انا حزين وضايق صدري

ولد غنام · #1 (**permalink**) 13-04-2011, 03:21 AM

السلام عليكم ورحمة الله وبركاته

كيف حالكم صراحه لي مده اتصفح المنتدى واعجبني وسجلت اليوم

والله ان المنتدى والي فيه هم بيتي الثاني

وانا صراحه جاي وكن على صدري هم مااقدر اتنفس من الهم والوحده الي انا عايش فيها

وانا انسان طيب واخلاق لكن تبون الصراحه مافيني ثقه بنفسي

ولو اجي شباب معرفهم يعني اول مره اقابلهم اتلخبط واختبص ما اعرف اتلكم زين

وفيني حياء واستحي حيل

ولا اعرف اطلع مع الشباب هم يلعبون بلوت وانا والله حاولت مرتين وفشلت وتبون الصراحه

تعقدة منها وحسيت مافيه امل اتعلمها منهم انواع الضحكات والاستهزاء

الي لعبت معهم انواع التحطيم والالفاظ الي مثل الزفت وسحبت عليهم والله اعاني من وضعي

الروتين اليومي واحد كل يوم نفس الي قبله ودايم وحداني ونادر مقابل احد واسولف معه

بالحاره يعني الي امون عليهم

الحمدلله صلاتي محافظ عليها وبار ان شاءالله بوالدين واموري زينه

ابي حل تكفون ابي اغير حياتي حزن وهم ماعندي اصدقاء والله ثم والله اذا شفت شله شباب يتضاحكون مع بعضهم ويطلعون لستراحتهم ابكي واقول ليش ماصير منهم والا ليش ماعندي اصدقاء واحيانن افكر انهي حياتي بس اذكر الله واتراجع

ممكن مالي الاصديقين في حياتي هم الي اذا جو اتصلو علي وطلعت معهم بس كلهم موظفين بعيد عن مدينتنا ومايجون الا في الشهر مره ا ومرتين وانبسط اذا جو كني مالك الكون

اتمنى تدعون لي الله يغير وضعي واستانس بحياتي والله ييسر اموري واموركم

..ولد غنام..

لولو المنسيه · #2 (**permalink**) 13-04-2011, 04:04 AM

علشان تقوي ثقتك بنفسك

اقنع نفسك
من حقي أن أحصل على ثقة عالية بنفسي وبقدراتي .
من حقي أن أتخلص من هذا الجانب السلبي في حياتي.
ثقتك بنفسك تكمن في اعتقاداتك:

في البداية احرص على أن لا تتفوه بكلمات يمكن أن تدمر ثقتك بنفسك..فالثقة بالنفس فكرة تولدها في دماغك وتتجاوب مهما أي أنك تخلق الفكرة سلبية كانت أم إيجابية وتغيرها وتشكلها وتسيرها حسب اعتقاداتك عن نفسك …لذلك تبنى عبارات وأفكار تشحنك بالثقة وحاول زرعها في دماغك.

انظر إلى نفسك كشخص ناجح وواثق و استمع إلى حديث نفسك زين واحذف الكلمات المحملة بالإحباط ،إن ارتفاع روحك المعنوية مسئوليتك وحدك لذلك حاول دائما إسعاد نفسك ..اعتبر الماضي بكل إحباطا ته قد انتهى ..وأنت قادر على المسامحة أغفر لأهلك… لأقاربك لأصدقائك أغفر لكل من أساء إليك لأنك لست مسؤولا عن جهلهم وضعفهم الإنساني.

خفوقي عاف دقاته · #3 (**permalink**) 13-04-2011, 04:08 AM

الله يكون بعونك خل ثقتك بنفسك قويه ولاتهتم لرأي الناس فيك يعني مو كل كبيره وصغيره تقول ليش وليش خلك طبيعي سولف معهم ماراح احد يضرك ‏ولا تفكر واجد قبل تقول شي هم بالاخير بشر زيك زيهم

فووووفي · #4 (**permalink**) 13-04-2011, 04:18 AM

التحق بدورات تعزز لك ثقتك بنفسك

دورات الدكتور عبدالله هادي

ودورات تطوير الذات وكن خطيبا

وحي البحر · #5 (**permalink**) 13-04-2011, 04:35 AM

[align=center]

