بسم الله الرحمن الرحيم

كما تعلمون يا اخواني ان هناك الكثير من رجال ونساء سواء مطلقين او مطلقات شباب او بنات من اخواننا واخواتنا ( الذين فيهم الخير ) يريدون الزواج ولا يعلمون عن بعض من الا من خلال اهاليهم او معارفهم بحكم بعض العادات الاجتماعيه ومن ذلك الحياء وهذا ما انفطرنا عليه ولله الحمد لان ذلك من شعب الايمان .
باختصار راودتني فكرة فتح مكتب للوساطات الزوجيه افيد واستفيد وسوف يتلخص دوري فقط بتوصيل الاخ او الاخت طالب الزواج من خلال اتصال تلفوني مبدئيا لاهل المرأه اقصد وليها سواء ابوها او اخوها وهم بدورهم يقومون بالسؤال عنه اذا وجدوا ان الامور مناسبه سواء له او لها نسال الله ان يتمم الخير بينهم طبعا سوف يكون هناك خيارات ومواصفات اقصد الخيارات والمواصفات المتاحه التي يمكن التحدث عنها من حيث العمر او باقي الاشياء التي يمكن ذكرها حتى يقبل كل انسان بما يكتب الله له طبعا حتى المعلومات ولاندخل باسرار قد يرفضها البعض وقد لا يمانع باعطائها اقصد المبدئيه منها ومن هنا نكون قد وفقنا بين اثنين وفتحنا المجال للمصارحه عن كل شخص عنده انسان او انسانه يريد ان يرزقها الله بالزواج .
اعلم ان هناك خطابين وخطابات منهم الصادق ومنهم من يكن هدفه الماده ولاكن فكرتي تكن من خلال القبول اولا لارضاء الله ولايمنع ان يكن هناك فائده لي وان كانت بسيطه .
فقط دوري لا يتعدى تعريف المعنيين ببعض من خلال اهاليهم بكل مصداقيه قدر الامكان اما ما سيبقى من اسرار فهذا متروك للمعنيين بالزواج من اهاليهم .

ارجو من كل اخ او اخت طرح ما لديه لتدوين الفكره هل هي مجديه وماذا تحتاج لاتمامها بشكل اصولي اذا شاء الله . لان مواقع الزواج المعلنه بالانترنت اتضح للكثير بانها 99 % غير صادقه ويديرها اجانب اكثرهم من خارج المملكه

هذا ولكم جزيل الشكر

والله فكرتك تعتبر جديده على حد علمي , والأفكار الجديدة مشكلتها ما تقدر تقيسها من خلال خبرات سابقه لأنه بإختصار مافي خبرات سابقه في نفس المجال هذا , ولكن نقدر نقيس الفكرة بالخطابات والخطابين برضوا , الصراحه شغلهم ماشي ويكسبون كثير رغم أن بعضهم مو محترف الشغلة يعني يشتغلها وقت الفراغ , وكل مازادت الثقه بينه وبين معارفه اللي هم زباينه زاد الشغل .
من جهة أخرى انت تتكلم عن تنفيذ فكرة جديدة في مجتمع يرفض التغيير بشكل عنيف وأحياناً فطري :D يعني راح تعاني من صعوبة قبول المجتمع اللي هم الزباين للفكرة , سوف تعاني من (( عيب _ ياخزياه _ الله لا يبلانا )) كثيير .
ايضاً إذا زباينك راح يكونون من الجنسين , يعني راح تضطر تفتح مكتب للرجال وآخر للنساء أو يقتصر العمل على جنس واحد فقط , وإذا راح يقتصر العمل على جنس واحد بس أنا أفضل يكون للرجال , لأن الرجال أكثر جرأة وانفتاح على الأفكار الجديدة من النساء , ولأن الرجل دائماً ما يفعل كثير من الأشياء حتى وإن لم يرتاح أو يقتنع بها بشكل كامل بعكس النساء .
فالأخير ما ادري إذا راح يعطونك ترخيص ولا لا .
عموماً الشغله هذي راح تتعبك كثير للأسباب اللي ذكرتها وللأسباب اللي ماذكرتها ولكن بما أنها فكرة جديدة فربحها ومدى قبولها غير معروف يعني ممكن تسويها وتنجح نجاح غير متوقع , وممكن تسويها وتخسر خساره قوية . كل الأحتمالات واردة .
بالتوفيق

أخي هناك من يقوم بهذا العمل بدون مقابل إلا الدعاء
وقد وفقوا بين الكثير
وفقك الله

ممكن ان نستفيدي من مكتب ابن باز لزواجات في الرياض
وياخذ 500 ريال على الراس هههههههههه
شكلى ابى اروح له

الله يوفقك ويجزاك كل خير

ياخوي ابعد عن الشر وغنيله.......الرجال او الذكور في عصرنا لا يريدون الا المتعه فقط يقولون في الاول انه مسيار وحلال وما الى ذلك ومن بعدها بمجرد ان زوجته الاولى تعرف طلق الثانيه وجتك منها دعوة في سهم من سهام الليل , والله يا اخوي اني اعرف صديقاتي يقمن الليل من اجل الدعاء على الخطابه ......والذي يدمي القلب بان من الذكور من هم قضاء ومن هم أئمه ومن هم من رجال الحسبه والقليل من الذكور العاديين.....
صدقني يا اخوي يوجد ازواج مهم راضين اعترفه باطفالهم من الثانيه خوفا من الاولى, كأنه عمل معصية وذنب كبير......لكن ما أقول غير حسبي الله على كل ظااااااااااااااااالم.

السلام عليكم ورحمة الله وبركاته
صدقني رح تخدم ناس وااجد أخي
انا قبل كم يوم قابلت واحد لبناني مع السوالف قال لي..اللي يبي يتزوج هنا وش يعمل؟قلت له ما فهمتك؟ وش يعني وش يعمل؟
قال ابي اتزوج وما ني عارف لمين اروح وكيف ابدأ
قلت ...وين ساكن؟؟ قال في الحي الفلاني ..
قلت طيب رووح لإماام المسجد ويمكن يفيدكـ
قال طيب ما في شي غير اماما المسجد؟
والى اليوم والله وهو يدور مسكين يبي وحدة تخاف الله كل مطلبه هذا يعني لما يكوون عزووبي في مدينة غير لما يكون في القرى لأن القرى يعرفون بعضهم كلهم لكن اهل المدن والله ي دوب تعرف صاحب البقالة وامام المسجد
والله اخبر انو كان في مكتب مهتم الاشياء ذي بس انا خابره من كم سنة في طريق المدينة بس مو متأكد موجود ولا لا
وكم شخص اعرفه انا شخصيا يبي يتزووج بس ما يدري من وين يبدأ!!
يعني انت لو تسوي مكتب و يجيك الرجل ويسجل عندك مبدئيا ب رسووم معينه بحيث تضمن حقك وهو يضمن حقه
يعني يعطيك مبلغ وقدره ويكون العقد على انك ترجع له المبلغ اذا لم يتوفر الطلب.. مثلا يجي الواحد يبي له زوجة يطلب منك فقط ايصاله بولي أمرها أو تتفق مع خطابة او شي من هـ القبيل
وتتيسر ان شاء الله
ويكون الله جل وعلا هو الرقيب الحسيب

ان كان حتفتحه في السعوديه....

مشروعك فاشل 100%
لاتنظر على شخص او شخصين يحتاجو هذا الشي...انظر الى الاغلبيه...

اسف اخوي مشروعك غير ناجح ولا راح يشتغل نهائيا