السلام عليكم ورحمة الله وبركاته
اخواني التقنيين انا متابع لكم من مدة وللاسف ماعرفت القسم هذا الا بعد ماوصلت
للاترام الاخيرة بالكلية لاني احبطت بشكل لا يتصور من المواضيع والردود من طرف الاخوان المتخرجين قبلي انا الترم هذا عندي مشروع التخرج والترم الجاي اللي هو بعد العطلة راح اطبق بدون ولا مادة وتضايقت لان التطبيق صار بعد الاجازة وراح على الوقت ويكون مجموع الدارسة 6 اترام
انا ابي استفسر التطبيق كم شهر وهل اقدر اطبق باي مكان او مكان مافي كلية تقنية وهل يمدي اسجل بالابتعاث او البكلريوس وهل فيه شي غير الابتعاث والبكلريوس من انشطة الموسسة العامه اقدر التحق به ومتى تسجيلهم اخاف يجي بوقت التطبيق وماالحق عليه طبعا نسيت لا اقول تخصصي برمجيات والحمدلله مبدع بالمجال الدكاترة ياخذون مني اكواد وبرامج اللي حبطني انه كذا مرة يجيني دكتور يقول وش جايبك عندنا بالتقنية تقريبا 6 دكاترة قالوا لي كذا انا احبطت وتندمت اني درست بالتقنية مع انه كانت عندي قدرة اني التحق بجامعه وبتخصص علوم حاسب مانقول الا قدر الله وماشاء فعل المهم احس اني طولت عليكم المطلوب يااخوان اي واحد متخرج يعطيني من خبرته كيف طبق ووين ووين سجل سواء قبلوه او لا تحياتي لعباقرة الكليات التقنية المظلومين

ماعليك امورك زينه
حاول تطبق وتفتك
وبعدها قدم ع شركات مثل ارامكو والتسجيل راح يفتح بعد شهرين تقريبا
واذا مانفع اكمل البكالريوس بالكليات الاهليه
او
انك تقدم ع البعثات اللي تبع المؤسسه لكن مدري متى يفتح
وكذلك عن طريق برنامج الملك عبدالله للأبتعاث والتسجيل كذلك مابين للحين

والله يطرح البركه

بالنسبه لي تخصصي ادارة مكتبيه طبقت بالمدرسه اعرف ناس طبقت بالبلديه
واستملت الشهاده وراح علي تقديم ارامكو مع انهم قبلوني مطابقة بيانات وقالو راح نحدد لك موعد الاختبار
لكن ماجيتهم

مبروك مقدماُ

بعض التجهيزات بعد التخرج


1/ بطانية جديدة لانك سوفى تكثر من النوم

2/ حجز ركن في المنزل لانك مطول

3/ومرايه جديدة عشان تسرح شعرك باستمرار

مشتاق لك

الله يرزقك بالرزق الحلال ويعوضك عليك كل تعبك ويرزقك بالبنت الصالحه(اذ انت متزوج ماهي مشكلة الله يرزقك بالثانية (: )

ثمن غالي
هذا اكثر شي اخاف منه ومن اكبر مخاوفي بعض مرات تمسك معي ارق بسبب هذا الموضوع لاهنت ثمن غالي الله يفرج همي وهمك

الى الان مااخذت فكرة كاملة انتظر ردودد اكثر وبالنسبة اني اكمل بكلريوس بكلية اهلية ماطرت ادفع ولا ريال
لاني مدة دراستي انا بعيد عن اهلي وخسرت اهلي الكثير طيب بالنسبة للابتعاث لازم برنامجهم الانجليزي تبع المؤسسة المكثف لو اجيب لهم مثلا شهادة من السعودي البريطاني يقبلوني خلنا نرتب امورنا اي متخرج من المؤسسة العامة 3 طرق تدعمه فيها المؤسسة :
1-برنامج اللغة الانجليزية المكثف ولها مكافاءة
2- برنامج الابتعاث
3-البكلريوس
4- كلية المدربين ماادري اذ هي نفس مسمى دراسة البكلريوس او دراسة غير
اتوقع بعد بحثي هذي هي الطرق لطالب الكلية ممكن احد يزودنا بمعلومات اكثر ومتى مواعيدهم
انا اقترح علي دكتور اردني اني اطلع للاردن وهو يعادل لي دراستي كاملة باي جامعه ويقول بعد فترة
يضمونك لبرنامج الابتعاث اجباري هل هذا صحيح شباب تحركوا معي شوي نستفيد ونفيد غيرنا بالنقاشات هذي

