[align=center]
السلام عليكم ورحمه الله وبركاته
وبعد تفكير عميق وتخبط في المشاريع فكرت اني اشتري راس تريله ...
بس المشكله مادري اشتري تيدر قلابي وأجره على شركه بعقد ... والا اشتري
تيدر شحن لتحميل الاعلاف .. واشتغل على تحميل وبيع البرسيم ......
لكن المشكله احس ظلام اسود قدامي في هالمجال ... لاني ماعندي خبره فيه
لكن اللي قاهرني اني ادري ان فيه فلووووووووووووووووووووووووس ..
بس يبغى لي امشي على خطاً واضحه وثابته منكم الله لايحرمني من آآرآئكم ..
الحين اذا اشتريت راس تريله اقدر اقدم بسواق عام , صح ؟؟؟ وش افضل عماله
في هالمجال ... وماهي افضل التريلات ؟؟؟؟
وبعدين كم تحمل التريله بلكه برسيم ؟؟؟ عشان اعرف احسب صح ... لاني ابآخذ على البلكه ريالين .... وهل اقدر اصرفها بأسبوع ... مع العلم ان المنطقه اللي انا فيها
كلها تريلات برسيم وشغل بس مدري عن الحظ !!!!

آآآسف على الاطاله بس ياليت توجيه منكم ياحيي

دمتم
[/align]

السلام عليكم ورحمة الله وبركاته
لاتحس بظلام قدامك انا ان شاء الله بعطيك شمعة تنور لك بعض الشي
اخوي التريلة فيها فلوس بس راس المال كامل 130الف شغالة جاهزة مع التيدر سطحة باذن الله
انا بتكلم عن نقل الاعلاف لاحظ اني اقول نقل اعلاف وليس تجارة اعلاف حبيبي فيه تيادر تنقل 1050لبنة برسيم وفيه تيادر تنقل 750لبنة على حسب طولها واسعارهم قبل سنة ما ادري تغيرت الحين والا لا نقل من بسيطا الجوف الى الرياض 1.75الى ريالين والى جدة 2الى 2.5 طبعا انت ناقل يعني توصلها فقط اول ما توصل تنزل الحمولة وتروح تدور حمولة للجوف يوريا للمزارع او اسمدة
واذا شريت تريلة وانت موظف تكون في كرت التشغيل نقل خاص وتقدر تستقدم عليها اذا ما استقدم عليها قبلك اما اذا كنت عاطل تكون في كرت التشغيل نقل عام وافضل سواق الصعيدي وفيه الهندي والسواقين حظوظ فيه واحد طايح في السودانيين بس انا احس انهم ما هم لشغل التريلات
اما اذا بتشتغل قلاب فراس المال راح يكون 140 الى 150 الف ريال
وتصفي شهريا باذن الله حوالي 10000الف ريال صافي صافي باذن لله
طبعا التاجير بتشيب ما اخذت فلوسك اذا عندك فلوس تصرف على تريلتك لين يعطونك اللي استاجروا منك شي كويس لانهم يقولون بيعطونك كل شهر واذا جيته قال على المستخلصات وسحب عليك 6شهور واحيانا سنة وانت تتسلف على شان تكد على تريلتك
طبعا انا اتكلم عن التريلة كاملة من راس وتيدار بالنسبة لراس المال
اما راس التريلة من 80الف الى 90الف ريال
وبالتوفيق اخوي

افضل الشحنات اتوقع المرسيدس

مسالة أنك تأجرها على شركة فاعتقد تحتاج علاقات وواسطات ... وماهو من السهولة تحصل شركة تستأجرها


المشكلة اللي تقابلك إذا جيت تنقل عليها شيء من منطقة لمنطقة ان الشاحنة تجي محملة وترجع فاضية .....

اللي عنده معدات ثقيلة يرغب في تأجيرها يراسلني على الخاص.

والعمل في المنطقة الغربية وطريقة الدفع شهرياً وبأنتظام مافيه تأخير والديزل على الشركة .

والله يوفقكم ويرزقكم من حيث لاتحتسبون
ويغنيكم بحلاله عن حرامه

تحياتي لكم

أخوي المجال ذا جداً رائع

بس انتبه من حاجه راس التريله هل استقدم عليه عامل ولا لا

ذا اهم شي والله يوفقك يارب

والبنسبه للشركاات تحصل كثير والحين المشاااريع شغاله في كل مدينه مع التطور العمراااني ذا

راح تحصل بس راح يكدونها لين يطلعووون قلبهاااا بس يبغالك كل شهر تخصص مبلغ للصيانتهاااا من تاجيرهااا

اذا لازم الامر

اتمني انك استفدت لو بالشي القليل

الله يوفقك
والاخوان فيهم الخير والبركه وانا مالي خبره

شباب ترآها كلها خرطي فاضي كلاها كلام منتديات الي يقول الشركة
انها تستاجرها 20 الف والي يقول 15 الف والله انها خرطي فاضي
هذا واحد من العيال معاهـ سقس قلاب فر على شركات الرياض كلها
اخيراً لقى شركة يقولون بـ 8 الآف والصيانة عليه سسسسسلامات
يبوي بسسس . والي يكذبني يثبت كلامه يقول الشركة الفلآنيه
وانا اشوف بكرهـ ان شاء الله
بتوفيق للجميع

موفق بإذن الله ... لك مني أجمل تحية .

فيه فرق بين السقس والتريلا