انا السبت رحت لدلة عشان الرخصة العمومي وقالو لي رح للميدان وتدرب على الددسن الى 9:30 وبعدين الحصه وتطلع رحت للميدان ولا فيه مدرب ولا شي اول مانزلو الي بالددسن ركبنا وقلنا لواحد يركب معنا ويعلمنا المسار والطريقه( طبعا من الي يتدربون)
ورحنا 9:30 للقاعه واخذنا درس سامج يقول السؤال والاجابه وبس وكلنا مع بعض خصوصي وعمومي وبعد ماطلعنا رفض يعطينا كتاب


يوم السبت عدا على خير

يوم الاحد جيت انا وخويي 8:30 طبعا متاخرين رحنا للمدير قال متاخرين وووووو

المهم واحنا نمشي قلت لخويي فيه ناس يغيبون اثره سمعني وناداني وقام يتكلم وينافخ وقال بكرا لو ماتجي 7:30 ترا غياب

طبعا بكرا التحضير من عنده وانا متوقع انه بيتكلم ويشوف نفسه وممكن يتعمد يرسبني


وش الحل هل اقدر اذا تكلم بكرا اشكيه للفساد الاداري؟

اخوي هونها يالغالي انت لك مصلحه وتبي تأخذها صح؟
دام تمشي مشها لين ماتأخذ رخصتك وانتهى الموضوع وروووق يالغالي والله العظيم زمان مااذكر بالضبط متى كل مارحت للسلي لدله رسبت بختبار الكمبيوتر ودفعت ودرست مره واخذت رخصتي وكل عدت بضحك وسعه صدر

بكره خذ معك عجره ..
وعلمه وش انت ..


لا تضيقها وهي واسعه .,
وسع صدرك يابو الشباب.,
ومبروك مقدما ع الرخصه .,

طيب ليه تزعل وانت جاي متأخر ساعة

تعال الساعة 7 ونص واذا تكلم رح اشتكيه لأن موقفك قوي