السلام عليكم ورحمة الله وبركاته

بصراحة شي لاحظتة من تسجيلي بالموقع لحد الآن اشوفه خطأ فادح يطيح فيه كثير من الاعضاء وهو
باركو لي تعينت .. باركولي توظفت .. باركولي قبلت .. عندي واسطة بالقطاع الفلاني وحاب اسئل ..... الخ
من هالعبارات اللي ممكن تصير سبب تعاستك طول عمرك ويمكن تصير سبب بضيقة نفسك وانت تأدي عملك
ياجماعة والله العظيم اني اعرف ناس بالجامعة داخلين تخصصات قوية جداً ومستقبلها قوي جداً ومن عيون ماصلت على النبي يجون للجامعة الصبح ويقولون مانقدر ندخل الجامعة اذا دخلنا نحس بضيقة لين نرجع واذا رجعنا نقول ليش رجعنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وواعرف واحد دخل كلية الملك فهد الأمنية وماضل يومين فيها يقول جتني ضيقة مو طبيعية كلما فكرت بالعسكرية كلها هذا وشو ياجماعة ؟؟
والله ان الآن العين والحسد ياجماعة بكل مكان الله يكافينا الشر ويستر علينا
ياخي انت انقبلت او ما انقبلت .. تعينت او ماتعينت لاتهدم نفسك وعملك ومستقبلك وانت ماتدري


الاستشارة مطلوبة وتنفع لكن اللي يجي مطفي النور ويلفت الانظار والله ياجماعة اني ما انصح فيها وانا ما اقول هالكلام الا وربي يشهد حباً لكم ونصيحة ما ودي احد ينهدم مستقبلة بسبب حسد او عين


فانتبهوا وحصنوا انفسكم بالذكر وحتى اللي يقرب لك لا يدري عنك بكل الأمور ولا تجلس تهايط بكل مجلس انا عندي واسطة وانا وانا وانا وانا .... الخ


والله ان فيه سوالف وقصص تهوووووووووووووووول من العين والحسد بس مابي اطول وابي الجميع ينتبه ياجماعة والله يرزقكم واكرر لاتنسون الصلاة والذكر والورد .. بالتوفيق للجميع

[[ ماشاء الله تبارك الله لاحول ولا قوة الا بالله العلي العظيم .. واستغفر الله العظيم واتوب اليه ]]