بعدما اخذت دبلوم التقنيه من سنتين,, تعالو عطوني شوركم؟

كاتب همي بدمي · #1 (**permalink**) 23-04-2011, 06:02 AM

السلام عليكم ورحمة الله وبركاته ..

طبعا انا لي سنتين ونا متخرج من الكليه التقنيه تخصص محاسبه وقاعد لاشغل ولا مشغله

طبعا انا مو من الرياض من ديره نائيه شوي ولا كان رحت للرياض وتوظفت بشركه ولا شي..

المهم اني قدمت على الامن العام بالثانوي والدبلوم وانطر الفرز النهائي لكن انا وقعت

على تعهد بالرتبه على جندي( قهر صراحه) وواحد من اخوياي راح للدفاع الجوي

برتبه عريف ودوام رسمي.. كنت بروح معه لكن مابغو التخصص اللي انا فيه..

المهم ماتحسون انه قهر جندي ونا معي كليه؟ ابي شوركم الله يعافيكم..

وانا اللي يخليني اقول الامن العام كويس انك تقدر تجي لديرتك بعدين بعكس الدفاع الجوي

وغيره من التخصصات..

فكر من جديد · #2 (**permalink**) 23-04-2011, 06:06 AM

ليه ما رحت الجيش وتاخذ وكيل رقيب احسن من جندي

بس قدر الله وما شاء فعل

لبيه 999 · #3 (**permalink**) 23-04-2011, 06:08 AM

مدري وش اقولك شي يقهرررر لكن مدري قدمت هنا ولا

التسجيل مفتوح ضباط صف { دبلوووم } { البكالوريوس } وزارة الدفاع والطيران

العقيد بو سكر · #4 (**permalink**) 23-04-2011, 06:36 AM

يارجال احمد ربك انك اقبلت في الامن العام
فيه ناس يقدمون باالجامعه ويتخرجون جندي
ولايهمك الي يقول كان رحت للجيش ولا الدفاع
الجوي جندي باالامن العام اكثر راتب من وكيل رقيب باالجيش وتعين احسن
ودوام احسن

يالله بالوظيفه · #5 (**permalink**) 23-04-2011, 06:51 AM

الجيش يعطيك وكيل رقيب فني

المنشآت يعطيك عريف

بقية القطاعات جندي وأنا مثلك قبلوني بالأمن العام ووقعت تعهد ما أخذ إلا جندي قلت والله ماطبكم حراااااااااااااام تقارني زي حق الثانوي أقل شي لو عطاني جندي أول نبلعها

مافيه أحد يقدر التقنيه إلا الجيش وسلامتك

العقيد بو سكر · #6 (**permalink**) 23-04-2011, 07:08 AM

بس ياحبيبي اذا جت الترقيه تكون الافضليه له
ثانيا مافيه مقارنه الامن العام باالجيش الامن العام
تختار المنطقه الي تبيها ودوامك وسط المدن وفيها مكاتب وفيها اقسام كثيره
وراتبه حلوووووه جندي 7000
والجيش راتب اقل وطابور صباحي وتعين ع الحدود

× آثير آلصمت × · #7 (**permalink**) 23-04-2011, 07:43 AM

يارجال احمد ربك انك لقيت وظيفه بس
الناس تنازل عن الجامعه وتدخل بجندي تخيل
لاكن روح اهم شئ الوظيفه

باسل عمر · #8 (**permalink**) 23-04-2011, 07:07 PM

اخوي الله يوفق انا نفس التخصص محاسبة وقدمت في الجيش وعطوني وكيل رقيب فني كاتب اشوف انها احسن من جندي اسحب عليهم ان طعت شوري وكيل رقيب في الجيش لاتمسك خفارة ولا يجيك استلام وفالها موجندي ملحط ومعك شهادة دبلوم توكل على الله واستخر بالتوفيق

شبة عااااطل · #9 (**permalink**) 23-04-2011, 07:12 PM

أنا اخوووك انا زيك قدمت على أمن العاااام دبلوم الكلية التقنية دعم فني رتبة جندي

وقدت على امن المنشأت عريف ولحد الأن أستنا الفرز حق امن العااام بس حتى لو طلع ماني راااايح كااان هذا قبل كلام الملك عبدالله بس بعد كلمة الملك قدمت على امن المنشأت والحمد الله انقبلت مبدئى وانشاء الله القبول النهائى .

بس انت أستخير قبل كل شي والله يوفقك