بسم الله الرحمن الرحيم
صراحه ماعندي شي معين لكن حاسه بحباط من كل شي يعني يكذبون علينا بسالفة الراتبين مدري القسطين يعني هم ماعطونا حق السنه والنص الي راحت بيعطونا الحين قسطين والله مهي بالظنه ...
بعدين قريت موضوع عن مدارس المعاقين انه بعد لازم اسنين عشان ادخل اولدي والا بفلوس لوعندي هالفلوس يعني 15 الف و20 الف من وين وولدي عمر مدرسه صراحه ضاقت بي الدنيا الدكتور له سنتين وهو يحن علي ادخله روضه عشان يتحسن النطق لكن هو يخاف وانا اخاف عليه والحين ملزومه عمره ب6 سنوات لازم بس مادريت ان الوضع كذا وسالفة التاشيرات ماشفنا شي مدري متى ....؟
والمستشفيات يقولون الاولويه للمعاق وماشفنا شي الموعيد بالشهور لي سنه و4 شهو والله العظيم عشان يشيلون اسنانه التعبانه وهو مصاب بالراس مقدر الاعب به مستشفيات خاصه تخدير ..اخاف عليه مهو ناقص
الشكوه لغير الله مذله انا مابي شي بس حاسه بخوف
واحباط وانا مومنه بالله لكن الانسان مهما كان ضعيف
افكر بمستقبله وهو الحمد لله احسن من غيره لكن .....
الحمد لله على كل حال في غير بحاجه للخدمات هاذي كل شي لهم بعدين بعدين ليه كل شي يخص المعاق موجل واي شي معاد اصدق ولا له طعم حتى بقدم له ارض ماحس ان فيه فايده كيف لاكبر واحتاج سياره خاصه ادري انه ماعندي سالفه الله يحينا حيات طيبه على طاعته
واعذروني على الاطاله والاغلاط الاملائيه وسامحوني بس محس انه احد راح يحس فيني الاانتم والله المنتديات واجد لكن ماادخل الا عليه بس واستغفر الله واتوب اليه

الله يسعدك ياليمونه بالعكس انتي سالفتك مهمه وماقلتي الا الصحيح وكلنا زيك وتحت الظروف اللي انتي فيها وكلنا مالنا الا هالمنتدى بعد الله سبحانه نفضفض فيه عن اللي بخواطرنا عالعموم الراتبين راح تنزل غصب عنهم وياليتها قسطين عشان اشتري لبنتي سماعات لان التاهيل بمكه عاجزين يوفرونها والمستشفى شارطين انها ماتكمل العلاج الابعد ماتركب السماعه لكن الله يرزقنا يارب وثانيا دخلي ولدك روضه حكوميه اذا ماكانت امكانياتك تسمح واذا كانت صحته كويسه وتسمح انه يختلط بالاطفال لان فيه اكيد مضاربات بين الاطفال لان ولدي العام سجلته في روضه حكومي كان يجيني مضروب بالرغم انه كان دواماته قليله لكن الله ييسر لك ويدخل روضه خاصه عشان يهتمون فيه وكمان عندي بنت شايله همهامع ان عمرها3سنوات من وين لي ادرسها في مدرسه خاصه والله مالنا الا اللي رفعها سبع ونزلها سبع ان يرزقنا من واسع ابوابه والله ييسرك ويوفق ولدك ويسعده ويخليه لك ياااااااااااااااارب

الله يكون بعون الجميع

انا عارفة اختي الكل تعبان

مااافي احد بالدنيا مرتاح

حتي الغني مايشوف الراحة

الحمد لله ع كل حال

وإن شاء الله كل اللي بخاطرك راح يصير انتي ادعي رب العالمين إن شاء الله الله يسهل أمرك وولدك الله يشفيه وبالنسبة لمسألة الخادمه نصيحه لاتجيبين له خادمه لأن الله امتحنك ويبي يشوف قدرتك بالصبر والتحمل وتأكدي إنك مأجورة عند الله سبحانه وتعالى بخدمة هالمسكين ولدك والله يفك أسره وأنا مابي أشوف الإنكسار هذا احنا أقوياء بالله سبحانه بس انتوا تواصلوا معاي بالفيسبوك وصدقيني كثر الدق يفك الحديد والله يعينك على خدمة ولدك وإلى الأمام إلى الأمام .

الله يعلي شانكم دنيا واخره صراحه لما كتبت حسيت اني ارتحت شوي وكلامكم ريحني اكثر ام الولو الله يشفي بنتك ويرزقك من واسع فضله

الله يهونها عليكي وعلي المسلمين
الحال من بعضه

الحمدالله ع كل شيء

الله يهونهاا ان شاءالله

الله يفرج همك يارب

فالواقع والحقيقة أن الدولة مقصرة كثيراً بحق أخوتنا من ذوي الأحتياجات الخاصة وتقصيرها لايعني تقصير الملك ولكن لو يحاسب الملك كل مقصر كوزير أو أمير لصلح حال أحبتنا ذوي الأحتياجات الخاصة ولكن مملكتنا العزيزة فيها بطانه فااااسده أضاعت حقوق الجميع ..
فسترجعي وحوقلي بالله عليهم وسينصرك فأنتي وأبنك أصحاب مظلمة

لاتشكين لي ابكيلك الله المستعان ياختي الكل هنا مقهور وضايع حقه

الله يوفقك وييسر امرك ان شاء الله ويوفقك ويبارك بعمرك ويرزقك من حيث لاتحتسبي عليك بالاستغفار وترك اي منكر لاتصتصغرين شيء مثل الاغاني او لبس عبايه ضيقه او العاري او الغيبه او النميمه ان شاء الله انت مو منهم لكن للتذكير لنا كلنا واكثري من الاستغفار وتشوفين كل شيء يسهله ربي