التصوير بالجوال ... لماذا ؟؟

نظرة خجوله · #1 (**permalink**) 26-04-2011, 07:26 PM

السلام عليكم ورحمة الله وبركاته

انا عضوه جديده وهذا اول موضوع لي وبصراحه في موضوع قاهرني و رافع ضغطي وحابه اتكلم

فيه وهو التصوير بالجوال للحوادث لاني شفت كثير حوادث مصوره حتى الواحد مايقدر يشوفها

وهذا موقف حصل لاختي وزوجها صار حادث لهم ودخلت اختي بغيبوبه وزوجها كان صاحي بس حصل له كسور وكان واعي وشاف كل شي الا والناس تتجمهر وتنزل من السياره بنات ويمسكون الجوال ويصورون الا وزوجها يصارخ عليهن لاتصورون ايش هالعالم اللي ماتحس ماعنده ذرة دم واخلاق طيب ليش كذا الناس في ايش وهن في ايش حسبي الله عليهن ولا وبعدين تلاقيه منتشر في النت المقطع طيب حرام والله تفضيح خلق الله طيب لو صار وصوروا هالمتخلفات اختي كانت عبايتها طايره وكل جسمها مبين مو حرام كذا ينتشر في النت وويقولون هذا فلان وزوجته مايصير كذا انت ماترضى هالشي لك طيب لاترضاه لغيرك والله الواحد صاير يخاف يسوي شي برا على طول يتصور وينفضح في النت لااله الا الله للاسف صار الجوال وسيله لنشر عورات الناس وتشهير فيهم واستخدامه في غير محله حتى الطفل ماسلم منه وكل شي يصوره

واي شي يصير في الشارع بسرعه طلع الجوال وصور مايصير كذا والله
انت ياالي تصور وش تحس فيه مثلا سبق صحفي ولاايش بالضبط لان شي ماينسكت عليه وشفت مقطع واحد مصور حريم بعباياتهم يتضاربون والله ان وحده انرفعت عبايتها من وراء وبان لبسها وجسمها كله والله انهم عالم مايستحون اعذروني عالكلمه بس شي يقهر مره وهذا موقف لناس نعرفهم صار انقلبت سيارتهم على طريق صحراوي وكل الليفي السياره نزلو واكثرهم بنات والناس تجمعو ووحده في سياره كانت تصورهم والله انهم قامو يصارخون عليها ماادريمتى هالناس تتعلم وتستحي على وجهها

لازم تستخدم هالوسيله في المفيد مو لاغراض شينه وفضح خلق الله لاحول ولاقوة الا بالله

واعتذر للاطاله وتحياتي لكم
نظرة خجوله