اهلا وسهلا أخوي
وان شاء الله يبعد عنك الهم والحزن
وانا ان كان لي مداخلة راح أنصحك باللي اشوفة انا واقدر عليه
وان شاء الله غيري يفيدك أكثر
اخوي يمكن بعدك عن الناس فيه خيرا لك صح ان الواحد أحيانا يشعر بالوحدة والعزلة
وهذا اللي يتسبب له في ضيق وحزن ولكن أحب اذكر لك مقولة سمعتها من الدكتور الخليفي خلتني احب الوحدة وادورها بعد
تعرف ايش يقول " لا يخلو ويعتزل بنفسه الا اللي نفسه غاليه وعزيزة عليه وهذه سمه سبحانه الله من سمات الانبياء
والصحابة عزت عليهم انفسهم فخلو بها بعيدا عن البشر"

ويمكن انت هنا تحسها ازمة في حياتك او تشعر بانه نقص لذلك في البداية لازم
انك ما تزعل من نفسك أقبل نفسك وحبها زي ما هي و ارضى بكل شي عندك واحمد الله
لاتتمنى تكون الا انت وانت زي ما تكون
طبعا هذا ما يمنع ابدا انك تحاول تطور من نفسك
التطوير هذا يكون في تفاعلك الاجتماعي مع مين حولك لما تكون في موقف
او مكان حاول انك تختلط مع الناس مو شرط طول الوقت حاول و لو بتعبيرات بسيطة ولا تستحقر اي شي يصدر منك
والمهم لا تفكر كثير في أي شي تقوله او أي حركه تعملها لا تفكر في الناس ايش ممكن تقول عنك
لان التفكير هذا هو اللي راح يقيدك ويكبلك وخلي في بالك هالكلام " انا ما يهمني راي غيري في ما دمت انا صح المهم رايي انا في نفسي "
بالاضافة عندك النت تابع برامج الدكتور ابراهيم الفقي
اقراء في مجال البرمجة اللغوية العصبية
استمع للمحاضرات في مثل هذا المجال و كتب التطويراللي صارت اكثر من الهم على القلب
لاتقول ما احب القراءة لازم تتعب على نفسك وحاول ولا تيأس المهم انك لما تقوم باي خطوة لازم تشوف انها عمل ايجابي قمت به
لازم تكون على صلة قوية بالله وارضى بكل مالديك
اهتم بنفسك من عدة نواحي ( تعليمك – مظهرك – والمهم قناعاتك )
وكذلك اخي القراءة في أي مجال تهتم به لان الانسان الذي يقراء يشعر بقناعه كبيره عن الناس ويشعر بالإنس في البعد عنهم
أنت شاب والدنيا مفتوحة قدامك لا تخلى افكار مثل هاذي تضيع عليك بهجة الحياة تصرف بتلقائيه وانسى كل مين حولك
ولا تقول انتحر ترى الحياة حلوة ونعمة من الله لازم نصونها

تذكر أن الشيطان حريص ليحزن المرء المسلم بأي شكل
من الأشكال فإذا أحسست بهجماته فاستعذ بالله منه .

[/align]

الفهيدي الحربي · #6 (**permalink**) 13-04-2011, 04:35 AM

انا كنت مثلك

بس الاختلاف اني يعني مو مثلك استحي حييييل

يعني كنت افكر اذا حاولت اتعرف على واحد احس انه يبي مصلحه او يبي شيء

وتعقدت لدرجه حسيت اني صرت نفسيه صرت اسولف مع نفسي

بس ولله الحمد حاولت اتعرف على رجال بمعنى الكلمه وبعضهم راعين دين والله حسيت بالسعاده

كاني مالك الكون

وانا والله حاس فيك لاني جربتها قبل

لاكن اقولك حاول تعرف وابعد عنك خايف يضحكون علي ومدري ايش تراهم بشر مثلك ومعك مامعهم

حاول مره و2 و3 و4 و5 لين تنجح ترا الدنيا وانا اخوك ماوقفت واذا تبي مساعده انا حاضر

ههههه ادري اني قاعد الخبط بس ارجو انك فهمت كلامي

وان شاء الله تلقى ناس يعزونك ويحترمونك وتحترهم وتعزهم

فييييء · #7 (**permalink**) 13-04-2011, 04:39 AM

يا أخي ولد غنام
كل إنسان له شخصية خاصة فيه وأصحابك يختلفون عنك
وإنت تختلف عنهم وشخصيتك غير شخصياتهم هذا الطبيعي
اللي مو طبيعي إن كل ماسو أصحابك شيء تقلدهم هذا اسمه
تقليد أعمى .. وانت مو غلطان بس يمكن تكون فاهم نفسك غلط
وحاول أول شيء تعرف إنت ايش تبغى ..
وبعد كذا تعرف من تصاحب الصاحب الحقيقي يحترم صاحبه
وقراراته .. وبالنسبة للبلوت أنا أشوفها لعبة مضيعة وقت
على الفاضي على فكرة علمني اياها زوجي ولعبت معاه
وأبشرك غلبته بس ماأحب هذي اللعبة أبداً ..
وانت لازم تكون صاحب قرار أناأعرف كثير مايحبون البلوت
وهم يعرفون لها بس مايلعبونها ..
لاتيأس .. حاول تجد نفسك فيما تحب وحب من تجد ترتاح
ودائماً أكثر من الاستغفار يزيل عنك الهم ..موفق

