اول شي استخير الله

انا عسكري في امن المنشأت اذا عندكم وظيفه في الشركه لي كلمني على الخاص

لا احد يقول بتنقل لي ثلاث سنوات بالشرقيه ملحط مانقلت ولا استقريت

الترقيات والله لو ما امر الملك الله يحفظه ليطوف ناس واجد

ياشباب لا احد يغركم بامن المنشات ترى امورها تغيرت النقل صعب والترقيات بعد صعبه كثرت الاعداد

استخير الله يالغالي

ورايي خلك في وظيفتك ازين مدام هذا راتبك

زملايه عرفاء ما ياخذون 8000 الاف الا اللي بالاداره وعندهم اصناف حاسب اللي في الميدان لا

لاتغتر واحسبها مزبوط

هذا رايي بالامانه

الشركه اذا ماكانت من هذوله انا انصحكـ بأمن المنشئات
1-ارامكو
2-سابكـ
3-بترو رابغ

لـأنـهـا معروفـه. . . غيرها انصحك بأمن المنشئات

شوف إذا عسكري من أمن المنشآت نصحك
بصراحه
واقولها لك على بلاطه
إذا انت حق خفارات ادخل امن المنشآت
نصيحه لوجه الله
غير المدني لاتساوم
انت بنفسك تقول انك مرسم في هالشركة
لكن تبي الصدق
الراحه النفسيه بهالأيام تنشرى بفلوس
راتبك زين وانا اخوك وانت مرتاح
وش لك وش للشقى
دام مالله حدك عليها
جمع لك كم قرش
وافتح مشروع صغنون
يكون لك دخل ثاني
وبكذا لاتفكر غير وشلون تتفنن في رضاء ربك

اذا انتا لاقي الامانا الوضيفي في الشركة لاوالله الشركة احسن بالف مرة حتى لو الفرق يصل الى الفين ريال

اخوي امن المنشآت قطاع حكومي
والشركة اللي تعمل فيها قطاع خاص

بصرآحه الراحه في الشركة مافيه شك لكن هل تعتقد ان الشركة سوف تستمر ما تخسر
وقطاع امن المنشآت ترقياته سريعه

الاستشارات سمعتها من الناس
مابقى الا تصلي لك ركعتين وتستخير يالغالي

والله يقدم لك اللي فيه الخير يا رب

انا لي 2 من خواني واعرف عالم كثيرة يقولون حاول قد ماتقدر تبعد عن العسكرية وحتى الآن مايمدحها بالنسبة لي الا واحد عاطل [[ وانت تعرف حكم العاطل غير حكم اللي مارس ]] والله العظيم اعرف رئيس رقباء طاقة الهم ومو مرتاح بالعسكرية وبتقول وين .. بالأمن العام العسكرية بشكل عام يبي لها شدة وانا اشوف مع الراتب هذا افضل لك تبقى وشد حيلك القطاع الخاص قد ماتعطي قد مايعطونك هذا غير الميزات ما انصح بالعسكرية وانت استخير اولاً واخيراً وشوف وضعك والله يوفقك واذا تبي العلم اسئل عساكر ان شاء الله لو تروح لهم وانت ماتعرفهم اسئل اي عسكري بيعطيك تفاصيل ماكنت تدري عنها اذا تقدر اسئل عسكري بأمن المنشات وقل له يعطيك كل الامور الايجابيات والسلبيات وشوف

امن المنشات وانت مغمض

نصيحة لوجه الله
أنا كنت موظف مدني و مرتاح و ماعندي إلا النوم و الدجة وتخصصي قريب لتخصصك ( مساح)

و فصلت من وظيفتي لاني إنقبلت نهائياً بالعسكرية

والله و الله و الله ندمت على اليوم اللي دخلت فيه العسكرية
حط براسك إذا دخلت العسكرية حتكون حمار كرف و إذا ما تنفذ يكتبوا فيك محاضر عصيان و هذي تسبب لك تأخير ترقية و فيها محاكمة عسكرية تصل إلى الحجز و الخصم

أما المدنية لو الوزير قالك صلح هذا الشيء و ما صلحته أكبر شيء يقدر يصلحه لك يوجه لك تنبية او إنذار و إنتهى

في المدنية أجازة مع الناس في الأعياد و مرتاح خميس و جمعة

لكن في العسكرية ما فيه هذا الكلام يقدر الظابط المستلم يخليك تجلس تستلم بعد إنتهاء عملك و يقدر يتصل عليك باي وقت تجي لان هذا عمل رسمي
و العسكرية بشكل عام لا يوجد فيها نظام تعرف فيه حقوقك و واجباتك

نصيحة لوجهه الله لا تفكر تروح عشان العائد المادي ترى الراحة النفسية هي أهم شيء وثاني شيء العمل بنفس المدينة اللي انت فيها و قريب منك

و القرار النهائي بكل تأكيد لك