سـؤال لأهل الخبره العسكريـــه .." مدني وأبي العسكريه "

لآ شغل ولآ مشغله · #1 (**permalink**) 20-04-2011, 04:44 PM

السلام عليكمـ ورحمة الله وبركـاته

أخواني أنا موظف مدني على المرتبـه الرابعه ..

وأنا من النوع اللي ما أواطن المكـتب .. أحب أتحرك .. أحب أنجز .. أحب أسوي شي ململوس في عملي وأسعد بـه ..

وكلكم عارفين إن الموظف المدني " مكانك سر " لا يتطور ولا يحزنون ..روتين واحد طول العمر

لذلك أنا منتظر تقديم الأستخبارات وأبي أقدم عليهم ..

ســـؤالي :

هل فيه أي إشكال لي إذا قدمت عليهم بحكم اني موظف مدني ؟

وهل يجب إني أفصل من وظيفتي قبل أقدم ؟!

أرجـو ثم أرجـو من اللي مـتأكد من إجـأبته يجاوبني ..

ما بدي أي توقعـات تؤبروني ..

شـاكر لكم

فكر من جديد · #2 (**permalink**) 20-04-2011, 04:46 PM

اتوقع خخخخ

اذا جات قبول نهائي في العسكريه اسحب على المدنيه

وبس

راعي الطِواري · #3 (**permalink**) 20-04-2011, 04:47 PM

طيب احمد ربك
مرررررررررررررررتااااااااااح تجيك معااملات تخلصها

والله انا ماااا انصحك تغير ابداً غيرك يتمنهاااها

الموضف الحكوومي احسه كشخه

العسكري احسه مبهذل حتى لو ضابط

كذا ماا ادري احساس

حضي نحس · #4 (**permalink**) 20-04-2011, 04:50 PM

راجع الشروط العسكريه اخوي

ومن الافضل عشان تكون مطمأن استفسر من اقرب مدينة تدريب لك

او استفسر من وزارة الداخليه اكيد فيه رقم للاستفسارات بس ماعندي لهم رقم خذه من 905

لكن انصحك لوجه الله خلك على مكانك سر لاتبتلى بشي يخليك تعاف حياتك كلها

والمثل يقول

خلك على مجنونك لايجيك الي اجن منه

موفق ودعواتك لنا بالقبول

رائد 2007 · #5 (**permalink**) 20-04-2011, 04:52 PM

الــــــــــــعالم يدورون الوظائف المــدنيه واخينـا ف الله مايبــــــــبي مدنـــــــي

علوش م · #6 (**permalink**) 20-04-2011, 04:55 PM

نصيحه لا تفرط في المدنيه
يكفيك انك تداوم بثوب وشماغ

صح اني ما جربت العسكريه لاكن والله اعرف شباب
كانو يتمنون العسكريه وجاتهم والان يقول لي لو القى وظيفه مدنيه لو 3000 الاف لفصل وروح لها
رغم ان راتبه حول 7000 الاف والله

وبنسبه لي لو تجيني اثنتين والله لاختار المدنيه لو براتب قليل

علوش م · #7 (**permalink**) 20-04-2011, 04:59 PM

مدامك على الـ4
كم رواتب المرتبه 4

عبدالله الفنيخ · #8 (**permalink**) 20-04-2011, 05:04 PM

والله ياخوي
المدني حلو ومريح وملل جدا

وراتب مافيه
على حسب قطاعك

ااذا راتبك زفت مره وتعديلك زفت
نصيحه هج عنها
ودور عسكريه احسن لك ورواتب تعيش مرتاح

على فكره انت تعرف ضروفك موب الناس يحددون لك مستقبلك

يعني معليك من احد
لو انك مدني تستلم 3800 تجلس ستين سنه وراتبك ليته يوصل 7 الاف ريال
ظلم والله
الرابعه ماتتعدى خمسه الاف مايحتاج
وفقك الله
شف اللي ترتاح له وسوه

لآ شغل ولآ مشغله · #9 (**permalink**) 20-04-2011, 05:12 PM

شكــراً لتجـاوبكم .. لكـــن لحد الآن ما فيـه أحد عطـاني جواب أكيد ..

وصدقوني أنا عارف العسكريه زين .. وهالقرار جازم به الله لا يعوق بشر

اللي يسأل عن راتب المرتبه الرابعه ..

ما تتعدى الـ 4000 ..