الله حيو أدخل لا تستحي ^_^





/
.
.
.
.
.
السلام عليكم والرحمه ’’
أممم الوالد الله يحفظه عنده مزرعه وهالسنه ما زرع شي وسألته لبش ما تزرع يقول تعب وعمال وقلق ,,الخ

أووو أنا جتنى فكره !


قلت لنفسي ( لنفسي ) ليش ما أزرعها ,.؟ وقلت قبل لا أكلم الوالد عن هالشي لازم أكون فاهم ومطلع على بعض الحاجات ,,

قلت أنا فيه أيام كثير أكون فاضي من (سبت أحد ثلاثاء خميس جمعه )
قلت قبل كل شي لازم أسأل أهل خبره وتجربه
وحطيت هالموضوع عشان تتحفونا بخبراتكم وأفكاركم بالزراعه


,
المووهيم ^_^
قريت المواضيع الي بالنت وبالمنتدى هذا عن الزراعه عن خبرات أعضاء هنا , طبعاً الرجال ماتنعد ..
ومره فضيت قلت خل أروح لمحلات الزراعه وادور مهندسين زراعين ولقيت كم واحد وأخذت أرقامهم , واحد منهم طلع يعرف الواد يقول قبل لا أطلع لك لازم تحرث الأرض اول طلع شكل زائد وتخلي التربه ناعمه ومدري أيش ,, ماقالي السعر ’’
والثاني قام يعرض لي ناس يقول فيه يمني يبي يستاجر المزرعه وأنا رفضت وقلت ماخربنا الا هالتأجير ,, وقلت له أخص بكم تطلع وكم مره قال أطلع 4 مرات 1000 ضحكت أنا قلت قلت ميه قال ماعليك راح أحسبها 200 للطلعه قلت يصير خير أدق عليك بعدين
أيوااا
وهاذي مواصفات المزرعه ,
1-المويا متوفره لله الحمد فيها 3 أبار
2-رشاشين مدري كم برج ( الي يفهم بالرشاشات يشوف الصوره ويقولي كم برج الرشاش فيه 6 كفرات )
3- الحراثه موجوده وفيه مشط وصاج
3-مستودع
4-25 كيلو عن حايل 30 قريبه لجامعتي ( يعني كل شوي مطبح عليهم ههه )
5- فيها عامل بنقلا مدري عنه يفهم بالزراعه ولا لا .
ا المزرعه قد أنزرع فيها قبل برسيم وقمح وسدر وتين ,
6- فيها حوش غنم وحوش بقر مغطى
بالنسبه للسياره عندي ونيت هايلوكس غمارتين وبمكاني أوفر 3 ونيتات أذا كان هذا يغنيني عن الدينا ,
7- المزرعه ماوصلها الزفلت 1 كيلو عن الخط

يعني المزرعه ملك ووفيه حراثه ومويا فيه وعندي وقت فاضي كثير يعني طاح عني أشياء كثربس فيه مشكله وهي الميزانيه !! ميزانيتي 5000 الى 6000 وهل تكفي علما بأن المكافأه تنزلي للحين , وأذا كانت ما تكفي أني أزرع رشاش كامل ولاأزرع نصه ولا ربع ولا ثلثه عادي أهم شي أني أفهم هالشغله وأعوض راس المال تحويشه العمر ,
ووش تنصحوني أزرع كوسه ولا باميا ولا برسيم ؟ ياليت أحد عنده خبره أنه يتابع هالموضوع لأنه مهم بالنسبه لي ,,
وبالنسبه لأسعار البذور ووش أحسنها والأسمده وهيك ,,

ووش الأشياء الي الحكومه تعطي المزارع ببلاش ؟





هذي صور للمزرعه من قوقل أيرث عشان تتخيلو معي كيف (( أضغط على الصوره للتكبير))




وهذي صوره للرشاش فقط

السلام عليكم ورحمة الله وبركاته
الله يبارك لك فيها
اخوي الرشاشين 6ابراج كل واحد
لكن الواضح انه مايزرع الا نص دورة هل المويه ماتكفي
مبدئيا انت تمتلك ثروة مو بسيطة بالنسبة للبرسيم ذهب بس تاكد من الماء ملوحته ووفرته
اما بالنسبة لتكاليف زراعته فعندي حلين الاول انك تاجر رشاش وتاخذ الفلوس وتزرع الرشاش الثاني
او تاخذ البذور والاسمدة بالاجل اذا كانوا يعرفون ابوك راح يسهل الموضوع كثير
وافضل زراعة لك كمبتدئ هي الذرة لانها ماتطول وتطلع لك اذا الرشاشين دورة كاملة حوالي 36الف لبنة ذرة وتبيعها من 10 ريال وطالع مع ان اسعارها الان اعلى بكثير
والشرح يطول
الله يوفقك ان شاء الله

والله ماعندي علم ..

بس واحد من الجماعه عنده مزرعه

ومطلع مو ذهب إلا آل ذذذذذذهـب

ما شاء الله عليه ..

ومعروفه المزاااارع فيهاااا خيييير ..

و عسى الله يوفقك ويرزقك من حيث لاتحتسب ..

علماَ بأن الصوره الي فووق ماخوذه من قوقل وهي قديمه من 2004

ماشاء الله تبارك الله
الله يعطيكم خيرها ويكفيكم شرها

انا رايح اختصر عليك الطريق لعدة اسباب وهي
الاول راس المال غير كافي
الثاني عدم وجود خبرة
الثالث عدم وجود عماله

نصيحتي لك تعرض المزرعة شراكة بالنصف مع طرف ثاني يملك جميع النقاط التي ذكرتها من خبرة وراس مال وعمال وهذه الشراكة تكون شراكة مؤقتة على سبيل المثال لمدة سنة او سنتين حتى تتوفر لديك جميع النقاط من خبرة وراس مال وعمالة بعد ذلك تفصل الشراكة وتصبح انت الوحيد

وافضل عرض تقدمة لمن يريد إن يدخل معك شريك إن تطلب منه الثلث وهو ثلثين مقابل إنك وفرت له المزرعة فقط اما الأمور الأخرى هو من يتحملها من حرث وبذور ورواتب وغيرها من المصاريف


لن وضعك الحالي لايسمح لك بالمغامرة وخلال مدة السنة او السنتين انت تكون مباشر معهم على طول لكسب اسرار المهنه

رفع , , ,