بسم الله الرحمن الرحيم
السلام عليكم ورحمة الله وبركاته

مسأأء الخير للجميع

أخواني / أخواتي
تكفون طالبكم
عندي مقابله في الخبر يوم الأحد القادم
في البنك الأهلي وظيفة خدمة عملااااء
وشلون الطريقه تكفون اول مره يصير لي كذاااا

طالبكم وربي محتاج لكم ,,

بالتوفيق أخوي وتوكل على الله

وفي الغالب المظهر الخارجي مهم جدا بحكم أنك خدمة عملاء وكذلك طريقة الكلام والكلمات
حاول تركز على الهندام وشوف حلاق وزين الذقن وألبس غترة والجزمة وأنتم بكرامة لونين فقط المسموح أسود او بني ولا تتردد بالإجابة وركز في الأسئلة ولا تكثر بالسوالف ولا تتنرفز لو حاول يرفع ضغطك خلك بارد
وبإذن الله بتتوفق

هذا اللي أعرفه ومريت به قبل كذا وعديت بنجاح والحمد لله

أخوك بو تركي

للرفع

بوتركي اداك الزبده

الاسئله اهم شي بالاجابات لا تكلكل بسرعه جاوب
وبالتوفيق لك

مساء الخير أخوي يعطيك العافية

معك أخوك بياع دارسين أناا سويت مقابلة قبل كذا عندهم على وظيفة خدمة عملاء بس مانجحت بالمقابلة

أهم شي وانا اخوك تكشخ والشي ثاني والمهم تكون واشثق من نفسك وأنت تتكلم يعني لو سألك أي


سؤال جاوب وانت بكل ثقة وهدوء


الأسئلة جداا عادية مثلا يسألك سؤال تكلم عن نفسك


أو يقولك الألف ريال كم خمسين ريال فيها ؟؟


طبعا الألف فيها عشرين


أنا سئلوني هالسؤالين وباقي الأسئلة جداا بسيطة وسهلة عن الدراسة وعن الخبرة الي عندك


أتمنى لك التوفيق أخوي وأبي منك خدمة لاهنت تدعي لي بالتوفيق

وأي شي ثاني محتاجة قول ولا تتردد

اخوي الله يوفقنا وياك والمسلمين اجمعين يارب

مثل ماقالوا الاخوان الشكل مهم والثقه والابتسامه مهمه بعد

الاسئله عاديه مثلا يقولك وش سويت بعد الثانوي ويسالك اذا حطيناك في فرع برا مدينتك عادي

انت قول ايه ماعندي مشكله هذا السؤال مهم لانه كم مره يقولي ويحاول يسحبني فيه

طبعا بيحطونك بنفس مدينتك بس بيشوفون وضعك



الله يوفقنا وياك اخوي