الله يعافيك أخوي كاتب ضبط
كلامك عين العقل وأقرب إلى الصواب
ريحتنا الله يريح قلبك بهالشهر الكريم
أنا مقدم على (كاتب ضبط) المرتية السادسة
وش رايك في المرتب كم , يعني كم الصافي وكم البدلات اللي في الوزارة لهالمرتبة
سمعت فيه بدل مقابلة جمهور 15بالمية وكذلك بدل آخر 15بالمية
أبيك تشرح لي بالضبط الراتب بالتفصيل وكم ينزل بالحساب
الله يعطيك العافيه ولا يحرمك من دعائنا
وسؤال أخير
كيف طبيعة عمل كتاب الضبط تحديدا (اشرح لي بالتفصيل)
وآسف على إزعاجك

اول شي وعليكم السلام

اللي يسأل عن عدد الاعضاء بمنطقه حايل اطال الله بعمرك وجعلك منهم 71 اللي مسجله اساميهم ومقابلاتهم كانت بثلاث اايااام عاد مادري كم اللي جووو ومني انا يبي يتخلف منهم عشره ويصيرون 61 وان شاء الله كلكم مقبولين بالدفعه الاولي


اماا حبيب قلبي اللي يسأل عن الراتب للمعلوميه راتبها 6032 ريال بسسس اذا انت على الدرجه الاولي وقولهم يبي يحطون بدل 15 لكتاب ضبط ذا من يوم يفتحن المحاكم وهم يقلونه وطول يالليل ماطولك يعني مافيه بدل حتسي بين الناس فقط

ولو قالوا ان لك بدل يالغالي كل الف ريال عليها 150 ريال يعني بالسته الالف 1200 وانا متاكد مليون بالميه مو مقررينه

وللمعلوميه عادي يتوظف اثنين عادي واحد راتبه 7000 والثاني 6032 يعني كل واحد واسمه اذا لك بالتامينات سنه يعني يزود راتبك 310 وسنتين يزود 620 فهمتوا ...

وعلي قولت اني لغه عربيه او لغه فارسيه انت نجحت بالاختبار يعني تبي توضف الا اذا انت شكلك مو مهئيه للوظيفه يعني تدخن ومبين لهم او عندك فكر او او او او

وشكرا يالغالين

واحب اقولكم تررررررررررررررررررا يوم وزاره العدل سنه يعني بالورقه الوحده يقعدون شهرين من الحين اقولكم بردوا ولا تتحمسون قوه لانكم ان شاء الله تبي توضفون بسسس مسألة وقتت
وعلي طبيعه عمل كاتب الضببط الله يعيننا عليها يعني كرررررف هي حوالي ثمان تخصصات او اكثر وكلها متعبه بسس تخصص عن تخصص اهون :
1_ عند شيخ >> الله يعينك 2_ بالمحكمه الاولي >> كرف بس اهون 3 _ بالجزئيه > تبي تمرض نفسيا من المشاكل 4_ الاستناف >> ماتوقع تتزوج >> من المشاكل والقتل والخيانه 6_المحكمه العاديه >> ماهي حاصله لحد يعني بقريه
7_ محكمه الثانيه >> حلوه يعني تفريغات ياخطابات او كفاله او غيره >> حلوه بس فيها كرف

(( للمعلوميه ترا كاتب ضبط شغلتها متعبه جدأ جدأ اذا صرت بمدينه واللي يخلي الناس تروح لها لان مجال الوظايف محدد ))

والله يوفق الجميع ...

يسعدلي صباحكم يارررب

ياشباب كم استبعدوو واحد من المقابلات الشخصية بالرررياض ؟؟
لن والله مقابلتي مااخذت دقيقه على بعضها بس احس جبت العيد قال اكتب وكلامه سريع مره كتبت بخط واضح وطلعت
بليززز خبروني

صحيح وظيفة كاتب ضبظ كرف مره

اعرف واحد يتمنى التدريس وهو موظف فيها

جزاك الله خير ,,, ياكاتتب ضبط , وبارك فيك ,
باقي 7 أيام من رمضان نستغلها بالدعاء وإن شاء الله يتيسر كل أمر لنا ولكم . الله كريم

الغالبية يقولون انها كررف. والله اعلم ..
وطبيعي بيتمنى التدريس لأن الفرق بالراتب واضح وكبير.
لو حسبتها...بعد اربـع سنوات.. موظف على المرتبة السادسة.. راح يكون راتبه تقريبا 7500..
بينما في التعليم .... راح يكون الراتب تقريبا 10000 .
لاحظت الفرق.؟؟
وجميعنا خريجون جامعيون تربوين .... اين العدل ... اين العدل في سلم الرواتب..؟؟؟

الله يعطيك العافية أخي برويز ,,,, شـكرا لك وبارك الله فيك . وأتمنى نتابع مع بعض أي شي جديد عن فرع حائل إذا نزلت أسمائنا إن شاء الله بعد العيد ..وفق الله جميع المتقدمين في هذة الساعة ,,, اللهم آآآآآآآآمين