لا اله الا الله

up

للأهمية

متى بنتوظف والله ملينا

على كلام عمي ,, يقول انه سأل واحد من اخوياه له منصب عالي في الخدمه المدنيه

يقول ان الأسماء الحين يسوون لها مفاضله من ناحية الخبرات والمعدل الجامعي والدورات وهكذا

ويعلم الله ان مصدري موثوق 100%

::

دمتم بود

يا اخوان رجاء خاص الي بيقرا كلامي لا يحسبني عدوه ويقعد يسب فيني

اولا انا مقدم زيي زيكم ولا لي اي مصلحة في اني اكذب , هالرد لا هو الي بيرفعني ولا هو الي بينزلني وترى الدعوى كلها اجتهادات سواء مني او من اخواني الي سألوا او من اي احد اخر

ما اريد قوله هو مجرد تأكيد فقط لكلام اخوي السبع الي هاجمه الكل

الاسماء طلعت من الخدمة المدنية وراحت لوزارة العدل ورجعتها وزارة العدل مرة ثانية لان فيه بعض الاخطاء ما بين الخدمة المدنية ووزارة العدل في بعض الاوراق اما اوراق المتقدمين فكلها كاملة ان شاء الله

وزي ما قلت لكم الاسماء طلعت وترشح الي ترشح وان شالله الي ما نزل اسمه في هالدفعه ينزل في الدفعه الجاية قدامنا سنه لنا الافضلية في اي دفعة كتاب ضبط او باحثين شرعيين

والله الموفق وشكرا للجميع

وكل عام وانتم بخير وتقبل الله منا ومنكم صالح الاعمال

والله وضعنا في الطوشه

نسأل الله العظيم رب العرش العظيم في هذا الشهر الكريم ان يرزقناوياكم هذه الوظيفة
وتنزل الاسماء في اقرب وقت.

اليوم ارسلت عليهم اخوي بحكم انه عسكري بالرياض المهم اول شيء راح للديوان سالهم عن الاوراق حقت العدل قاله مازالت عندنا لان دوبنا الاسبوع الماضي انهينا التدقيق لان اللي عنده نواقص نرجعها للعدل والعدل تتصل عليهم للإكمالها المهم قلت طيب وش باقي عليها قال الان بيتم ادخال الاسماء على برنامج المفاضلة وبحسب الاقدمية والخبرات والدورات يظهر الترتيب بعد مايتم ترتيبها من عندنا نرسلها مرتبه بكشوفات على العدل والعدل تكمل اجراءاتها من حيث استدعاؤها على حسب الشواغر واجراء الكشف الطبي..
خرج من عندهم وعلى العدل قالوا له ماوصلنا شيء من الخدمه قاله طيب وش الية الترشيح قاله ندخل جميع المتاسبقين ببرنامج المفاضله وبحسب ماتطلع لنا الأسماء مرتبه نستدعي بحسب الشواغر واللي مانستدعيه بالدفعة الأولى نستدعيه بالدفعه الثاني

بارك الله فيك اخوي سواها قلبك على هذا الخبر
ولكن السؤال متى؟

جزاك الله خير أخوي سواها قلبك

وكلامك صحيح وكتبت قبل كذا قبل بداية شهر رمضان اتصلوا علي وطلبوا مني إكمال بعض الأوراق الخاصة بالخبرات وسألت الموظف عن موعد النتيجة النهائية قالي بعد العيد إن شاء الله

ياشباب عينوا خير وكل تأخيره وفيها خيره بأذن الله

الكثير منا مقدم ع العدل وع التعليم وهذي نعمه من الله عندك أكثر من باب غيرك مو محصل شقفة باب

فلا تستعجلوا على رزقكم ولا تحرقوا أعصابكم بالانتظار وسماع الشائعات

اللي متاكد منه أن وزارة العدل محتااااجه كتااااب ضبط بالهبل لأنها راح تفتح 32 محكمه جديدة في مختلف المناطق

فياليت يا شباب تهدوون وتروقوون وتتفرغون للعبادة في هالشهر الفضيل وشهر 10 قريب وياسرع الأيام والله المستعان


أللهم يسر أمرنا في الدنيا والآخرة