دلووعة نفسي · #8 (**permalink**) 13-04-2011, 04:48 AM

الله يجعل لك من كل هم مخرج ..
ومن كل ضيق فرج يااااااااااااارب العالمين ..
والله يااخوويه مااعرف ايش اقوول..
بس بصراحه ماشااء الله على اعضاءنا ماقصروا ..
وانا تقريبا مثلك ماعندي الاصحاب اللي هما كثيرين ..
هما ثنتين بس واتواصل معاهم بالمسن والجوال فقط!!
بس انا بسولف مع اختي وكدا..
وعسى ربي ييسر لك الاصحاب الخيرين اللي فيهم بركه
وربي يبعد عنك اصحاب السؤء=====>>كانها عجوز تدعي لولدها هههههه
امـــززح حااابه ارطب الجـــو .. بس ترى اختك مثلك نوم ونت ورنات على اختي هههه

~ ند فرسان ~ · #9 (**permalink**) 13-04-2011, 11:46 AM

كيف حالك اخوي ,,
راح افصل مشكلتك باختصار وان شاء الله تستفيد من كلامي .
وقبل ابدا ودي اقولك حاجة
انت انسان
اخلاق ومحترم وشوي شوي حساس مثلي انا

..

لاتقول لنفسك وتعطي اوهام لعقلك انك مختلف عن الناس في كثير من الاطباع وانت تستحي,بمكانك ان تغير نفسك فقط ادعم حواسك وفكرك بانك انسان مثالي وابعد كل التفكير السلبي عنك .

وانصحك بشراء الكتب او زيارة المواقع المخصصة للكتب المجانية ,وشوف انت ويش الى ترتاح له .
وهذ مواضيع في المنتدى ابغاك تقراها:-

رسائل الى الذات ّّْ ْ جدا مهم
https://www.btalah.com/t281187.html

كيف تغير من عاداتك السيئة
( https://www.btalah.com/f34.html )

كيف تقوي شخصيتك
https://www.btalah.com/t266660.html

فكر بانك متميز
https://www.btalah.com/t278788.html

لاتثق بنفسك ان اردت النجاح
https://www.btalah.com/t243727.html

حلقات برنامج النفس والحياة . د - طارق الحبيب ( مرئي )
https://www.btalah.com/t246821.html

وان شاء الله راح تشوف تحسن كبير وحنا معك بس لاتقطعنا

والله يوفقك ,

أحساس مترف · #10 (**permalink**) 13-04-2011, 12:00 PM

عادي ترى كل الناس كذا تستحي وأحيانا صعب تتأقلم
حاول أنه ما يبان عليك

بس مع الوقت والإحتكاك بالناس الله يرسل لك إلي يفهمك هذي مو سالفة مو ثقه أو خوف
هذي طبيعتك ممكن تكون هادي مع الناس الجدد وتخاف أنك تندمج معهم لأسبابك الخاصه

أنا كنت أخاف من أول يوم لي بأي مكان وأجلس فتره لين أتعود
حتى لو أحد كلمني تخيل ما أرد بس أتبسم وبتساامه واضح صفراء أو مستحيه أو تصرفيه

وأول يوم تطبيق تخيل أنهم حطوني أطبق بمدرسه متوسطه
ترى قبل أروح أقنعت نفسي أنه عادي
بس أنتبه مو عادي خخخ
شوف لا تتخيل كل شي يصير مثل ما تبي الدنيا مفاجئات يعني لو صار لك موقف أضحك
أو تبسم

لازم تواجه الحياة عشان تتعلم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

انا حزين وضايق صدري

إستراحة الأعضـاء

السلام عليكم ورحمة الله وبركاته كيف حالكم صراحه لي مده اتصفح المنتدى واعجبني وسجلت اليوم والله ان المنتدى والي فيه هم بيتي الثاني وانا صراحه جاي وكن...

انا حزين وضايق صدري

تسجيل الدخول

انا حزين وضايق صدري

إستراحة الأعضـاء

السلام عليكم ورحمة الله وبركاته كيف حالكم صراحه لي مده اتصفح المنتدى واعجبني وسجلت اليوم والله ان المنتدى والي فيه هم بيتي الثاني وانا صراحه جاي وكن...

انا حزين وضايق صدري