لقيت الوظيفه بس المدير معند كله تصريف ساعدوني؟

عاطل بس مزيون · #1 (**permalink**) 21-11-2006, 04:10 AM

السلام عليكم ورحمة الله وبركاته

اخواني واخواتي الافاضل

انا عسكري ومرضت اثناء العمل ومدت خدمتي 4 سنوات فقط احلت للجنه الطبيه العسكريه وقرروا باحالتي للتقاعد بموجب التقرير الطبي ): وصرف لي راتب تقاعدي 2144 ريال +المكرمة الملكيه من والدي الملك عبدالله اطال الله بعمره اصبح راتبي 2475 ريال والحمد لله على كل حال

بعد معانات مع المرض تعالجت وتشافيت ولله الحمد والمنه فهذا من فضل ربي سبحان وتعالى
وبحثت عن عمل وظيفي اظافي لزيادة دخلي هنا وهناك واستقر بي الحال قبل سنة من الان تقدمت على مدير مستشفى وشرحت له ظروفي بخطاب انني اريد العمل بهذا المستشفى فوافق جزاه الله خير الجزاء فقال لي سنكتب لك خطاب موجه الى اللمديريه العامه للشؤون الصحية بمنطقة الرياض بان المستشفى بحاجه للشخص المذكور على وظيفة بالاتصالات الادارية(وقال لي بالحرف الواحد شف لك احد واسطه يمشي امرك)

اخذت الخطاب وتوجهت الى اللمديريه وراحت الايام والشهور ولي الان سنتين وانا كل ماراجعهم يقولون مافيه وظائف مع العلم ياخوان ان المستشفى فيه وظائف شاغره
اخر مره ذهبت لهم امس ولم اجد مدير شئون اللموظفين يقولون رايح لمصر بمهمة اجتماع عملي

لقيت نائبه وصرفني بكلمتين ماجاء طلبات وظائف

ملاحظه والحق يقال مره من المرات وانا اراجع مدير شئوون الموظفين قال لي عندي لك حل راح ارسلك على واحد في مستشفى الامل الي ورا جامعة الملك سعود
ورحت لهذا الشخص وقالي عندنا وظائف براتب 1500 ريال

تبيها قلت 1500 ريال بتروح كلها ليموزين ماستفدت شئ

بالنسب للمستشفى اللي متقدم عليه الان لايبعد عن منزلي سوا امتار يعني اداوم على رجولي

اخواني واخواتي الشرفاء

الحين ابي فزعتكم

من منكم يقول انا لها ويفزعلي يشوف معاملتي يحركها ويوظفني بهذا المستشفى

اخواني تكفون لاتبخلون على اخوكم فوالله مالي الا الله ثم انتم انا متاكد وان شاء الله راح يجي الفرج على يد احد منكم

للمراسلتي واخذ معلومات عن معاملتي في اللمديرية العامه مراسلتي على الخاص

كلمه اخيره اشكر جميع القائمين على هذا المنتدى الرائع

وجزاكم الله خير الجزاء

LULU CATY · #2 (**permalink**) 21-11-2006, 04:22 AM

انا ما اقدر الا ادعيلك
الله ييسر أمورك وتتوظف من دون ما تحتاج مساعده من احد

ياعيني حظناتعبان · #3 (**permalink**) 21-11-2006, 04:24 AM

الله يعينك يوفقك اخوي

وكلنا امل انشاء الله بانك تجد من يساعدك

وكلنا امل ان يشاهد اصحاب القرار هذه المعاناه وغيرها

وتتحرك ظمائرهم

تمنياتي لك بالتوفيق

عاطل بس مزيون · #4 (**permalink**) 21-11-2006, 05:10 AM

هلا باختي Lulu Caty

مكثورت الخير دعواتك تكفي

الله يستر عليك دنيا واخره

عاطل بس مزيون · #5 (**permalink**) 21-11-2006, 05:14 AM

اشكرك اخي حظنا تعبان

على مرورك ودعواتك الصادقه

بارك الله فيك ورزقك الله من حيث لاتحتسب

دمتم بود

عاطله مع الشرف · #6 (**permalink**) 21-11-2006, 05:44 PM

الله يوفقك يارب وتتسهل امورك
يا عاطل بس عندي لك الحل اللي بأذن الله تفتح عليه ابواب رزقك
روح الحين وخذ كم ريال مو شرط ميه ولا خمسين وتصدق فيها وادع
ربك باللي تبي وانت تتصدق وشوف النتيجه وقول عاطله قالت

