السلام عليكم ورحمة الله وبركاته

والله مره محتاره كل يوم افكر بمشروع وتطلعلي عقبات اولها اني بنت ماعندي احد اقوله اطلع دورلي موقع كويس والا دورلي عامل حاليا عندي سواق وجوده زي قلتها جبته يخلص مشاويري ويساعدني بكم قرش واكتشفت اني مااستفدت منه شي الا القرقه الزايده بس الحمدلله اقلها معاد احتاج فلان وعلان خاصة اذا مرضو هالصغار
عاد اليوم جلست افكر في مشروع ومتحمسه وجيت بستشير الوالده وحطمتني
وهي صادقه انا بنت شلون اطلع ادور مواقع واطلع رخص وبعدها خرابيط العامل
الزبده اني كنت مصمله وقلت يمه ترى بفتتح هالبوفيه بفتتحها الله لايعوق بشر والتجاره مغامره قالتلي الله يوفقك وراحت عني وبديت اخطط شلون ابتدي
فخطرتو ببالي ياليت بحكم انكم رجال تعلموني وش الخطوه الاولى وين اتجه هل للبلديه
او ادور موقع اول !
وكم تتوقع متوسط الربح الشهري من البوفيهات الي تبيع ساندويشات وبرقر وهالاشياء الخفيفه!
واهم شي كم راس مال المشروع انا مابي احط فيها اكثر من 30 الف
وبالنسبه للعامل عندي خطه بمشي عليها واعرف اذا كان يلعب والا صادق وبستقعدله
غير اني كل يوم بمر على البوفيه واشوف احوال الشغل بطب عليه فجأه
ياشباب انا ماابغى اطلع مصروفي من المشروع انا ابغى مشروع يربح ربح كبير
لاني موظفه وعندي راتب بس لابيت ولاحياه كريمه فالمشروع ابيه ينقلني نقله كبيره بحيث مايقل ربحه الشهري عن 6 الاف فأذا ربح البوفيه اقل علموني عشان ادور مشروع ثاني
وكم تتوقعون اسعار الايجارات لمحل صغير بحي الجامعه وماحولها لاني ابيه جنب الجامعه والطلاب
واذا تعرفون سعودي يشتغل فيه يكون احسن لاني افضل السعودي على الاجنبي وبعطيه راتب اكثر من الاجنبي اهم شي يكون امين ويبغى يسترزق ويشتغل مو يوم ويومين ويمل
ورجاء لحد يقولي التقبيل وماللتقبيل لاني ماايد اني اتقبل بوفيه بالممبلغ الفلاني واعطيها عامل واجلس استنى منه مبلغ ثابت شهريا مايجي ربع الي يكسبه حسبي الله على ابليسهم هالاجانب
والي عنده مشروع افضل يبلغني علما ان راس المال بحدود ال50 مارح ازيده عشان مااخسر كل شي
والي يعرف مجمع مدارس حكوميه وماعندها بوفيهات يدلني على الموقع ويبشر بعمولته

: monfuse d:

بالاول... اذا انتى موظفه حكوميه ماتقدرين تفتحين مشروووووووووع

اما بخصوص ايجارات االمحل والرخصه امرها سهل ان شاء الله عللشان تقدمين على عامل ولا عاملين للبوقيه

اعلق على المشروع اولا ً"

مشروع ممتاز وانصحك تهتمين بالشكليات والنظافة والخدمة الممتازة

لازم العميل يكون راضي قبل لا يدخل وبعد ما يطلع

بالنسبة للربح حسب المنطقة اللي فيها البوفية اذا كانت ممتازة والعمال ممتازين راح تدخلين اكثر من 10 الآف ان شاء الله

اما اذا كانت المنطقة عادية راح يكون اقل من كذا لكن ما اظن انها تقل عن 6 الآف الا اذا كان مستواها تعبان والمأكولات اللي تقدمها عادية

دائما حاولي انها تكون مميزة من جميع النواحي وتجذب الزبائن

. بدون حساب تكاليف الايجار راح تكلفك من 30 الى 50 الف وانتي وتوفيرك وكل واحد له طريقة عملة

