السلام عليكم ورحمت الله وبركاته..

شباب ززززقرت

شسمه

انا ابغى اسأل ..

سارلي سنة عاطل يعني العام تخرجت من الثانوي وقبلوني في جامعة وسحبت ماناسبني الجو
وابغى اخش كلية اهليه السنة الجايه

سؤالي
انا اختبرت العام وقبله وجبت نسبه جدا مرتفعه ولله الحمد,.
هل لازم اعيد الاختبار ولا لا ؟
وللمعلوميه المركز مايقبل الا 4 مرات اختبار وانا استوفيتها ^_^ والحين مدري وش الوضع بالله حد يوضح لي لان بكره اخر موعد تسجيل

يعني يحتاج اعيد برضه اختبر عشان القبول السنة الجايه

والعذر والسسسسسموحه من المشرفين والله ماعرفت فين احط الموضوع
لاكن تكفووون نخيتكمم لاحد يحذف ولا يحرك الموضوع تراني مسنتر لكم لين يجي الرد الشافي
حرام محد يقوم يالربع ..

لا مااتعيده اساسا معاد يمديك تعيد لانك اخذت الفرصه 4 مرات

الله يوفقك ياارب

لا أبد ما يحتاج
والكليات الأهلية بشكل عام يبون طلاب بأي طريقة
ولو تلاحظ دايما شروط القبول عندهم ماهي معقدة ومتساهلين مرة

عموما الله يوفقك ولا تنسى تقدم على منح الدراسة الداخلية

دامك جايب نسبه حلوه لا تعيده يكفي ..

بالتوفيق

اخوي القدرات معتمد لمدة 3 سنوات اذا مر على اختبارك اكثر من 3 سنوات لازم تعيده


تحيتي