السلام عليكم ورحمة الله وبركاته

لي فترة افكر بمشروع ملعب كرة قدم لكن ماهو متوفر لي رأس المال فحبيت أطرح الفكرة لكم لعل احوالكم تتحسن بعد الفكرة وتصيرون من الناس الهاي هاي <

ندخل ف الموضوع ..

الملاعب اللي جنب الساحات تبع البلدية بأحياء الرياض نلاحظ فيها كثافة عالية ع الملعب الصغير ف ما بالكم بملعب مزروع !
نفس الشيء نلاحظه بالملاعب كل عصر فل مايمديك تلعب الا بحارتكم ف كيف لو كان ملعب مزروع !
أي شخص يتمنى يلعب ع المزروع وشباك وسنتر ومخطط وحركات ويتشقلب ولا همه حتى لو يدفع فلوس .

طبعاً راح أقسم التأجير على فترتين بشكل أشوفه مناسب من وجهة نظري

الفترة الأولى: من بعد صلاة العصر إلى أذان العشاء (500 ريال)
الفترة الثانية: من بعد صلاة العشاء إلى الساعة 11 (500 ريال)

في الشهر يصفالك 30000 ريال

بتقولون والله 500 ريال غالي .. طيب تخيل 22 لاعب كل واحد يدفع 23 ريال بس ! يطلع 506
يعني المبلغ مناسب جداً وأظن بتكون الحجوزات على اسابيع وبيكون فيه ضغط ! يعني تخيلوا بجنبك ثلاث ملاعب تراب (الله يكرمكم) وهذا بينهم مزروع طبيعي الكل بيلحق عليه ..

انا حسبتها على فترتين يعني أقل شيء ف ما بالكم لو تحسبونها بالساعة او الساعتين .. كلنا نعرف ان تاجير الملاعب بالساعة تقريباً 600 يعني شوف كم بيصفالك ، مبلغ هايل
يعني خلال ثلاث شهور بالكثير لو افترضنا بحسبتنا الاولة راح تسدد حق تأجير سنة

هذا غير لو كنت مجنون كورة وتسوي بطولة وحماس اكيد بيجونك عالم خصوصاً انك بحي فيه كثافة سكانية .

يعني اتوقع الملعب ماراح يكلف ذاك الزود .. تحوطه بشبك وتحط 4 كبوس وزرع صناعي وبس وحط لك كرسي على امتداد الملعب يمين وبالمثل ع الشمال .. وسكيورتي عند الباب عشان ينظم الوضع .. والله مشروع رهييييييييب لكن مايصلح لي لاني عاطل

لكم المايك

فكرة حلوه ولكنها مكلفة شيئ ما , لأن الأرضيات الأنجيلة غالية على حد علمي , والسعر اللي انت عارضه قليل مره , فالرياض الساعتين بـ 500 ريال .
بالتوفيق

والله الفكرهـ من زمان موجوده بالنسبه لنا بالشرقيه ملاعب مزروعه ومخططه ومرتبه واضائه عاليه

والساعه بــ200 ريال واكثر الفرق تاخذ بالعادة ساعتين = 400 ريال والوقت يتحدد من قبل مسئول الملعب على

حسب الحجوزات يعني لو حبيت تحجز الملعب يوم الاربعاء يمكن تحصل حجز او يمكن يقول اليوم فلللل

مع تمنياتي لك بالتوفيق

بالتوفيق اخوي

لاحظنا في الفتره الاخيره عدد كبير من مثل هذه المشاريع

ووفق مواصفات عاليه وخاصه النجيله الصناعيه

ويختلف اجار الملعب في فترة العصر وبعد المغرب وحتى 12 ليلا

من 300 الى 250 ريال

لفتره 3 ساعات

ولاتنسى الاشتراكات الشهريه

بحدود 1500 - 2000 ريال موزعه على تمرينين او ثلاثه في الاسبوع


راجع الموضوع هذا


https://www.btalah.com/showthread.php?t=179229

وبالتوفيق لك اخي العزيز ....

مشروع جدآ ممتاز شوف اخي الكريم..الي راح يكلفك فقط هوا العشب الصناعي غير كدا لاتشيل هم بس ليه تأجر الملعب على فترات ليه ماتأجرو بالساعه؟ الساعه ب 200ريال .....