بالنسبة لي افضل انك ما توفرين في امور مثل الديكورات والعمال لانهم العصب الرئيسي للمشروع

هذا رأي في المشروع من الناحية التجارية وأصنفة من المشاريع ( الجيدة جدا ً )

اما من ناحية كيفية البدء في المعاملات اتركة للأكثر مني خبرة لكن في الاول لازم تستأجرين محل بعدين ترخصين من البلدية

والله يوفقك

صح لسانكـ يخوي اللي قبلي << مافيه حيل ارقى واشوف النكـ نيم

السلام عليكم جميعاً ولكـ اختي الكريمه

مشروع البوفيه مشروع حلو

بس صعب .. لني صراحه بديته بمعهد وخسرته
يمكن لاني بدته بمستى متدرج يعني جبت الضروريات الى ما انتهيت

اول شي المحل وبعدين الترخيص من البلدية والعامل ما ينفع تشغلين السواق
لني ع حسب ما فهمت بتشغلينه
العامل لازم يكون بنفس تخصصه ولازم تحليل له

المشروع عشان ينجح يبيله زي ما قال اخونا اللي قبلي ديكور ورضى العميل عشان يرجع

بس شرايكـ بمشروع ثاني؟
مشروع تكسي
يعني يدخل لكـ 130 ريال يومياً
يعني بالشهر حول الثلاثة وميتين
بس راس ماله سيارة تصير تكسي وخلص
والسواق زي مافهمت عندكـ
مايحتاج تجيبين احد
سويله رخصه عمومي وخلص

وان مليتي من المشروع او لقيتي غيرهـ
مكسبكـ بجيبكـ .. والسيارة تبيعيها
من رأي انه بسيط سهل مافيه تعقيدات وارباحه مظمونه وخسايرهـ بسيطه
مثل تغيير كفرات يعني كل 4 شهور بالكثير
زيت كل شهر
وكلها ما تكلف
يعني ربح صافي شهريا يمكن يكون 3000 >> ادري انه اقل من الربح المطلوب
بس مشروع بدون خساير

يعني لو تجيبين سيارتين
بيصير الربح 6000

يالله اختي
بالتوفيق .. ودعواتكـ لنا يالضعوف نلقى وظيفه بس

السلام عليكم

اول شي صباح الخير
وثاني شي نصيحه لوجه الله طيعي عجوزك وريحي راسك.
واذا انتي على قولتك مصمله والله لايعوق بشر والله يكفيك الشر فانفذي ذراعك وانفصي عينك هههههه
اول شي ياطويلت العمر وقبل كل شي توفر العمال ويكونون على كفالتك وهذا يبغالها وقت واذا جو العمال يبي لهم وقت يتعلمون ويجربون في خلق الله يعني افضل لك تدورين من العمال الذين سبق لهم العمل في البوفيه يعني خبره ويكفيك عاملين فقط واحد معلم وواحد طلبات وانا ممكن اساعدك في ذلك بحكم اني في جده و عملي في السوق ومعرفتي لكثير من العماله من الجنسيتين اليمن والهند فقط وهم الافضل خاصه ابو هنود شغيلين بصراحه بس حفزيهم على العمل حتى لايفكر في الخيانه لان الامانه اهم شي يعني بختصار المشروع يبيله عامل امين يستلم المحل وبعد ذلك الموقع الممتاز الذي تتوفر فيه عوامل النجاح وان يكون ايجاره معقول.
وبعد الايجار طال عمرك حراج الصواريخ وكلها ثلاجتين ومكيف وكم طاوله وكرسي وقدور وصحون والله يديم الرخص.
ثم بعدها الافتتاح واعلان لجذب الزبائن الاكل مجانا لمدة اسبووووووع ههههههههههه عزالله ربحتي .
واخيرا ياتي دور البلديه والله يعينك على الاذيه اول شي تطلعي للعمال كرت صحه قبل الشغل ويبي لك كم شهر على ماتطلع الرخصه.
واخيرا فكري ثم فكري ثم استخيري ثمن قرري.
والله يفتح لك الرزق من أوسع ابوابه