26-04-2011, 12:20 PM
|
 |
عضو مميز
|
|
تاريخ التسجيل: Feb 2010
الدولة: أطـهــــــــــر بـقـــــــآعـ آلأرضــ
المشاركات: 1,158
معدل تقييم المستوى: 182292
|
|
وعليكم السلام ورحمة الله وبركاته
اخوي موقع المستشفى في العزيزيه شوف امسك الخط الدائري الين يجيك مستشفى النور واصل طوالي الين تجيك الاشارة قبل الكبري الاول عدي من تحت الكبري الاول واصل طوالي الين تجيك اشارة تهدئه ادخل من تحت الكبري الثاني ولف يسار واصل الين تجيك اشارة وتحصل المستشفى قدام وجهك
اما بالنسبه للكشف اناا كشفت قبل شهرين ان شاء الله سهاله اول يوم تسوي اشعه صدر وبطن وظهر وتتوكل على الله واليوم الثاني سحب دم وتحليل بول وانت بكرامه وثالث يوم حضرنا عند المستشفى وشالونا في باصات لعرفات مستشفى قوة الطواري وكملنا الكشف هناك بعدين تدخل على دكتور العيون يكشف عليك وبعدين تدخل دكتور القلب والضغط وبعدين الجراحه ويكشف معه على الانف والاذن والحنجره وبعدين الاسنان وترى الاسنان دكتورها احسن واحد فيهم متساهل وبعدين على قياس الطول والوزن وخلاص والله يوفقك وتنقبل نهائي واي سؤؤال انا في خدمتك
التعديل الأخير تم بواسطة عاطل ثلاثه سنوات ; 26-04-2011 الساعة 12:24 PM
|
اسألك بالله تجاوبني بصراحه 
العرض العادي
