مزايه اكثر من عيوبه الراتب والتقاعد والراحه تجتمع بالوظيفه العسكريه عيبه الوحيد انك تبتعد عن الحياه المدنيه شوي ام الشركات مهي لنا الشركات للفلسطيني واللبناني رواتب وعلوات وحوافز ام السعودي له 2000 ومن غير عقد متي ماخلصوا منك سيفون ويضيع مستقبلك.

؟؟؟؟؟؟؟؟؟؟؟؟

شف تبيها باختصار وببساطة خل العسكرية حتى لو بأفضل قطاعاتها آخر حل وأكرر حتى لو افضل قطاعاتها
انت قدم على كل شي واسع انك تتوظف بأي شي واذا مالك الا العسكرية فدور لك قطاع مثل ماقيل لك
وزارة داخلية دفاع مدني او امن عام او امن المنشئات ولا يغرك الي يقول انها مريحة العسكرية عموماً لها ضريبة بكل القطاعات وثق تمام الثقة اني ما اقول هالكلام من راسي انا اعرف ناس بأمن المنشات رتبهم وكيل رقيب وعريف واخوي وكيل رقيب بالحرس الوطني ولي خال بالحرس الملكي وقبل 10 سنوات كان لي اخو بالجيش ولي ولد عم بالبحرية واعرف وكلهم اجمعوا على شي واحد [[ خل العسكرية آخر الحلول اذا ماتوفر الا هي توظف فيهاااااااااا ]]

انا بالنسبة لي كنت ما ابي الا امن المنشئات بس بعد السؤال والاستشارة عزفت عن العسكرية تماماً تماماً

يالله إنـك لاتـعُـود العَسكـرّيـه

والنصيب اللي على البَدلـهْ حَدانـي

لبسّونـي لبسِـة ٍ ماهيـب لـيّـه

درّعونـي باللبـوس المشبهـانـي

درّبونـا مثـل تدريّـب المطيّـه

والصَعَب مِنـا يعّـود مطوَعَانـيْ

يالله إنــك لاتحّملـنـا زِريّــه

حيـث حِنـا للمَعاصَـيْ ماندِانـي

ياوجـودي وجَـد حمـر عيدهيـه

ساقط ٍ فيها الحقب ويـا البطانـي

فوقهـا قـرم ٍ ببـا كـور ٍ قويـه

من ورى العارض يبي دار شهراني

قطـر القربـه وقدمـه قيهمـيـه

مع زوال الظهر يوم الشوف دانـي

هسها العرقـوب والديـره رديـه

لين دم الجوف بالذرعـان حانـي

ياوجودي وجد عربٍ فـوق طيّـه

في لهيب القيظ معطيـت ٍ ثمانـي

هَمّلـنْ عَيالهّـنْ بـارض ٍ خليّـه

وأصبّحـن إعيالهنـه ذيهبـانـي

يوم جـنّ البيـر لياهيـى جاهليّـه

مـا عليهـا لا ورود ولا محانـي

بركّن بالشمس تصهرهـن شوّيـه

كل منهن كنها الخـرص الهلالـي

لو بغيت أدله طرى الطاري عليّـه

وإستحس القلب والهاجوس جانـي

يوم أشوف الديـن مرتجـداً عليـه

والظهر عريان والجـوع يحدانـي

يالله اني طالبـك فـي كـل نيـه

ياولـي العـرش رب المودمانـي

طالبك رزق ٍ تحطـه فـي يديـه

ماعلى بابـه شريـف ولا هدانـي