السلام عليكم


الحمد لله توني مخلص موعدي


والدعوى تساهيل الحمد لله

طبعا طلعت بدري

وصلت عندهم ألساعه 7 وعشر لقيتهم يدخلون


دخلت قالو لي الجوأل والدخان بالسيارة

رجعت جوالي بالسيارة

جيت قال طلع الاستمارة وبطاقة الأحوال وريتهم قال ادخل

طبعن دخلت سيدا لقيت ثنين على كراسي وقالو طلع الاستمارة والبطاقة برا الملف
وطلع فيها ومدري شكتب وعطوني رقم وديورت ورحت يمين فيه كراسي يصونا صفووف بالكراسي يعني بالمقدمة توه جأي وورا بيدخل طبعن وجانا واحد وأخذ الاستمارة وقال طلع صورة ؤحده وأخذها ودبسها فوق مكان الصورة بالاستماة خمس دقائق ؤدخلت إلا أربعه أربع أماكن تقيس فيها الطول والوزن وفيه عسكر ثنين واحد يقيسك وواحد يسجل

طبعن للي طوله ناقص ؤشد نفسه يقووولك لاتشد نفسك

ؤبعدين ترا ماياخذ الطول على طول يخليك دقيقة ؤشوي واقف على الميزان لين تخلص من الشدشده ههههههههههههههههاي

المهم ترا الكل يعدي حتى اللي طولة 150 لأنه يكتبها بالورقه

ثم تصفون طابورين عند لجنة اختبار القبول واحد نجمة وتأج اللي يمين العمروو مره حبيب وبس يتبسم لك سوأ عديت وإلا رسبت


يشوف الطول اللي كتبوه والوزن وإذا مناسب يطبع ختم لائق وغيره عاد الله يستر غير لائق


ثم جلسونا نفس ماجلسنا برا على كراسي وبالترتيب خمس مدققين


يشوف شهادتك ويشوف بطاقتك ويختم ويقول ؤين تبي الكشف وتقوله المنطقة الفلانية


ؤبعدين يكتبها ويقول تؤكل على الله بعد أسبوع نرسل لك رساله بموعد المستشفى



وبس



وعلى فكرة تراي موقف عند محطه على طريق القصيم


وقفت قلت مراح أروح لين أكتب اللي صار لي


الله يوفق الجميع




دعواتكم أوصل للقصيم بالسلامة

توصل بالسلامه يالغلا


والله يوفقك وين مارحت

يعطيك العافيه وبيض الله وجهك وان شاء الله موعدي بكره ان شاء الله

بالتوفيق
موضوع وافي و الله يكتب لك وللاخوان كل خير

و توصل بالسلامه

تسلم بالتوفيق وتوصل بسلامه وصل لربك ركعين شكر وادعي فيها

العفو شباب واللي يبي الوصف بس يقولي هو من ؤين بيجي

عقبال القبول النهائي ياارب
وبالتووفيق للجميع

تراجع بسلامه بس سوال الطول متشددين ولا يتغضون عن سانتي ميزان الطول الكتروني ولا قديم

انتبه من الخط لاتسرعه,,
ترجع بالسلامه,,
والله يوفقك.

الله يوووفقك

كفيت وووفيت

انا مثلك اليووم رحت والحمدالله نجحت في الطول والوزن

بتووووفيق للجميع