طيب وش الحل بنظرك اذا محد راضي يمسك الشغل من اخواني لانشغالهم ؟؟
اذا عندك راي لاتبخل علي
والله مشكله مشكور على التنبيه فعلا حاجات ماخطرت ببالي

ياشباب جده الي محتاج يحسن دخله وشغيل ومتحمس وحاب يمسك البوفيه
بس اشراف انا مستعده اتفق معاه يراسلني عالخاص بس لا للتراجع دقت ساعة العمل

ههههههههههههه
دقت ساعة العمل لارجوع الى الامام الى الامام زنقه زنقه بوفيه بوفيه ههههه
الله يكتب لك اللي فيه خير وصلاح وانا حاضر أساعدك باللي تبينه والعمال كثير وهم يعرفون المواقع اللي فيها شغل كثير بس احاول اجيب لك معلمين يقومون المحل من البدايه ومعروفين بالامانه بس البوفيه بتسوي ايش مثلا فلافل والا فول ومعصوب والا والا .
على العموم راسليني على الخاص وان شاء الله خير.

^^
ارسلتلك عالخاص

[align=center]
السلام عليكم ورحمة الله وبركاته

أختي فراشة ملونة

بالبداية أحب اهنيك على إختيارك ،، وعسى الله يوفقك ياارب .. وانا والله كنت ادور بقوقل شوية افكار ومشاريع والصراحه لقيت موضوعك ..

وبصراحه انا مثلك تقريباً من سكان مدينة جدة ولي فترة أسبوعين محتار بين بوفية أو مغسلة ملابس رجالية ،، وبعد تفكير وإستشارة أهل الخبرة قررت أفتح بوفية .. صحيح المغسلة دخلها أكثر إذا كانت شغاله بس المشكلة العمال اليمنيين ماراح يرضون يشتغلون بأقل من راتب 2000 بالشهر ..


رأس المال معاي تقريباً 40.000 ألف ريال وجتني فكرة المشروع لأني موظف قطاع خاص وبصراحه القطاع الخاص ولاحاجة مقابل القطاع الحكومي ..وكنت متردد كثير لأن رأس المال أخذته قرض وخايف اصرفه وأنا مااستفدت منه شي وغير كذا خايف ابدأ بمشروع ويخسر ،، لكن توكلت على الله وقلت اصمل ..


إلى الآن أدور لي محل استأجره ومابديت في شي غير اني قررت وبس ،، طبعاً بإستشارة أهل الخبرة قالوا لي من أهم مقومات المشروع الناجح :


العامل والمكان المناسب ،، إذا اختلف اي واحد من هالعوامل يخرب المشروع ..

وأنا كنت بالبداية افضل إنه يدخل معاي أحد يكون شريك على أساس المشروع يكون كبير وناجح ،، عرضت على عمي هذا الموضوع بحكم انه تاجر قال لي أنا ماابغى أدخل معاك الآن أبيك بالبداية تعتمد على نفسك لحد مايكبر المشروع ..


ومن ناحية العمال أنا بعد قاعد أدور عمال ممتازين وكويسين وكلمت ناس يدورون لي ..


وبقولك شغله إذا تبغين العامل يشتغل بجد وإجتهاد : خلي الربح يكون بالنسبه بينك وبين العمال يعني مو بالراتب ..


طبعاً مو من البداية تقولي كذا ،، بالبداية أكيد ماحيكون فيه شغل كثير .. لكن لمن تشوفي فيه دخل حلو وربح مضمون ..


وبالنسبه للمكان أنا اشوف ان المنطقة اللي قلتي عليها مكتظه بالمحلات وفيها بوفيهات .. أنا رأيي لك تشوفي محطة جديدة وتفتحي فيها ،، لأن زي ماانتي عارفه المحطات شغاله بإذن الله .. او اي مكان ثاني ..


وكلام الأخوان صحيح لازم رجال يتفاهم من العمال لأن انتي ممكن يستغلونك ويسرقونك بحكم إنك إمرأه ..


في النهاية أعتذر لك على الإطالة ،، حبيت أعلق على موضوعك واعرض عليك رأيي ..


ولاتنسين تقولي لي على محلك علشان نتنافس وإلا إيش رأيك نتشارك؟! ههههههههااي


الله يرزقك ويرزقني والجميع يارب ..


خالص ودي


مخاوي جروحه

[/align]

