تجمع كل اللي طابقوا الخدمة للوظائف الادارية و الصحية [جديد مرشحين ومرشحات ص 7 ]

Excellent · #1 (**permalink**) 25-04-2011, 12:25 PM

السلام عليكم و رحمة الله و بركاته

اخواني و اخواتي اللي طابقوا في الخدمة اخر ارقام نزلت للوظائف الغير تعليمية ( الادارية والصحية ) ، طبعا حصلت تغييرات في المنتدى و تم افتتاح اقسام جديدة و نقل في المواضيع و الاعضاء على ما يبدوا ضاعوا

لذلك اذا تسمحلي ادارة المنتدى ( فضلا لا امرا ) انه اكتب الموضوع الجديد لنتابع مع يحصل مع المتقدمين و المتقدمات و ايش حصل معهم سواء في التقديم و الترشيح و خاصة التصنيف حق الهيئة الصحية .

طبعا كثييير منا كان خاصة اللي على وظائف صحية ما عندهم شهادة التصنيف اللي لازم يحضروها اثناء الترشيح او يستبعدوا

و الكثير راح و اللي امتحن bls او cpr و كل الإجراءات هذي ..فحبيت نحط كل تجاربنا سواء اللي لسى يحظرون شهادة التصنيف او اللي طلعت اسماء ترشيحهم ايش عملوا مع الخدمة و اجراءات ترشيحهم و غيرها .

معلومة جديدة حبيت الكل يستفيد منها و هو انه طبعا كثيير منا لما راحوا للهيئة الصحية طلبوا منهم تدريب عشان يعطونا الشهادة ..المهم طبعا انا حاولت من هنا و من هناك في الاخير المستشفى اللي رحت لهم كانوا مستغربين نظام الهيئة و انا ارجعهم ( لانه كان من الصعب مستشفى يدربك فترة طويلة ) قالوا لي انه في واحدة جاتهم بتقييم من الهيئة و هي خريجة قديمة و ما معها خبرة و لما راحت الهيئة طلبوا منها تقييم من المستشفى يعني المستشفى يقييمها لمدة يوم إلى 5 ايام و يختبرها و يعطيها تقييم و تسلمه للهيئة و يعطوها تصنيف

طبعا هم استغربوا قالوا انتي ليه طلبوا منك تدريب و هي تقييم فقط روحوا اسألي و تاكدي و اطلبي تقييم ..المهم رحت للهيئة و قلت للموظفة انه في اشخاص اعطيتوهم فقط تقييم ليه و انا تدريب اعطوني تقييم زيها قالت يمكن يكون وضعها خاص او ظروفها ما تسمح بالتدريب قتلها كيف يعني وضعها خاص قالت يكون طلع اسمها في الترشيح قتلها طب انا طلع رقمي و اعطيتها ورقتي حقت الخدمة قالت ايه انتي سلمتي اوراقك بس ما طلع اسمك في الترشيح إذا طلع اسمك في الترشيح و جبت لنا اثبات انه اسمك مرشح وقتها نغير التدريب إلى تقييم .

طبعا انا انصدمت لانه طب ليه ليه مو من الاول التوضيح هذا ..ما اقول الا الله يسامح الموظفة اللي قبلها اللي باين انها ما تحب تساعد احد لانه نبح صوتي و انا اقولها ماعندي وقت اتدرب افرضي طلع اسمي في الترشيح ما كان على لسانها الا تدريب روحي تدربي ولا قالت لي في حال طلع اسمك في الترشيح نعطيكي تقييم ولا اي شئ من هالكلام
فحابة اقول للكل بالمعلومة هذي يعني اللي حاب يتدرب يتدرب على مهله حتى لو اسبوع و طلع اسمه خلاص بس تقييييم ...موفقين ان شاءلله
و مبروووك لكل اللي طلع اسماءهم و عقبالنا يارب

عااااااااطله · #2 (**permalink**) 25-04-2011, 04:44 PM

الله يفرح قلبك والله حلو
اجل بنتظر اسمي يطلع وبروح اخذ تقييم وتصير اموري
فله ,شمعه,منوره هههاي

بالحيل مختلفه · #3 (**permalink**) 25-04-2011, 05:45 PM

الله يوفقكم يارب
والدفعه الجايه تطلع اسماكم وماتحتاجه لاتدريب ولاهم 

Excellent · #4 (**permalink**) 25-04-2011, 08:46 PM

ان شاءلله دوم فرحانين و مرتاحين
بس يا جماعة مو معنى كذا ما تتدربوا ، احتياط اللي يقدر يبدأ تدريب يبدأ حتى لو شوي على ما ينزل اسمه ان شاءلله لانه الهيئة ما تعرفوا اليوم شئ بكره شئ ثاني ..انا بس حبيت اطمنكم لاني عارفة انه الكل مثلي متوتر و قلقان و الوقت عامله ضغط كبيير فحبيت اريح اعصابكم و ابعث شوية تفاؤل و ان شاءلله خير ..

انا اقترح انه تدربوا شهر و بعدين بالشهر و بورقة التقديم حقت الخدمة تحاولوا تطلع التصنيف و اذا طلع اسمكم قبل ما تخلصون الشهر روحو لهم و قولوا اعطونا تقييم لانه التدريب لسه ما خلصناه ..كذا اظمن لكم يا جماعة ..يعني اصبح الفرق بدل ما نتدرب و يمكن ينزل اسماءنا و تروح علينا الوظيفة و نصير لا تدريب استفدنا منه ولا شئ ..يصير كذا كذا في حالة نزلت الاسماء ان شاءلله خير ..فهمتوا علي ؟

أحلى عالم · #5 (**permalink**) 25-04-2011, 09:52 PM

طيب التقييم هذا يلغي الامتحان بالهيئة للي ماامتحن قبل كذا؟

Excellent · #6 (**permalink**) 25-04-2011, 11:50 PM

اقتباس:

المشاركة الأصلية كتبت بواسطة أحلى عالم

طيب التقييم هذا يلغي الامتحان بالهيئة للي ماامتحن قبل كذا؟

اي امتحان ؟؟ إذا تخصصك تغذية و اقتصاد منزلي فما في امتحان التقييييم هو يعتبر الامتحان ..انا سالتها مافي امتحان قالت ماهو التقييم هو امتحان يعتبر ، فقتلها يعني هنا في الهيئة مافي امتحان ؟ قالت ايش تخصصك قتلها تغذية و اقتصاد منزلي قالت لا مافي امتحان ..يمكن التخصصات الثانية غير تأكدوا يا جماعة
انا المعلومات اللي عندي ضمن اطار تخصصي فما ادري ايش وضع باقي التخصصات يمكن تختلف اجراءاتهم او حتى تقييمهم و تدريبهم و كل الاشياء هذي

عطر الكون · #7 (**permalink**) 25-04-2011, 11:55 PM

يارب يسهل امرنا

وان شالله مايطنشونا ،،

ماادري قرار التثبيت ونتائج جداره تأثر علينا ،، يعني يمكن ماينزلو دقعات الترشيح؟

التعب منسي · #8 (**permalink**) 26-04-2011, 12:11 AM

انا اختبرت عند الهيئة الصحية واخذت الشهاده حقت التصنيف
وطابقت بياناتي قبل سنه ونصف تقريبا ..
مدري اللحين يتطلب علي التسجيل في جداره ؟
والا وضعي تمام ؟