السلام عليكم

بدون مقدمات

انا طبعاً موظف في احدى الشركات في الرياض مره من المرات عزمت خوياي على غداً طبعاً خوياي توني متعرف عليههم في الشركه ما اطول عليكم واحد من خوياي باكستاني واثنيين سعوديين عاد انا استحيت قلت في نفسي دجاج والا لحم طبعاً الدجاج نعمه اللهم لك الحمد بس العادات والتقاليد المهم رحت بسيارتي انا وخوياي والسوالف مع الطريق قلت لهم اي مطعم تبون قالوا انت المعزب الي تبيه نبيه قلت حياكم الله المهم نمشي ونمشي طبعاً المطعم بعيد جدامن الشركه حقتنا عاد السوالف والضحك على متن السياره

اقبلنا على المطعم ونزلنا وقلت لهم خذو مكان الي تبونه وانا جايكم

راحوا الشباب

يوم جيت ععند المحاسب طلبت نصف مندي لحم وطلبت 4 حبات كنافه و3 بيبسي و1 مرندا حمضيات

يوم حسب الحساب قال عطني الدراهم

وش صار الله لا يوريكم

فتحت بوكي ما حصلت الا 5ريال متففرقه

والله يوم تقول اصحاً يا نايم انا اصلن ذاكر ان بوكي ما فيه الا 5 ريال طبعاً ما معي صرافه استلم كاش والله يوم حسيت انيمريض وجهي راح ازرق مع احمر صرت مثل المجنون وخوياي تو اني متعرف عليهم فشيله وش بيقولون عني قلت في نفسي وش الدبره هاذي والله الورطه ما فيه حل الا استنجد بالمحاسب قلتله السالفه قال والله ما نقدر قات تكفى انا في وضع خطير جدا والله ما همه عاد خوياي في الجلسه يحتروني

ما اخفيكم اني اصبحت زي الابكم وزي الاخرس تقول اني مخدر فشيله

المهم لقيت ورع طالب له نص دجاجه قلت معك فلوس قال ايش بنفخ

صرت زي المجنون

المهم لقيت رجال عند محل عند المطعم قلت له السالفه قال والله ما عندي شي


المشكله انك ما لقيت ناس طيبيين

المهم رحت زي المجنون طالع راجع جاني واحد من خوياي قال عسى ما شر وينك قلت لالا ما شر بس توهم يسوون اللحم قال ايه طيب طيب عجل ترانا تاخرنا قلت خلاص ما ادري قال ما تدري قلت دقائق قال دقائق وتوهم يسوون اللحم المهم راح ودخل الجلسه قلت ما فيه حل الا ادق على واحد من زملاي في النسيم كلمته قلت له السالفه تكفى عجل علي

المهم الدعوه خربت جاوني كل خوياي وباكسانيهم

انت علامك خلنا ندور مطعم ثاني ونظرو يمي وانا ساكت قلت في نفسي خلني اعترف واعترفت وقلت لهم

المهم هذاك اليوم ما انساه في حياتي يوم محرج جداً

واحد من خوياي دفع وتغدينا وانا ما تغديت قالوا تعوضنا يا رجال لا تستحي وتنخجل


المهم عوضتهم


والى وقتي هذا خوياي يعيروني فيها

طبعاً هذا الكلام قبل 3 سنوات




بس موقف محرج لي

وسلامتكم

على طاري الموااااااقف
هاذا موقف صار معى احد فتيااااات المنتدى

كان عمري يمكن11 او 12
وكنت العب سيجا كح كح كح غبااار ادري
المهم كان اخوي نايم في غرفتي عشان مكيف غرفته خربان
هو اكبر مني حوالي خمس سنين
وكنت متبطحه العب والنور مطفي ماغير نور التلفزيون قدامي وباب الغرفه قدامي إلا اشوف ظل يتحرك رايح جاي من تحت الباب ووقف عند باب الغرفه قلت اكيد هذا ابوي {الله يرحمه}
قام من النوم لأن كان الوقت على الفجر تقريبآ بس كنت مستغربه ابوي وش يبي فوق
لأن غرفته تحت وعنده حمام
اعزكم الله قلت خليني اقوم اشوفه يمكن يبي شي والاشي
كان باب الغرفه مسكر بس بدون مفتاح
واقوم وافتح الباب إلا وش اشوف؟؟؟؟؟؟؟

اشوف واحد قدامي متلثم بشماغ ولابس فنيله داخليه علاقي وبنطلون رياضي وماسك في إيده شي مدري وش هو يمكن سكين يمكن مسدس يمكن اي شي

هذا كله شفته في لحظه وعيني جات في عين هذا الرجال !!! صرخت في وجهه بقوووووه واسكر الباب بسرعه
وإيديني على المفتاح واقفل الباب والله هذا كله صار في ثانيه وانقز على اخوي في السرير واصيح عليه اقول قوووووووم في واحد عند غرفتي’’ والاخ ناااااااااااااااااايم إلا ميت موبنايم
وصرت اصفق في وجهه وماابي ابين للي بره ان الي عندي جثه هامده مو بنايم
واخيرآ رد اخوي ويقول وش فيكي انتي انهبلتي ؟؟ اقوله قوووووم في واحد عند غرفتي تدرون وش رد علي يقول ؟؟؟ وربي شي يرفع الضغط

يقولي الحين ظلام ماراح اشوفه انتظري لين يطلع النور !!! تخيلوا بس !!
قعدت اسحب فيه لين قام أخذ معي الموضوع قريب ربع ساعه يعني الرجال يمديه سافر موبطلع من البيت
وصرنا ندووور في البيت كله
غرفه غرفه وركن ركن ونزلنا تحت كان ابوي نايم وطلعنا السطح ندوووور مافي احد

وطبعآ اخوي لو إبن امه ينام
خليته صاحي معي لين قام ابوي وقلتله إلي صار وسوى باب حديد للسطح في نفس اليوم
لأن سطحنا وسطح إثنين من الجيران تطل على بعض يعني انا وبنات الجيران نزور بعض عن طريق القفز
والحمد لله عدى هذاك اليوم على خير

عادي فلها وربك يحلها

مامعك خلاص تتقطع صح احراج بس مو بيدك

صراحه المواقف واجد بس مثل موقف الارانب الي قبل شي كيف مادري بس المهم مره كنا طالعين مع ابوي في السياره كنت اتهاوش مع اختي اقوله اكرمينا بسكوتك الاالتفت ابوي وقال عندكم بسكوت عطوني ............ يحول جويع
بايخه بس ماذكر شي