لها علاج نفسي

يمدحون الدكتور طارق الحبيب استشاري الطب النفسي بمستشفى النخبه بالرياض

الله ييسر امرك اخوي

وان شاء نسمع اخبار ساره عنك