يمه تذكرين..!!

جانيت · #1 (**permalink**) 26-04-2011, 03:06 AM

يمه تذكرين..!!

تذكرين يوم كبرت وصار عمري ثلاث سنين
تذكرين يوم زعلت من اخوي وقلت يمه تسمعين
يقول صغيرة !! وأنا والله إني أكبر من حنين
صح يمه..؟؟
وفي الحقيقة أنا أصغر بس عشاني لاسألتك تشهدين
وأصدّق الكذبة وارفع يدي فوووق وأقول يمه تلحقين..؟!
تضحكين وتقومين وتبيّـنين إنك عجزت ِ توصلين
تذكرين
يوم أبوي عطاني خمسة واعطى أخوي بس ريالين
جيتك أبكي وقلت يمه مابى هذي أنا أبغى بس ريالين
تذكرين
يوم أخوي يقول قصة وانت ِ يمه تسمعين
جيتك أجري وقلت يمه حتى أنا عندي قصة
وصرت ألخبط في الكلام وأنت ِ يمه تضحكين
تذكرين
يوم طحت وقلت يمه ماقدر أمشي
ابتسمت ِ وحملتيني وأنت ِ دمعك ترشفين
تذكرين
يوم شفتك في صلاتك تركعين وتسجدين
وقفت يمّك وصرت أتمتم مثل مانت ِ تتمتمين
تذكرين
يوم كان الشيخ يخطب وقال كلمة عن "جحود الوالدين"
جيتك أجري وقلت يمه وش يقول!! أنا أسمع وانت ِ يمه تشرحين

ودارت الأيام يمه.. وصارت الأحداث دَين
صارت الطفلة فتاة..وصرت ِ أنت ِ تذبلين
جحدت أكتافي جميلك..وعجزت كفوفي تلين
ماقدرت أسمعك يمه مثل مانت ِ تسمعين
ماحتملت شكواك ساعة..ولا ذكرت إنك تحملت ِ سنين
أبعدتني عنك دنيا ذوّقتني من سموم الجاحدين
ماتعرف اللين يمه..ولا ارفقت بي مثل مانت ِ ترفقين
مافهمت الدرس يمه ولاذكرتك يوم كنت ِ تشرحين
إلا يوم اني اصطليت بحـر نار ٍ كنت ِ منها تحذرين
وجيتك بنفس المكان وأنت ِ يمه ماسئمت ِ تسجدين وترتجين
أسألك بالله يمه بس سؤال وان عرفت ِ تجاوبين
علمونا بالمدراس إن السواد من سمات الاحتراق
مدري حقيقة والا كذبة في علوم الدارسين
تكفين يمه جاوبيني واشرحي لي الدرس زين
ليه قلب الأم يمه يحترق..ولايعرف إلا بياض الطاهرين..!!

جانيت

Emergency only · #2 (**permalink**) 26-04-2011, 03:16 AM

قراءة الموضوع مؤثرة تجعل المرء تخنقه العبره ..

بارك الله فيك , موضوع جميل وشكرا لك . . .

إِنتعآش~ · #3 (**permalink**) 26-04-2011, 03:16 AM

يالله كلمااات جداا راائعه ومؤثره ....

الله يطوول بعمر واالدتك ... ع الطاااعه

شكراا ع الطررح جاانيت ..

زيدان · #4 (**permalink**) 26-04-2011, 03:25 AM

ياسلام ،

الله يرزقنا بر امهاتنا وابائنا ويرضيهم عنا الرضاء التام ويجزاهم عنا كل خير ..

وكل الإعجاب بقلمك المبدع ياجانيت ..

الله يخلي لك الوالده ويعطيك الف عافيه ويستاهل + + ’

فايقـ · #5 (**permalink**) 26-04-2011, 03:37 AM

ما شاء الله على هذا الكلام اللي يدخل القلب ، طرح راااااااااائع ، سلمت أناملك .

جانيت · #6 (**permalink**) 27-04-2011, 09:18 PM

الله يسعدكم
شرف لجانيت..مروركم الماسي بالمتصفح..وتقديركم لقلمها المتواضع..

اقتباس:

المشاركة الأصلية كتبت بواسطة Emergency only

قراءة الموضوع مؤثرة تجعل المرء تخنقه العبره ..

بارك الله فيك , موضوع جميل وشكرا لك . . .

ياليت البر بكلمات نكتبها..أو عبرات نسكبها
الشكر موصول لشخصك أخي..
سلمت

اقتباس:

المشاركة الأصلية كتبت بواسطة الدكتوره ساره

يالله كلمااات جداا راائعه ومؤثره ....

الله يطوول بعمر واالدتك ... ع الطاااعه

شكراا ع الطررح جاانيت ..

آمين
والدينا ووالديك..
عوافي

اقتباس:

المشاركة الأصلية كتبت بواسطة زيدان

ياسلام ،

الله يرزقنا بر امهاتنا وابائنا ويرضيهم عنا الرضاء التام ويجزاهم عنا كل خير ..

وكل الإعجاب بقلمك المبدع ياجانيت ..

الله يخلي لك الوالده ويعطيك الف عافيه ويستاهل + + ’

آمين
الله لايحرمنا هالشرف..
كل الشكر لتعليقك وتقييمك..

اقتباس:

المشاركة الأصلية كتبت بواسطة فايقـ

ما شاء الله على هذا الكلام اللي يدخل القلب ، طرح راااااااااائع ، سلمت أناملك .

الكلمات النابعة من القلب..تلج القلب دون استئذان
تسلم

الجرح عميق · #7 (**permalink**) 26-04-2011, 03:39 AM

يعطيك العافيه والله كلمآت جميله جداًَ

يآلله يآزمن ياليتنآ نعوٍد فيـه الحين كبرنآ وكبرت همومنآ ممشآكلناًَ

لولو المنسيه · #8 (**permalink**) 26-04-2011, 03:40 AM

كلماات مره روعه

تسلم يمناااك

موظفه قيد لتنفيذ · #9 (**permalink**) 26-04-2011, 03:57 AM

بكيتني وربي ...
يافديت امي وفديت رجولها ياجعلني منها مآآآآخلاآآآآآآآ
مشكله ان امي نآيمة احس ان اشتقت لها يوم قريت كلماتك متى يجي الصبح

الله يرزقنا برهم وطآعتهم والاحسآن لهم مثل ماقصرو معنا وربونآآآآ
ويخلي لكم ميمآتكم ويرحم الي ميمته متوفيه ويزقها الجنآن

الراآسيه · #10 (**permalink**) 26-04-2011, 05:12 AM

امي حبها في القلب ذايب الله لا يجيب ذاك اليوم اللي اقول فيها امي
وينها وش بقى لي في الدنيا يستاهل غيرها هي امي وهي ابوي وكل
شيء بدنيتي ادعو ربي يقدرني على برها ورضاها ..
جانييت انزلتي دموعي مجبره وحركتي عواطفي الساكنه
جانيت يالغلا كلمات قويه احساسك صادق لذا اثر فينا ربي يحفظ
لك الوالده ويرضيها عنك..قلمك محب ومتميز..