السلام عليكم ورحمة الله وبركاته أخي الكريم انصحك بالمنشات قطاع جديد والترقيه فيه سريعه والرواتب حلووووه ولهم تقدمين في السنه ويعطونك عريف انا معي تقنيه قسم كهرباءوالحمد لله مقد فيها وانتطر الكشف الطبي وشكرررررراا

موفق بإذن الله ... لك مني أجمل تحية .

تقدم بها في البحرية وكيل قريب
وراحة أحسن من الأمن العام

وعليكم السلام ورحمة الله وبركاته
صل صلاة الأستخارة وأدع ربك
والله يكتبلك الإفية الخير

الله يرزقك
أنا معي نفس شهادتك
و قدمت على الحرس الوطني برتبة جندي أول و ماربك كتب لي نصيب
إن لقيت لك أسم وظيفة عضها ولا تخليها تروح عليك

نصيحتي قدم على الدفاع الجوي او البرية تاخذ وكيل رقيب فني وراتبك يطق 7000 ريال والترقيات ماشيه خاصه لتخصص كاتب تعلق الين توصل رقيب اول بدون ماتطوف يوم واحد وبعدها مفاضلة على رئيس رقباء يكفيك راتب اساسي قوي ومرتاح بمكتب المكيف شغال فوق راسك ماغير على حاسب وتطقطق على النت باللابتوب وكوب شاي وخميس وجمعه والاعياد مريح بالبيت لكن الامن العام كررف وملعنه ورتبهم مركزية يعني تراوح بالرتبة( تطوف ) والمشكلة جندي مالك كلمة جندي اول يتأمر عليك لكن وكيل رقيب فني ( ضابط صف ) لك كلمتك وشغلك مكاتب وكل يتمصلح معاك لان كل شي يمشي من عندك

[align=center]
با التوفيق اخوي حتى انا معاي دبلوم كلية التقنية ولي سنتين كل ما اروح قطاع عسكري قال ما نبغاك وكل ما اروح شركه تقولي ضف وجهك وانت استخر ربك وروح الامن العام احسن لك من العطاله
[/align]

الله يسعد مسـاك ويوفقك

معي دبلوم وهذا انا انتظر الدوره والرتبه جنـدي ومتشقق من الوناسـه انت وانا والكل ندري لو فيه واسطه بتتسهل لاكن الجود من الماجود وانا اخوك .... شي حطيته في بالي دامك مادخلت ظابط كلها زي بعضهـا اهم شي 25 الشهر تزاحم الناس عند الصرافات تستنى الراتب وتعرس وتعين من الله خيــر ...

الجيش تخيل عطوك وكيل رقيب وعينوك بتبوك والا خميس مشيـط وربي تكره حياتك لو دوامك افضل دوام

والا تخيل البحريه وتعين بالجبيل

القطاع الوحيد اللي تقدر تتعين حتى بالقرى وبكل مدن السعوديه هو الامن العام غيره مافيـــه فتوكل على ربـك جندي والا وكيل رقيب دام مافيه نجمه ادخل الامن العام وانت رافـع راسـك ووظيفـه ودوام فلـــه واكثر احتكاك لك بالناس عكس القطاعات الثانيـه


ادعو ان الله يفتح على قلبك وتقدر تختار وتقرر قبل لآتروح عليك هذي وذي وتفلس منهن كلهن

حبيبي بأختصار لو جت لك وظيفة برتبة سالب جندي في الامن العام روح ولاتفكر اما الي يقول البحرية والجيش انا اقولك قسم بالله لو يعطوك نجمة انها ماتساوي شي قدام جندي في الامن العام ياخي كل العسكر في قطاعات وزارة الدفاع والطيران سوا برية ولا بحرية ولاجوية ولا دفاع جوي كلهم تلاقيهم منفسين وحالتهم النفسية تعبانه نصيحة لو جت لك الامن العام روح فيه ناس في الامن العام برتبة جندي ومعهم جامعه وفي الاول والاخير الانسان مايدور الرتبة الانسان يدور الراحه النفسية والاتستقرار مو تقعد كل يوم وانت في ديرة كل يوم وانت ناقل ماتقدر تشتري بيت ولاتقدر ترتاح نفسيا
المهم ادع ربك وعليك بالاستغفار وشهادة الكلية الي معك رح تفيدك في الترقيات انت لك الاولية