سلام عليكم ورحمة الله وبركاته ، اخواني كيفكم عساكم طيبين
عندي دورة " فرد اساسي " السبت بمشيئة الله مدتها اربعة شهور
ابي اخذ رايكم او تجاربكم في الدورات العسكريه او خبراتكم المهم وش اجيب معاي فالدورة
الدوره في مدرسة " سلاح النقل " ان شاء الله بأحضر بكره عاد الله يكتب الي فيه الخير ،ودي اخلص اموري اليوم كلها .. عجلوا علي بالطرح. وشكراً

وعليكم السلام ~~ يالله يالسؤال كتبته قبل شهر ونص < مستانس تو مخلص الـ 45 .

المهم اخوي ~ المتطلبات سهله . انا بوريك اللي خذيته وان شاء الله يفيدكـ .

تاخذ معاك الملابس المموهه لا تنساها .
وكثر الشرابات لانك بتستخدمها واجد .

ملابس داخليه .
صابون تايد او اللي يعجبك . لان ملابسك الداخليه تغسلها بيديك .
وكمان معجون اسنان وفرشه . وخذ لك لحاف ابيض وبيت مخده للضروره . وملابس نوم اذا تحب .

وكمان خذ لك صابونة العدد اللي تبي عشان الشاور تايم . ومزيل عرق وامواس حلاقه .
يعني ادوات نظافه شخصية . وخذ لك مبلغ ع قد استطاعتكـ . انا خذيت 400 وكفتني وزود .
لا تنسى الملابس المموهه لان الكرف فيها ليل ونهار .واذا نقص شي بيذكروك فيه الاخوان .

موفق اخوي وشد حيلك بالذات في ال45 يوم لازم تكون قوي ~ واسمع الكلام زين . الكلام اللي يجيك دخله من اذنك طلعه من الثانية يعني اللي يسبب ويتفلسف ما عليك فيه الكرامة خلها بالسياره وقفل عليها . لا تزعل من كلامي اخوي بس هذا الحاصل خلك قوي وما عليك بالناس . موفق اخوي .

كفيت وفيت الله يحفظك

للرفع