[align=center]السلام عليكم


ترددت كثير والله إني اكتب هذا الموضوع وأنا عضوة بالمنتدى من 3 سنوات تقريبا
واليوز مشترك بيني وبين زوجي


أنا متزوجة وأم ل3 أبناء الله يحفظهم جامعية وعاطلة وزوجي معاه كفاءة اتبهدل في القطاع الخاص من وظيفة لوظيفة وبرواتب ماتزيد عن 1500 وكنا نستلم من الضمان المساعدة المقطوعة رضينا بالبداية لكن ربي رزقنا بالعيال وزادت الطلبات واحتياجاتهم ضرورية من حليب وحفاضات وووو ....

بعد فتر لقى زوجي وظيفة كاشير بشركة معروفة براتب 3150 وطبعا عمرنا ماشفناه نزل بحساب زوجي كامل بسبب لو صار نقص بالصندوق يخصم من راتبه رضينا واتحمل كرف ال12 ساعة وهذا غير انواع الذل من الأجانب صار شغال عندهم كاشير وسواق واستمر معاهم لمدة سنة و3 أشهر تقريبا مع العلم انه طوال هذي الفتره كثير يشتغلو ويفصلو بسبب الضغط المستمر وبعدها استدعوه الإدارة وضغطو عليه انه يستقيل أو هم فصلوه الله أعلم وقالوله مالك أي حقوق عندنا وفوق هذا مااسقطو اسمة لامن التأمينات ولا مكتب العمل قال عشان ممكن يكون لهم هم حقوق عنده يعني لو لقو عنده نقص طوال فترة عمله يصير يدفع لهم ..

طيب الآن هو جالس كذا لانقدر نقدم على الضمان لأن اسمه مسجل بالتأمينات براتب يتجاوز المسموح لأخذ المساعدة المقطوعة ولا يقدر يتوظف لأن يظهر عندهم انه على رأس عمل..

وتخيلو سبب الفصل ايش؟
فترة ماالملك امر بصرف راتبين هم ماصرفو لهم ماهم معترفين بأي شي لازيادات إللي قبل لاوالراتبين وفوق ذا نزلت رواتبهم ناقصة يعني زوجي نزله 1800 وواحد من اللي معاهم نزله 700 او800 وقام ذا الشخص حقد عليهم وسرق من الصندوق 1000 او 2000 والله ماأذكر وثاني يوم كلهم غابو عن العمل لأنها كانت فترة التخفيضات وضغط مره ثاني يوم الإدارة تستدعي زوجي ويحققو معاه قال انه ظهر بالكميرا انه يتكلم معاه أكيد متفقين ولأن زوجي كان قدام الكميرا لما الرجال سرق يعني انه بيغطي عليه رغم انه زوجي ماعنده نقص بصندوقه وهو قالهم الحمدلله انا عمري ماافكر ااكل عيالي مال حرام قالوله ندري بس الكميرا تقول غير كذا وأجبروه يوقع على طلب استقالة وهو مايدري ايش اللي له وايش اللي عليه والحمدلله على كل حال..

والله ماكتبت موضوعي ابى مساعدات مالية ولا اني ابي شفقة من أحد لكن ضاقت وخايفة من بكره الفترة ذي أمي وأمه بيصرفو علينا وهم أرامل محتاجين إللي يصرف عليهم ..

وأنا بخيط شغلات للأطفال وابيعهم عن طريق النت لكن مو دايم القى طلبات وغير كذا طول الوقت قاعده على أعصابي ونفسيتي تعبانة موعارفة أوفق بين شغل البيت وطلبات عيالي وتنفيذ طلبات الناس ..

وزوجي يتكس بالسيارة بين فترة وفترة أحيان يلاقي وأحيان مايلاقي يعبي البنزين والنفسية في الحضيض حاس أنه فاتح بيت ومو عارف يصرف عليه يقولي ياليت كان عندنا بزرة وحده نقدر ندبر طلباتها مو 3 وأنا أصبر فيه وأقوله قول الحمدلله ممكن وضعنا يكون أفضل من كثير..

وأول أمس نزلنا على النت أغراض من البيت للبيع بقيمتهم نمشي الحال مؤقتا لكن لمتى ؟


اتمنى الوظيفة الحكومية إللي تغنينا عن الحاجة خلاص مانبي ضمان و لامساعدات ولا شفقة أحد نبي وظيفة عشان ناخذ قرض ويصير لنا بيت مستقل ونعيش زي بقية خلق الله ...

[/align]