شاهد بــــ( صور ) الشباب السعودي وهم يقتحمون بوابة الدفاع المدني ب

n920 · #1 (**permalink**) 22-11-2007, 10:25 PM

اعلن الدفاع المدني بعموم المناطق عن تقديم وظايف عسكريه
طبعا بحكم ان العدد المطلوب قليل فأكيد الاستمارات راح تكون قليله مقابل الاعداد الغفيره من الجماهير

فكانوا متواجدين من حوالي الساعه 2 بالليل وكان فيه جمع غفير من الجمهور اللي لهم علاقه بالتسجيل واللي مالهم علاقه .. طبعا هذا الكلام في الشرقيه فما بالك بالمناطق الاخرى

انتظرالمتقدمون امام بوابه مركز التدريب الى الساعه السادسه صباحا فكان اللحظه الحاسمه بعد انتظار دام مايقارب الاربع ساعات متواصله في طقس من البروده قام الجمهور بكسر الباب

وهذي الصوره توضح بداية مداهمة البوابه وكسرها بالقوه بعد حصار دام اربع ساعات
وكان فيه تعليق طريف على عملية كسر البوابه زي ماتشوفون بالصورتين تحت

وهذي صوره توضح الغنائم بعد عملية كسر الباب ولو تلاحظون واحد بالصوره ماسك شماغ وتحته شماغ وماسك الجوال تراه يتصل على ولده وينشده عن نوع شماغه والولد يقوله شماغ العقل يايبه والوالد يقوله البسام بصمة 8

بعد عملية الهجوم المذكوره تم طلب دعم من قبل الدفاع المدني وجتك مجموعه من الجيوب اللي دخلت داخل الساحه

هذا واحد من العسكر استسلم للامر الواقع وجلس يحتسي كوب من الشاي بلا هم بلا وجع راس
ان شاء الله طول عمرهم ما انقبلوا وظيفتي ومضمونه

المهم واحد من الموجودين من لجنة القبول ركب له جيب وفتح المكرفون وقعد يتكلم مع المتقدمين ويطلب من الجميع انهم يجلسون على الارض ويقول الحمدالله الاستمارات ان شاء الله انها كافيه وعددكم وزياده والحمدالله انه عندنا تقنية متقدمه في عملية التسجيل امحق تقنيه يعني بتوزع الاستمارات بخرطوم
وبعد ساعتين من الحكي الطيب والزين جلس المتقدمين بانتظار توزيع الاستمارات ،، بعد ما حدد الاشخاص اللي بيوزعون الاستمارات مايمداهم يرفعون روسهم الا والعالم منهله عليهم ومزاحم وترجيف كل واحد يبي استماره وعادة عملية الفوضى وسوء التنظيم من جديد . الى درجه ان احد اللي يوزعون الاستمارات
رمى كل الاستمارات بالهوا وهرب من مكانه وبصراحه بعذره والله على الزحمه اللي صارت له
كل شي موضح عندكم في مقاطع الفيديو من خلال هذا الرابط استعرضوا الصور ومقاطع الفيديو
وطالعوا كيف عملية تنظيم التقديم للوظائف في الدفاع المدني وكيفية استخدام وسائل التقنية الحديثه
اللي يقول عنها الضابط ، وعلى فكره نفس الحركه اللي صارت بالدفاع المدني نفسها بعد في القطاعات العسكريه بالضبط ويمكن اعظم من كذا .. وسمعت واحد يقول ان التقديم بالرياض المتواجدين
فوق ستة الاف متقدم والمطلوب كله مايتجاوز الميه يمكن وتدخلت الجهات الامنيه من المرور والشرطه في تنظيم الجموع الغفيره هناك ..
الملف المضغوط يحتوي على 7 مقاطع فيديو
http://movie.abunawaf.com/2005/02/civil.zip
حجم الملف : 1 Mb
والسلام عليكم

منقول

ADEL552 · #2 (**permalink**) 22-11-2007, 11:44 PM

الله يرزقهم الجنة عوضاً عنها

تقبل تحياتي

ماعادبدري · #3 (**permalink**) 23-11-2007, 02:43 AM

لاتعليق بس نقول الله كريم

A --14 · #4 (**permalink**) 23-11-2007, 04:42 AM

الله المستعان

الصور أبلغ من أي تعبير

n920
الله يعطيك العافية ويوفقك.

$$عبدالعزيز$$ · #5 (**permalink**) 23-11-2007, 04:48 AM

الله يكون في العون بس هاذا المشهد نشوفه دوم في اي تقديم للعسكريه

التجمهر حتى انك تفقد الأمل

الله يعطيك العافيه اخووي

تحياتي لك

طموحها زايد شويه · #6 (**permalink**) 23-11-2007, 04:57 AM

لالالالالالا حول ولا قوه الا بالله

السيندباد الطيار · #7 (**permalink**) 23-11-2007, 05:19 AM

قال اغنى دوله بالنفط والله حالتنا يرثى لها وهالتقديمات فشله في وجه حكومتنا الي برا ويشوف هالمنظر ماحيصدق لاكن هذا واقع كل تقديم والله شي محزن اتحدا وارهن اذا تشوفو زي هذا الزحام في دول الخليج الاخرى شي يفشششششششششششششششل شعب 50% عاطل محززززززززززززززززززززن وزير العمل يقولوك نسبه ظئيله

مع حبي · #8 (**permalink**) 23-11-2007, 06:26 AM

يؤ يؤ يؤ

والله حرام كل هالشباب

مايمثلون جزء من العاطلين

بصراحه ضاع الحكي من شفت الصور

وربي حاجه تعور القلب

عزيزي n920

الله يعطيك العافيه

على موضوعك الرائع

والله يوفق الجميع

مع حبي :o