ماشاء الله ودي اسالك بما انك مبرمج وانا ودي ادخل هالتخصص:
1- هل كنت تعرف البرمجة قبل الدراسة؟
2-هل الابداع هذا تعتقد انه لان الدراسة قوية ويفهمونك ولا انت مجتهد وتعلمت ذاتيا ؟؟
3- لو اقولك تنصحني ادخل برمجيات وش بتقول ؟؟

طبق ترم صيفي واكسب الوقت لا تسنا بعد الاجازة

طريق المتخرج من الكلية التقنية في التدريب التعاوني يستانس ويفكر بالوظيفة

وأول ما يستلم وثيقة التخرج ينصدم في الواقع

حسبنا الله ونعم الوكيل

فهد بطالة
هلا اخوي رزقك الله بالمال والخضرة والوجه الحسن قل امين بالنسبة لاسئلتك راح اجاوبك بكل صراحه تابع معي
1- هل كنت تعرف البرمجة قبل الدراسة؟
نعم كانت عندي خلفية كبيرة بالبرمجه قبل الدراسة
2-هل الابداع هذا تعتقد انه لان الدراسة قوية ويفهمونك ولا انت مجتهد وتعلمت ذاتيا ؟؟
في الحقيقة انا كنت متحمس واعشق هذا المجال ومطلع عليه بقوة وماقصروا فيه مدرسين استفدت منهم الكثير
وماراح انسى لهم الشي هذا عندنا بكلية حائل مدرسين مبرمجين على مستوى حائل ومن حظي اني درست عندهم
علما ان اكثر طلاب الجامعات يتزاحمون عندهم علشان يعملون لهم مشاريع يمكن من حضي الجيد ماادري اذ الكليات الاخرى بها نفس مستوى المدرسين عندنا من ناحية اخرى جميع مدرسين المواد الغير برمجيه يتحلون بالغباء ومااستفدت منهم اي شي وهم السبب بنقص نقاط من معدلي لاني دايما اختلف معاهم الا ماقل منهم لهم مكانه في قلبي
- لو اقولك تنصحني ادخل برمجيات وش بتقول ؟؟
اذا انت ناوي تدخل الكلية التقنية مالك غير البرمجيات انا اشوف انه اقوى تخصص موجود بالكلية لانه ينفعك بالقطاع الخاص ولو تشتغل وتبرمج راح تستفيد حتى بدون وظيفة لكن اذ ماكانت علاقتك بالحاسب قوية وماعندك انقليزية متوسطه يعني تقرا وتفهم وماعندك مانع تجلس على الحاسب ساعات انا انصحك تدخله ونصيحه اخوية لويحصل لك جامعه بكلريوس تخصص مطلوب افضل لك من كلية التقنية

انترنت
الله يرزقك بالودود الولود قل امين مااتوقع يمدي اطبق بالعطلة لكن راح اسالهم

رياض الأحباب
فرج الله همك وآزال كربي و كربك ووسع صدري وصدرك (:
وشعندك محبط لايأس مع الحياة ومن جد وجد ومن زرع بصل حصد
غريبة كنت اظن انه طلاب التقنية كثار بالقسم هذا اتوقع الصحيين اكثر مننا
وبعدين فشلتونا قدام الصحيين فوق حطيت مناقشة ومافي احد تطرق لها
اللحين يقولون هذا مستوى تفكيرهم ننتظر الشباب يبينون العكس

بيض الله وجهك وفالك الوظيفة الطيبة

انا بدخل معهد تجاري والدراسة مسائية لاني موظف واحتاج الدبلوم هذا عشان افهم تحليل النظم هذا عوضا اني انا مطلع على انظمة الحاسب ولغات البرمجة لكن بشكل بسيط والانجليزي الحمدلله جيد