بس كنت الحين بسأل عن وضع اوراقك هي بالظبط وين وفي أي ادارة او انت بالاحرى يعني وين تبي مكانك.
وانا اختك ماباليد حيله لكن بسئل واشوف لك عند الاهل
وان شاء الله تنحل امورك يارب
بس انت لاتجلس كذا روح واقعد لهم شوكه في البلعوم اما يطفشون منك ويوظفونك ولا بيستمرون يقولون لك ماااااااااااافيه وظيفه
وربك يعين

عدوي شارون · #7 (**permalink**) 21-11-2006, 07:07 PM

اخي العزيز خذ هذا الحل باذن الله بينفع معك

قبل نهاية الدوام خذ واحد من ربعك واجلس عند المستشفى واذا جاء المدير اطلع وراه بالسياره لين تعرف بيته
واذا عرفت بيته اذا كان باين عليه انه انسان راعي دين وصلاه
روح لامام المسجد الي يصلي فيه وعطيه السالفه وقله هذي شفاعه وفعل خير مافيها منافسه الوظيفه وخبره عن مشكلتك ووصف له الشخص ولا وريه بيته يومين بتلاقي متصلين فيك

واذا تبي تاثر عليه مررره في الصباح اذا ارح العمل خذ العجيز معك وطق البيت وخلي الوالده تدخل لحرمته وتعطيها السالفه
بعد القيلوله يدق عليك شرط

هااااه ايش رايك

دبلوم صنايعي · #8 (**permalink**) 21-11-2006, 08:38 PM

ادع ربك

عاطل بس مزيون · #9 (**permalink**) 22-11-2006, 12:43 AM

مرحبا اختي عاطله مع مرتبة الشرف

اولا أسأل الله تعالى عاجلا غير اجل ان يرزقك الله بالوظيفه والستر والسعاده الدائمه لكي ولجميع اخواني واخواتي في هذا المنتدى

اوراقي وانا اخوكي في اللمديرية العامة للشؤون الصحية بمنطقة الرياض في قسم شؤون الموظفين ماباقي عليها الا شخطة قلم من يد مدير شؤون الموظفين
تقع اللمديرية العامة للشؤون الصحية بالقرب من اسواق العويس

كلمه اخيره لكي اختي ونعم فيكي وبأهلك

جزاكي الله كل خير

عاطل بس مزيون · #10 (**permalink**) 22-11-2006, 01:16 AM

مرحبا اخوي الي عدوك وعدوي شارون الملعون

رحت انا واحد من ربعي صراحه تكلم بكلام جامد بس طلعت كلها وعود كل ماراجعهم يقولي نفس الكلام ماجاء وظائف اصبر اصبر الى متى اصبر والمستشفى الي انا متقدم بوظيفه عندهم طالبين وظائف بالاتصالات الاداريه

بالنسبه لرأيك اني اروح لامام المسجد فكره صائبه وطيبه بالحيل اشكرك

اما رايك الاخير اخوي يعلم الله أثر فيني وذكرتني بوالدتي رحمها الله تعالى واسكنها الفردوس الاعلى

............................... ................................

لقيت الوظيفه بس المدير معند كله تصريف ساعدوني؟

قسم أرشيف الوظائف

السلام عليكم ورحمة الله وبركاته اخواني واخواتي الافاضل انا عسكري ومرضت اثناء العمل ومدت خدمتي 4 سنوات فقط احلت للجنه الطبيه العسكريه وقرروا باحالتي...

لقيت الوظيفه بس المدير معند كله تصريف ساعدوني؟

تسجيل الدخول

لقيت الوظيفه بس المدير معند كله تصريف ساعدوني؟

قسم أرشيف الوظائف

السلام عليكم ورحمة الله وبركاته اخواني واخواتي الافاضل انا عسكري ومرضت اثناء العمل ومدت خدمتي 4 سنوات فقط احلت للجنه الطبيه العسكريه وقرروا باحالتي...

لقيت الوظيفه بس المدير معند كله تصريف ساعدوني؟