مخاوي جروحه انا معاك بكل كلمه الا اني اقسم الربح بيني وبين العامل
انا نفسي اعرف انتو ليش معطين العامل اكبر من حجمه ليش ياخذ نص الارباح وانا الي دافعه حوالي 50 الف على المشروع غير الايجار السنوي والكهربه وبقية المصاريف ويجي واحد اجنبي مااعرفه ولايعرفني ولاحتى من ديرتي واقسم الارباح بينا بالنص!!!!
والله ماكبر روسهم علينا الا انتو شوف قبل كم يوم واحد هنا منزل موضوع يقول ليش
الاجنبي مسيطر على السوق
البدايه يجيك الاجنبي متمسكن ضعيف الئطه تاكل عشاه ويجيك السعودي متنح (اغلبهم)
ويعطيه نص الارباح او ممكن يعطيه المحل كله وينتظر من عمه الاجنبي 2000 ريال شهريا
والله لو اموت جوع ماعطيت الاجنبي محلي وانتظرت منه كم الف اخر الشهر
حلوه هذي يلعب بحلالي ويعطيني راتب
والله ماهضمت هالافكار الي عندكم مدري شلون قلوبكم تطاوعكم تسلمون هالاجنبي
حلالكم وتنتظرون منه صدقه اخر الشهر
طيب واذا انا حرمه وماعندي رجال يمسك محلي اقوم اعطيه هالاجنبي
لا والله اكنسل الموضوع وادور مشروع ثاني افضل
بس شرهتك على الرجال والله لو انه موظف يمديه يمر على مشروعه
كل يوم ساعتين او 3
بس سبحان الله عطينا الاجانب مفاتيح رزقنا
وجلسنا نتحسب عليهم ونقول الاجنبي اكل حلالنا واستحل ديرتنا
والله اني اعرف وحده ابوها عنده حوالي 5 محلات بين مغاسل وبوفيهات
وحلاق يشتري ويتعب نفسه ويعطيها الاجنبي يتكسب منها
انتو تحسبون انهم مايدخلون فلوس
ترى بيعطيك 2000 اخر الشهر بس هو بيكون كسبان فوق ال30 الف شهريا
انا عملت دراسه مبسطه بدون خبره وطلعت بأرباح خياليه
فمابالك لو عملنا دراسه جاده تحت يد خبير
والله انهم اول مايدخلون بلدنا يكونون متجمعين في غرفه وعددهم فوق ال30
وبس ياخذون 3 سنين واحيانا اقل ويصيرون ملاك
واحسبلهم 10 سنين واقل ويصيرون متجنسين
والله ان اقرب صديقه لاختي اجنبيه
تدري وين ساكنه؟
في النعيم
فيلتهم بحوالي 30 مليون
تدري وش كان ابوها اول ماجاء السعوديه
كان حمال في الميناء وتمرمط وياما انطرد وانكمش من الجوازات وياما رجعوه ديرته
وجلس يستعيش بسبب السعوديين الي يسلمون حلالهم للاجانب
وبعد ماشبع فلوس تجنس بطريقته رغم صعوبة التجنيس الا انه تجنس
وعاش في جنوب جده فتره طويله
ومع الايام انتقل جنب ابحر الشماليه عايشه في عز مطل على البحر
يوم دخلت قصرهم بغى يغمى علي مو حسد والله يشهد
بس جلست اقول لاختي لكل مجتهد نصيب
وحنا السعوديين متكدسين بجنوب جده وبيوتنا شعبيه الا من رحم ربي
والله شوي وبيتنا يطيح علينا وماعلي والله اني اذكر ابوي كل شوي
واقوله شفت يوم كنت تشتري المحلات وتعطيها الاجانب وش حصل
حنا بقينا في فقرنا وهما راحو في الفلل والقصور
ولهم واسطات بكل مكان وماسكين وزارات ومراكز حساسه في البلد
والابتعاث هم اول من يستفيد
والوظايف الحكوميه وكل شي
والي عايش في جده يحس بكلامي اغلب الاطباء فيها اجانب متجنسين
اغلب المدراء اجانب متجنسين حتى يوم كنت موظفه بشركه قبل هذي
كان المدير متجنس وكان يأمرنا بالاجتماع في قاعه ويأمر انه يختلط فينا
ويشرحلنا خطة العمل واقسم بالله اني ماكذبت في حرف والي يبي اسم الشركه بعطيه
وتركت الشغل بس عشان ربي والا الاجنبي ماالومه هو ماجاء ديرتنا بالقوه
بالعكس اول مادخل لقى المحلات تستقبله ماناقصه الا ياخذ المفتاح ويشتغل


شوف انت ولد ديرتي واوافق اشاركك وانا مااعرفك يكفي انك سعودي وبقية الاوراق
بتصير عند المحامي يعني كل شي بينا رسمي بس اني اسلم حلالي لاجنبي والله لو اشحذ
انا واطفالي عند الاشاره ماعطيته لو يعطيني 6 الاف شهريا مو الفين

[align=center]

والله كلامك صحيح كله ،، أنا بالبداية كنت اقول كذا وفكرت اني راح اراقبه واجلس فوق راسه ،، صحيح أنا مابقعد انتظر من العامل يعطيني فلوسي آخر الشهر يمكن المشروع يطلع أكثر من اللي يعطيني اياه بس بعد مااستشرت غيرت رأيي ..

يقولون ماخاب من استشار .. وحتى ولو خليتها بالنسبه بيني وبينه لو شفت ان المشروع نجح راح ازود اللي ابغاه منه ..

وإلى هالحين أنا محتار بين هالنقطة ونقطة اني اعطيه بالراتب .. طيب لو المشروع فشل اقعد اعطيه راتب من جيبي ؟؟

وأنا يالله راتبي يكفيني بحكم انه قليل ..


ومن ناحية اللي قلتيه حول صديقتك كلامك صحيح كثير أجانب بالسعودية وعايشين بقصور وفلل احسن من السعودي اللي ينتظر راتبه آخر الشهر وعايش ومتكل على الله ثم وظيفته ..


لا أنا ماقصدت انك تسلمي حلالك لأجنبي ،، أنا قصدت لاتسلميه له ..


ايه صحيح انا عايش بجده بالجنوب وعارف اللي قلتي عليه من ناحية الأطباء والمدراء الأجانب..


أنا الشركة اللي اشتغل فيها والله الأجنبي راتبه أحسن من راتبي ولا فيها زيادات سنوية ولاحتى مكافأة الشهرين اللي قالها الملك ..


لكن رزقنا على الله ،، نبدأ بمشاريع والله يوفقنا ..


ايه أكيد الحمدلله الصدق والأمانة أهم شي .. ودامك تقولي موافقه أنا أفضل لك صلاة الإستخارة قبل تشاركيني وإذا حسيتي ارتحتي أنا حاضر وموجود ..


واللي نتفق عليه ان شاء الله يرضيني ويرضيك ..


خالص ودي


مخاوي جروحه


[/align]